得獎名單：Sennheiser IE 600 耳機 - 試玩平台: 任試 (第十三季)

KwokTerry@FB

頭先去到鋪頭先新開隻耳機，但表現依然非常好，樂器合奏嘅處理非常出色，每一款樂器都可以好好咁聽到佢地既定位，亦唔會搶咗人聲，低頻都非常出色，起呢個setup底下依然有震撼到，5000左右價位但完全可以媲美旗艦級既耳機

SunnyChan@G

Sennheiser IE 600小巧外殼，連接穩定性，享受寧靜空間，仲可以用消費券買

kinlok

試聽完覺得啲音色真係好好，而且同平時嘅耳機好唔同～仲好貼心嘅設計 好岩我用❣️

ChaiCha@FB

之前啲朋友都有提過呢個牌子Sennheiser，話佢質素唔差 ，物有所值， 今日試過Sennheiser IE 600， 佢嗰個音質呢真係非同凡響， 嗰啲好細微好細緻既音都反應到出黎，真係一分錢一分貨，本身佢個包裝設計已經有種高級感，確係“才貌雙全”，值得擁有！😊👍

issachar

上次試完 IE900 聽出耳油，呢次 IE600 當然想再試下！

lordfrancis27

小弟本身都有用sennheiser,第一隻earphone就係IE80,依家仲用緊800s,800s好係好,但係換線同配戴感同目前嘅產品比係爭少少,上次試過600,配戴感真係好好多,本身金屬材質已經靚仔,仲要聲音表現唔錯,定位清晰且平衡,雖然無900咁明亮,但試完之後都會選擇困難,究竟呢兩隻邊隻好,定係why not both 就算🤣

JhoLow@FB

人聲乾淨!爽快舒服超有層次!超清晰聲音豐富🤩🎧

cyy@G

原本我也有IE 900，雖然IE 600跟IE 900兩隻外型和動圈單元都十分相似，但看得出整體結構和外殼物料也是不同，所以出來的效果完全不一樣，比起IE 900的極高還原度，IE 600就像是一對有感情的耳機，人聲立體感強，容易聽得出歌者頭部左搖右擺地演唱，現場的空氣感、微細的殘響，還有那種感情的流露，那種感情及氣氛的表現非常適合用來聆聽音樂，每次聽到都令我陶醉於歌聲之中，而調音方面即使聆聽不同種類的音樂，都會有著很優美的旋律，因此我對IE600十分滿足，有時候也會推薦給身邊的朋友!

barric

今日終於有時間可以出去DMA 度試Sennheiser 嘅 IE600 入耳式耳機，真心講句，佢比到我嘅感覺都真係幾出乎意料。冇諗過呢個價位嘅動圈耳機可以做到呢個地步。

1. 佩戴感
非常穩陣實正，唔重。我嗰陣戴咗之後係咁fing 頭，完全無甩出嚟嘅感覺（當然你緊係要揾對啱你耳仔size嘅耳膠先啦！）。而且物理隔音有都如其他高檔品牌嘅ANC效果，我諗就算巴士地鐵用都可以有發燒級嘅體驗。

2. 聲音
聲音方面，我嗰陣係用iphone 加條jer 仔，聽kkbox。佢個還原度真係超高，感覺係完全唔放過任何嘅一個細節。人聲比較前，空間幾闊，分得到層次。我特別中意佢個低頻量感，我試完睇返，原來佢可以落到去4hz... 實在太勁，我嗰陣聽緊beyond 嘅「我是憤怒」澎湃感真係無得彈 ，聽得出火

3. 潛力（可玩性）
用緊佢嘅跟機線再加iphone，其實聲音耳現已經好發燒了。之後再試一試比較入門嘅AK SR25 MKII 同埋高階啲黑磚二代，聲音唔使講緊係仲好啦。不過我想講嘅係，隻耳機好敏感，佢可以好好咁呈現到呢2隻dap 嘅唔同性格。AK嘅偏暖聲調音同埋誠實向嘅黑磚二代，你係真係可以感覺得到個分別。之後再換條4.4嘅nira 線，真係不得了。因為nira 本身就有一種比較開揚嘅感覺，喺低頻方面更上一層樓，"boom boom" 聲。唔同嘅配搭呢隻耳機又可以好凖咁樣反映返比你聽。我好想試下換一條backgroud 比較靜嘅4.4耳機線試聽嚟聽交響樂，但係都唔想太麻煩人了所以最後未試到。但係我相信隻耳機咁敏感，最後出來嚟嘅感覺應該會人在演奏廳嘅感覺，靜嘅時候靜，澎湃嘅時候就澎湃。

4. 總結
Sennheiser 嘅 IE600真心係一隻好好嘅耳機。非常all-rounded，特別係中低頻我好中意，但係聽jpop 嘅女聲都係一流！聽到口水聲啲細節位。隻聲聽到厭嗰陣又可以出去試吓唔同嘅組合（耳機線/dap)，出到嚟嘅耳音表現又好似一對新耳機咁，我諗會係一對好襟用嘅耳機。

希望可以抽到呀呀呀呀呀～！真心好中意呢隻動圈耳機呀呀呀呀呀！我而家都係用緊IE 40 pro，好想upgrade呀
最後多謝post76 可以搞到呢個活動！

Gary@G

之前試過入門級ie300, 已經覺得性價比極高，樂器有味道而且定位清晰（當時已經決定將呢一隻用做推坑神器）。不過當時門市冇ie600，冇得試聽。今次有機會試聽呢隻中階耳機，感覺係行唔同路線。聲音中正之餘有更加多嘅厚度，變得更加耐聽而且有音樂感。音場同結象方面有提升，樂器一樣好毒，人聲就變得更毒～用嚟聽Pop同埋Band sound都好咗好多。

首先低頻方面係唔會只得量而係有質感嘅低頻，有下潛、有細節、有彈跳感。呢個低頻係令到好多音樂都更加有音樂感同包圍感，但係又唔會遮住其他頻段嘅一啲音樂表現。（雖然我係新手，但係聽咗Sennheiser兩隻耳機之後，覺得佢嘅產品唔同頻段/樂器之間個分離度同解析力都係十分之好）

中高頻因為有一定嘅厚度，所以聽一啲抒情歌嘅時候呢會更加演繹到歌手想表達嘅感情。高頻延伸不錯亦唔會吉耳仔～

整體來講，用呢隻耳機聽音樂特別有音樂感，因為低音有量感同下潛，承托住中正耐聽嘅中高音，不少歌曲的演繹都變得有感情，不過用黎聽古典亦令人十分滿足。（尤其小編制的弦樂合奏）如果鍾意聽歌有音樂感又唔想犧牲細節嘅師兄，更加係不能錯過呢隻耳機～