(會後討論) Denon AVC-A1H 8K 皇者傳奇體驗會

pac

A1H 用新晶片分析力明顯贏8500。
力水夠。空間感也很好。
但由ATMOS UP 上AURO 3D ,
可能我坐個位無咁好啦，
UP 左系好似整個環境大左，但分離度就弱左，
層次也無咁分明。

wayne0503

pac 發表於 2023-2-19 00:22
A1H 用新晶片分析力明顯贏8500。
力水夠。空間感也很好。
但由ATMOS UP 上AURO 3D ,

可能係冇Center height 和 voice of god 我都覺得同ATMOS比較某啲樂器聲好似係弱咗

VictorSHEK@G

睇JW3 機關槍打落唔同物件既表面果刻感覺真係好impressive, 出黎果種聲音既細緻度真係之前係完全未聽過，大聲得黎唔會係覺得好吵耳既感覺。而且一部機推咁多隻B&W喇叭都可以遊刃有餘，真係好勁
多謝Post76 同Sound United今次既活動，又好好彩比我後補執到隻靚雞出席今次分享會。Thanks

4efm

今次有幸出席Denon AVC-A1 8K 體驗會,當睇試片時的第一道雷聲和落雨聲,感覺到比屋企部8500紮實得多,埋身感強而有力.接著JW用手槍射穿敵人身體再打落牆身,穿透感十足,聲音清脆利落,在在顯現皇者風範.多謝POST76舉辦這麼精彩的活動👍

chy

首先好開心能夠參加呢一次Denon AVC-A1 8K 體驗會嘅活動，我係用緊8500 ，今次完全好明顯咁體驗得到呢部新嘅天龍旗艦擴音機嘅分析力同控制力升級嘅幅度！睇完試映會擇日梗係喺屋企攞返晒當日嘅片段出嚟再比較一下啦，聽返自己屋企嗰套系統之後個結果就當然就梗係有啲唔開心啦😅！最後好多謝小瑟兄、威廉sir以及76一眾工作人員付出嘅努力，帶俾76嘅會員咁多福利！👍🏼👍🏼👍🏼

cheungliu

今日出席了post76 的a1h 介紹，真心感受機王推9.4.6的強橫。

一開場用airplay 黎播音樂，我初頭都打左個突，因為大家有玩2ch 都知道airplay 同藍芽都是有限公司，但是見威廉sir 照播天碟，播出黎都真是有驚喜下，驚喜在你會覺得一路用av amp 聽歌好唔掂（包括我家的av amp), 但依部a1h 推bnw 喇叭，又真是推到wo。當然如果你話要同2ch 前後級推是有距離，但是a1h 播出黎的聲是真是唔是以前的av amp 聲，在香港地少人多下，簡化左唔駛入2ch int amp 已經會令到地方好見駛，又更顯得a1h 更抵玩

之後到電影部份，其他網友都有講左，我只講重點。john wick 果種子彈橫飛處理好好，試atmos 用atmos sample 同用豬羅記都是聽到天空聲，加埋有後面subwoofer 時聽top gun 真是有去番影院 感覺。

多謝威廉sir 耐心介紹，多謝sound united 同post76攪今次活動，今次活動好成功咁介紹到依部叫得做A1 的機王

yueming1004

有幸參加今次尾場，聽感上大致上同上面師兄睇法差唔多，最深刻係珠羅3上空聲道,真係以為有人敲天花板咁。
裝齊喇叭，一部合併推曬15隻＋4個低音，就算我坐埋一邊個包圍感都好好。
部機好靜聽唔到有底燥，分析力好好，物件遠近，質量都好明顯聽得出。
綜合一齊，部機好自然帶到你入戲，都要多謝威廉sir教得好。
尾場唔想阻人收工，當威廉sir問有無問題，我真係好想問下，有無TRADE IN部舊機🤣🤣。
咁多用緊8字頭A110既師兄都換，我尼d用8012既聽完都有點春心動。
想問大王，會攪圍購嗎😆？？

astrid1211

Ricky1703 發表於 2023-2-18 12:55
尋晚好精彩，多謝小瑟用心揀選試機影片及聲效，呢部A1H真係正機，如果我買會選擇銀色，考慮中，不過尋晚太 ...

呢樣真係想知. 格硬上面放多幾隻喇叭D 聲又唔知分唔分得開

cth516

小弟有幸被抽中參加尾場嘅體驗會，首先多謝各主辦單位（排名不分先後）威廉Sir，Sound United，Post76工作人員。
Denon AVC-A1H，不愧為旗艦，一部機推哂所有喇叭&十仔，出嚟嘅後果真係好到非常，完全改變我對合拼機想要好聲的話就一定要加後級嘅睇法。A1H，無論聲音嘅厚度，質感，定位，連貫性真係無可挑剔，但唯一樣就係高音我覺得有少少尖，可能係我聽唔慣B&W喇叭關係。
總括嚟講A1H真係一部好正好正好正嘅旗艦機。

小瑟

💥過百人報名！Denon AVC-A1H 🔥15.4 聲道 8K日系皇者傳奇體驗會活動精華！| 活動報告



2023 年對 Post76 嘅會員兼天龍粉絲黎講，應該非常興奮✌️😊 !! 因為自 Denon 110 周年紀念版系列推出後，呢部機技驚四座，效能與價位都有非常大迴響!! 接落黎闊別大家 16 年嘅 Denon AVC-A1H 最旗艦型號，終於再次推出😍!!! 大家都非常期待，所以 Post76 即時同大家安排左 4 場體驗會，當然有得天龍自然唔少得有威廉 Sir 作嘉賓解說今次 AVC-A1H 有乜革新，兩日四場的活動，吸引過百人報名參加。而我們今次亦都用盡心機讓大家可以一試 Denon AVC-A1H 的威力。如果果日未有機會到場的朋友，可以先睇返我地呢條精華片✌️，我地應該好快就再舉行不同的Denon AVC-A1H活動來讓大家可以一聽Denon AVC-A1H的效果。😘