Eversolo DMP A6 - 性價比很高的Streamer

fshair

homan272 發表於 2023-8-7 12:50
兩部機雖然係同一間廠出，但我諗主要係市場定位唔一樣。
Zidoo 係主打視頻播放，行自家開發軟件，安裝及 ...

唔該晒師兄，之前爬文見好少提Neo s, 唸下如果聽歌都係考慮A6可會好D

homan272

上回講咗加套USB光隔。今日繼續update電源部份嘅改動。

DMP A6本身個供電係個開關電源。雖然原廠報稱係低波紋高性能，但基於對音響嘅信仰點都係覺得用LPS先至夠Hifi，所以買返嚟無幾耐就打開過部機研究下可以點攪。部A6嘅內部格局係好典型好精簡，右邊一份獨立開關電源板，主板中間係主控同埋所有數碼線路，主板最左邊係解碼同模擬輸出。


計劃mod改DMP A6嘅電源已經預咗唔會用佢本身份解碼同模擬部份，所以相對地個改裝會簡單咗。研究完份供電，評估完個風險就開始物色合適嘅LPS方案。

部A6始終算係細機，內部空間有限，要改內置LPS唔太方便。於是淘咗份俾Lumin mini 改LPS嘅套件打算改落部A6。首先將A6本身開關電源成份抽走，份濾波module換上合適嘅線同插頭，加個鋁盒裝住份濾波方便安裝，主板做少少零件改動後裝機再駁埋部外置LPS就基本完成 (改機有一定風險，敬請留意)。




完成後開機正常，USB輸出無問題。仲未試過其他輸出，估計Coaxial輸出應該都無問題，解碼模擬後嘅XLR/RCA 就算有聲出都唔會好聲。煲咗一排操作都穩定，應該算得上順利mod咗部DMP A6嘅電源。


雖然我係加套USB光隔在先，mod改LPS在後，但其實兩個改動都係差唔多同步進行。加咗套USB光隔個效果明顯，當時都有諗再改LPS會唔會改善空間相對有限。實際試機個果刻都仲係有D驚喜。改LPS後高頻延申相對穩定咗，低頻扎實咗，樂器同歌手定位再準確咗， 多聲效嘅場面無咁亂，歌手唔會唱唱下走位，錄音嘅細節都聽多咗。

DMP A6改LPS對比加套USB光隔都係有實質上嘅改進，好難去定義邊一個方案效果好過另一個。我會理解為改LPS係實質上提升部A6嘅質素，加裝USB光隔係提供一個較乾淨嘅USB路徑俾部A6輸出該有嘅質素，兩者係相輔相成，總括嚟講個效果係有D超出預期。


同場加影Hifi Network Switcher

買LPS嘅時候見到商家出咗部新款switcher。原本無諗住咁快加switcher，但係哩部switcher內置LPS，行OCXO恆溫晶震，有isolated ethernet 接口，最緊要係佢做緊新機預售優惠平幾舊，於是調整一下計劃順手預訂埋部switcher。


部switcher有一個isolated ethernet + 4個正常ethernet 接口，一個SFP接口，一個外置時鐘輸入接口。我用個isolated ethernet 駁router，另外兩個ethernet駁A6同埋電視。加咗部switcher後聲畫都有所改善但係個改善程度無改LPS或者加USB光隔咁明顯。部mod改LPS 及加裝USB光隔嘅A6聽歌會安定咗少少，但係要好細心聽先察覺個分別，唔係A/B即插對比都唔一定聽得出個分別。

俾多少少時間再煲一煲套系統再睇睇會唔會再有無咩唔同。

lun12345

請問有無師兄可以講下亂碼既解决方法?我駁返之前用開隻HD落去,掃完之後變左有67成亂碼,但之前其他機又無問題........

just_for_uhk

我用ipad remote佢出唔到bit perfect 嘅??

geo

今日音響展入手,返到屋企駁好晒不論rca 或hdmi入RZ50都冇聲出

just_for_uhk

geo 發表於 2023-8-12 22:04
今日音響展入手,返到屋企駁好晒不論rca 或hdmi入RZ50都冇聲出

要係source揀input, output要係setting入面揀 XLR / RCA

geo

just_for_uhk 發表於 2023-8-12 22:29
要係source揀input, output要係setting入面揀 XLR / RCA

有揀啊，結果都係一樣

just_for_uhk

dplqb 發表於 2023-6-27 21:49
我用DVD Rom 聽CD，郊果也可以。只是rip file未能見cd資料和cover，未知點解？

想問下ching個dvd rom插邊個位? thx!!

lai71072

just_for_uhk 發表於 2023-8-12 23:49
想問下ching個dvd rom插邊個位? thx!!

USB 3.0果個

meganedesu@G

geo 發表於 2023-8-12 23:29
有揀啊，結果都係一樣

師兄係咪揀內置播放器？我比玩左一大輪，原來無揀