Sony X90L 螢幕四角出現暗角

heven

LeoChin@FB 發表於 2024-6-7 18:37
panel 有分 VA 同(好似) IPS，一隻可視角度大啲，另一隻就靚啲，上圖係 8000E，去到好側都睇到畫面顏色，屋 ...

平心而論，部X90L嘅立體感及色彩飽和度係優勝過X8000D，但側啲觀望就真係有啲灰！如果係正常的，咁就打罷！

heven

LeoChin@FB 發表於 2024-6-7 18:49
暗角，LED 或多或少、梗有啲
七年前嘅八千衣

嗰效果就似我部49X8000D，而部55X90L，當安裝後，師傅用網上「Pixel check」check機，四邊暗角情況好明顯，當時師傅話係正常😔，同時其中一個角近邊邊位有1點死點，好彩得一點，坐喺度遠睇就唔覺，如果唔係真係……….

heven

LeoChin@FB 發表於 2024-6-7 23:28
可能，嗱、可能咋，D,E 嗰個年代啲機，根本個光度就弱，光暗對比冇咁強烈、所以冇咁覺眼囉 ...

明白，收到🤓

LeoChin@FB

heven 發表於 2024-6-7 23:51
明白，收到🤓

X95K正面直觀

LeoChin@FB

LeoChin@FB 發表於 2024-6-7 23:56
X95K正面直觀

側視

Ed.YEUNG

通常屏幕老化除佐畫面變黃，仲會有四角發暗現象。

但係你嘅X90L無咁老，無可能會咁快會有暗角。除非。。。係太耐無開機，就好似我嘅小尺寸laptop咁，六個月祇開大約兩次睇電郵，液晶屏幕四角就會出現暗角。

我一周用兩次嘅75寸大電視用嚟睇比較多2.35對1比例嘅電影，1.85對1比例電影，就通常用4:3 letterbox模式，咁四角就會處於長暗狀態。
如果無設定每日電視於特定時間自開，進入"風景畫像"屏幕保護模式，四角黑化會更加嚴重。

屏幕如果常開，黑角唔會容易形成。但係如果真係唔常用，建議或多或少一周開5日，每日至少4個鈡"warm up"屏幕。

FoxHey@FB

我其實想問 你真係會係你所講嘅位置睇戲 如果唔會 就真係唔好太介壞
Led 係咁 mini led 都會 但真心 去到45度睇電視都好少 基本上香港都係蝸居 除非你屋企真係好大啦 皇帝位就係皇道

FoxHey@FB

LeoChin@FB 發表於 2024-6-7 23:56
X95K正面直觀

X95k 正

LeoChin@FB

FoxHey@FB 發表於 2024-6-8 01:05
我其實想問 你真係會係你所講嘅位置睇戲 如果唔會 就真係唔好太介壞
Led 係咁 mini led 都會 但真心 去到45 ...

咁又唔係咁講，9000E真係好誇張，側好細角道已經灰白一片咖

heven

LeoChin@FB 發表於 2024-6-7 23:57
側視

師兄，多謝回覆🙏🏻，我琴日用返部舊嘅同新嘅兩部對比，舊嗰部X8000D可能個畫面細少少，所以感覺輕微，但係新嗰部相對明顯少許(上邊嗰兩隻角明顯過下面嗰兩隻角😅)，除咗暗角之外，發覺畫質方面真係勝過以前嗰部好多👍，例如我用Netflix睇「明日戰記」，最明顯嘅係喺戲院睇同埋我用舊嗰部電視睇過一次，同一個情節好似喺醫院入邊嗰啲怪獸同埋公路入邊兩個機械人喺度對打，喺戲院睇同埋用部舊電視睇，係分唔清楚怪獸嘅顏色同埋輪廓，同埋喺公路上機械人對打，唔知邊個係B16空戰部隊人員，邊個係真正機械人😂，另一方面如果係「畫面模式」用「普通」，畫面感覺上立體感重啲，同埋Detail位、高光位好好多！相比用「電影模式」👍，anyway一皮嘢唔使買到水尾嘅MIJ(不過挨近右上角落位，送一點dead dot😂)有咁嘅效果都已經非常滿意，暗角方面慢慢適應，同埋講真如果集中睇畫面嘅時候，唔係左望右望嗰四個角(如果係睇串流平台嘅戲或者係睇實體碟，因為上下冇咗一部份咁就更加發覺唔到！)，暗角唔係太明顯，除非係淺色畫面另計😂