JVC D-ILA NZ9B 8K e-shiftX 鐳射投影皇者級光映の夜(會後討論）

小瑟

昨晚喺我哋studio做咗兩場JVC NZ9投影機嘅活動,見到好多好耐都冇見的熟悉面孔。所有回憶都返曬嚟。琴晚做得唔好嘅地方請大家多多包涵。

希望大家喺度畀啲意見小瑟啦。

小瑟

昨晚現場情況！！😁😁🤟

pac

昨晚有幸到訪76新架部（之前未去過）之餘又睇到咁大個仔未睇到過嘅投影畫面。
比在AV SHOW 見過依架機出嘅畫靚好多下，
主要應該係依度畫面細咗（120寸）同埋不是透聲幕之固。
之前老實講對laser光嘅投影機嘅畫面冇乜好感，主要係黑位唔夠實淨。
但琴晚見到依部機出嚟嘅畫面黑位非常之正，真係科技先進唔到你唔承認嘅。
校機嘅色魔當然都要記一功啦
總之一句有錢唔使講一定係買佢㗎啦，
100mm玻璃鏡頭真係好吸引。

goharry

昨晚有幸參與了post76 舉辦的 JVC D-ILA NZ9B  的影音活動 ,  當我現場見到NZ9,  第一眼覺得部機造工好有質感, Solid, 有氣勢, 個大玻璃鏡頭好Grand , 鏡片Coating 真係好美.  日本工藝和設計。唔花巧, 對品質細節的堅持, 真係值得敬佩！  

約一個小時的影音活動,  內容很豐富而緊湊!  

好難忘, 有一段(8K壓成4K)日本晚上空拍的景色.  第一眼, 真係被個畫面驚嚇到!  由直昇機向下拍到D街景, 馬路, 行緊的路人,  移動中的汽車, LED 招牌, 射燈等, 全部畫面真係好有立體感, 有D招牌上的日文都睇得清楚 (雖然我有D老花) ; 有一幕係拍 一座高樓大廈, 玻璃窗反射的細節和立體感係我第一次感受到的震撼!  辨公大廈內燈光峰明,  透過落地玻璃窗仲睇到辦公室內的室內佈置.  How amazing!

接下來, 大王精選了數部電影的chapter, 包括Transformer, john wick, a star is born, 少年PI, top gun 2.  
各部電影都有其鮮明的特點和元素, 有鎗戰, 有科幻特技, 有文藝, ​有音樂.

最深刻係top gun 2, 前2個月左右才在戲院睇完IMAX, 我可肯定NZ9畫質表現好過電影院好多好多....
另一個驚喜係今日活動現場的音效， 真係好過戲院太多太多！ (top gun 2在戲院睇， 內容情節一流； 但係音效真係好唔得， 勁差過同期上影的朱羅紀IMAX)

現場睇完幾部不同題材的電影後, 我的眼睛仲好舒服, 顏色好豐富飽和, 超高細節, 我最深刻係, 有一種自然立體感，顏色的過度得好好!  

如果有預算, 呢部真係無得輸.  雖然我未睇過低兩級的Nz7, 不過我相信Nz7 仍然係呢個價格範圍的Best buy!  加上而家投影用鐳射技術已成熟， 用到２萬個鐘， 超正！

有如此正的顏色和畫面, 真係要多謝Anthony 色魔的專業調校, 佢將NZ9 的潛能發揮到最盡.
當場, 有位Ching 要求看未經專業調校(出廠設定)的兩者AB比較, 結果經專業調校的顏色飽和度和立體感真係好好多!  現場用了一個120吋高質素電動投影幕, gain  1.0,  個幕和JVC NZ9, 夾得好好, D顏色出得好自然, ​畫面亮度剛剛好, 好舒服!

如果要Upgrade 投影機JVC 8k 或高階投影機, 最好找Anthony 做專業調校.  這樣才對得住部好機!

我係第一次到Post76 葵芳的showroom, 坦白說, 我好欣賞現場音效表現,  雖然只係用Mission 中階啦叭(我應該無睇錯)， 聲音調校, 連貫性, 中置人聲細緻, 超低音同其他啦叭的連接得好好, 整體性真係做得很好!  如果我有機會由零開始, 做一個新的小家庭影院.  我一定會請post76 替我包辦全套的影音器材和線材的配置, 將自己深愛的影音設備發揮到最好.  "相信專業"

好多人話電影院的影音一定係最好; 自從今天睇完Nz9和感受了post76 現場的音效表現後， 我自己的答案是否定的。

再次感謝Post76 的用心舉辦這次活動!  辛苦你們了。  希望疫情早日過去, 大家同樂再參與Post76 更大的影音活動^^

永遠支持Post76

小瑟

pac 發表於 2022-9-17 10:24
昨晚有幸到訪76新架部（之前未去過）之餘又睇到咁大個仔未睇到過嘅投影畫面。
比在AV SHOW 見過 ...

大哥講完個投影，講小小聲又有咩意見先啦！！🤣🤣🤣

小瑟

多謝師兄嘅超長文分享，非常之仔細地講出琴晚活動嘅細節。老實講，好多時用盡心機絞盡腦汁去籌辦一個小時嘅活動，最希望就當然係大家都睇得滿意睇得開心。收到器材應有嘅表現。對我嚟講已經係交到功課。

但係其實最令我開心同埋鼓舞，就絕對係各位師兄睇完之後分享返你當刻嘅感受同埋感覺如何。尤其我哋自己嘅studio，呢幾年呢其實都落咗唔小心機去做影音方面嘅調教。雖然我都知道我哋嘅器材唔係最頂級。都係一般大家家用嘅平民機種。但我都希望可以將所有嘅嘢發揮得最好。最起碼都唔好失禮我自己。所以睇到師兄嘅留言。老實講真心非常感動。而且我知道這些鼓勵的留言。是一定要大家有機會見到面真正辦到活動先至可以有機會出現。我哋會好努力咁樣爭取之後嘅活動機會。希望大家都可以好似以前咁，喺我哋post76呢一個網站上面，找到志同道合的影音好友。開心分享！！

pac

小瑟 發表於 2022-9-17 10:39
大哥講完個投影，講小小聲又有咩意見先啦！！🤣🤣🤣

聲方面唔差喎 ，係低頻有待改進啫

Mingminghung

昨晚喺post76 studio睇左JVC NZ9投影機嘅活動,現場見到都有成三年冇見真人版大王同 Hugo。所有回憶都返曬嚟，真係好開心。studio 裝修得好靚好pro, 自己可能太專注欣賞畫面，冇乜點留音聱效，感覺係包圍感好强，天空聲道也很出，美中不足係爆炸力差左D，唔知係咪前,中置喇叭取向，定自己聽開JBL hon的差别？

matt88p

Mingminghung 發表於 2022-9-17 11:18
昨晚喺post76 studio睇左JVC NZ9投影機嘅活動,現場見到都有成三年冇見真人版大王同 Hugo。所有回憶都返曬嚟 ...

其實如果你聽開JBL........

wantai288

我真係覺得計音效戲院唔一定好過屋企，  尤其是atmos，我覺得屋企正好多，戲院可能天空同後置喇叭太近，我有一日係屯門凱都睇戲，佢地後置喇叭同個樓底仲有好大距離，如果整天空喇叭一定好正。