(會後討論) Cambridge Audio : 串流影音新世代 WORKSHOP 2.0

Alexdaddy · 發表於 2022-12-24 01:09

雖然遲咗少少，希望大王唔介意啦。
首先都係要多謝Post76，輝煌影音 & Cambridge Audio搞呢次咁精彩嘅活動。
我自己係一個影音入門初哥，以前只擁有過一套簡單的入門5.1系統用嚟睇戲，但而家就想玩埋2CH，初初見到EVO150推出市面已經心郁郁，睇完評測就入咗手，仲要加埋一對性價比極高既細書架Wharfedale12.2，當然係喺輝煌東哥推介啦，返到屋企好滿足，而家成日用串流聽歌，我就用開TIDAL，日常應用十分方便。因為呢個活動，令我見識到佢雖然機仔細細，可以推到一啲貴佢幾倍既Elysian喇叭，真係有啲深藏不露，而且仲有好多嘢可以玩，例如直解MQA CD、玩黑膠、玩影音分家......好多謝Cambridge Audio職員為我解答咗好多新手入門問題。最後我覺得呢部機非常適合我呢啲初哥，除咗可以一步到位，仲可以為以後既深坑鋪路。