請教大家屋企入面既喇叭配置組合，係咪一定要全部同牌子配置係最好？

KeithChan1@FB · 發表於 2024-3-13 23:43

知道各師兄經驗十足，通常你地現時屋企嘅喇叭配置係咪多數都係同一個品牌？如果有時用兩至三個唔同品牌既喇叭去組成5.1 or 5.1.2 ，咁樣既配搭係咪冇咁好？效果係咪會差啲？

Ed.YEUNG · 發表於 2024-3-14 00:02

傳統上，由鐳射影碟時代開始，一般都係會建議前置三聲道出自一個廠家會確保前三聲道嘅音質一致。

KeithChan1@FB · 發表於 2024-3-14 00:04

Ed.YEUNG 發表於 2024-3-14 00:02
傳統上，由鐳射影碟時代開始，一般都係會建議前置三聲道出自一個廠家會確保前三聲道嘅音質一致。 ...

那麼後置同sub 仔呢？一定要同廠家？

Ed.YEUNG · 發表於 2024-3-14 02:36

後置，或邊置喇叭一般上可以唔駛同厰或同系列產品，伸縮性比較廣。

Sub仔主要功能係"打出"低音，所以就算非同厰嘅，影響唔大。主要挑戰係你如何搭配。

打個比列，如果你嘅前置左右聲道係座地喇叭，低音單元8寸或更大。。。好似Cerwin Vega嘅XLS215咁，一個音箱有兩粒15寸低音單元，如果你夾硬添加一或兩個12寸Subj仔，嗰個低音音量。。。你頂唔頂得到咧？你嘅居住單位頂唔頂得到咧？
喺哩個情景，Sub仔就變得 "可有可無" 嘍。

至於 "必有不可無"，就要睇你選擇嘅前置三聲道喇叭低音單元係唔係少過8寸啦。有些喇叭單元夠粗獷，好似Cerwin Vega XLS28咁，任何低音頻率都應付得到。有些歐洲喇叭8寸單元就未必頂得住啦。。。我曾經試聼過Wharfedale一款座地喇叭，有兩個8寸單元，唔記得麽型號。某些DVD片嘅低音，嗰對喇叭就輸俾Polk，或 Paradigm 嘍。。。Wharfedale需要10寸Sub仔輔助才應付得到。