(會後討論) Denon AVC-A1H 8K 皇者傳奇體驗會

Hugo Fok

2023年3月7日更新 : 💥過百人報名！Denon AVC-A1H 🔥15.4 聲道 8K日系皇者傳奇體驗會活動精華！| 活動報告

2023 年對 Post76 嘅會員兼天龍粉絲黎講，應該非常興奮✌️😊 !! 因為自 Denon 110 周年紀念版系列推出後，呢部機技驚四座，效能與價位都有非常大迴響!! 接落黎闊別大家 16 年嘅 Denon AVC-A1H 最旗艦型號，終於再次推出😍!!! 大家都非常期待，所以 Post76 即時同大家安排左 4 場體驗會，當然有得天龍自然唔少得有威廉 Sir 作嘉賓解說今次 AVC-A1H 有乜革新，兩日四場的活動，吸引過百人報名參加。而我們今次亦都用盡心機讓大家可以一試 Denon AVC-A1H 的威力。如果果日未有機會到場的朋友，可以先睇返我地呢條精華片✌️，我地應該好快就再舉行不同的Denon AVC-A1H活動來讓大家可以一聽Denon AVC-A1H的效果。😘


今晚小瑟同威廉 Sir 同大家一齊試盡 Denon AVC-A1H 8K 擴音機既終極威力，實試過新機係 Atmos、DTS:X、Auro-3D 以及 IMAX Enhanced 四大格式配合 4 隻超低音喇叭既豐厚動態表現... 今晚親身體驗過效果既朋友都歡迎係度分享今晚既所見所聞啦！

孤身走我路

旗艦級真係旗艦級!

wayne0503

首次睇驗咁正宗嘅9.4.6佈局 係聽多好多平時聽唔到嘅聲音 先係下層9聲道加咗一對FW 係Atmos Demo已經在我腦裏畫咗個好大嘅圓圈 緊接住Black Adam 從後面衝上來前面嗰浸低頻感覺係從未感受過 另外A1H嘅新晶片我在3800都聽過上層喇叭嘅物件移動定位好準好開揚 整體部機包括價錢係冇咩好挑剔係抵玩嘅 ！多謝post76搞個咁正嘅活動比大家試聽🙏🏻

lungaska

最難忘睇嗰段演唱會用個Auro 3d，同未upmix既atmos時比真係差好遠，天花同地面聽到嗰啲鐘嘅答答聲，好突出，好過癮😂

surekot

第一次參加Post76嘅活動，一見到有得報名即刻撳掣，又好彩俾我抽中！
多謝大會嘅悉心安排，燈光攝影拍攝團隊，Admin安排，多謝小瑟大哥同威廉Sir嘅講解，原來家庭影院可以咁犀利9.4.6
Dolby Atmos, Auro3D, DTSX, IMAX Enhanced, 有專業講解就知道自己喺度聽啲乜嘢，真係學到好多嘢😘😘
最驚喜係四個重低音，真係可以好有包圍感，沉浸感好強，但係又完全唔覺得嘈吵，Bass Sync 調教3ms ～5ms小技巧同示範
有打心口，有龍捲風感覺，有雀仔轉圈飛翔，又有熱帶雨林，有清色嘅子彈橫飛，著名嘅空戰場面，聲音同畫面配合，成件事好夢幻🥹。

除了感謝，還是感謝🙏🏼💕

Bolandon

我都覺得PINK FLOYD嗰段TIME最吸引, Auro 3D真係效果明顯,值得投資,不過玩四隻SUB就真係難啲,雖然效果真的升到第二個層次

Ivf88

Auro 3D 效果好正！
搞到有啲心動了！

Ricky1703

尋晚好精彩，多謝小瑟用心揀選試機影片及聲效，呢部A1H真係正機，如果我買會選擇銀色，考慮中，不過尋晚太趕冇問威亷Sir, 如果屋企只可放5.1.4, 係咪應該用唔盡部機？可以點set會好啲

hit87761

如果demo 用100'以上投影會更正!

issachar

我尋晚返到屋企開返套 John Wick 3 黎睇, d 散彈弱左....

9.4.6 真係有 immersive 既感覺, 好鬼正... 用左 4 隻 sub 仔真係填滿哂間房, 不過如果用埋 12 吋打埋心口就更加正!