Shokz OpenRun Pro 骨傳導耳機試玩平台: 任試計劃 (第十二季)

lcwhd

測試過Shokz旗艦級骨傳導耳機OpenRun Pro之後，對骨傳導耳機真係改觀！ CoreCushion技術令耳機嘅低頻力量感大幅提升，聽歌做運動都更加爽！ OpenRun Pro亦改善了收音咪位置，加上CVC降噪技術，實測可提供清晰的通話效果，唔怕傾唔到電話啦！

Shokz OpenRun Pro返歸玩啦!!
如果你都想試下呢對旗艦級骨傳導耳機嘅話就fit晒喇，事關我哋爭取到4隻Shokz OpenRun Pro比4位版友，每人可返歸玩2個星期！ 想玩嘅就記得留意試玩詳情喇！


返歸玩詳情：响呢個帖下方講出你哋點解想試，我地就會係呢個帖上找出4位版友, 分別借出Shokz OpenRun Pro比大家返去玩2個星期，之後當然就係我地呢個帖同大家分享返玩左之後的感覺啦！

比賽&獎品：在 8月14日 23:59 試玩活動完結後，廠方將選出一位最有心思分享嘅朋友，佢會得到一隻 JBL Go 3 迷你防水藍牙喇叭 (價值 HKD 399)作為獎品！

#報名時間 : 2022年7月13日 - 2022年7月21日#分享時間 : 2022年7月22日 - 2022年7月29日
#分享請直接在本帖回覆試玩感
---------------------------------------------------------------------------------------------------------------



#所有抽出參加今次活動的版友都可以穫得SHOKZ運動毛巾乙條!

小瑟

我都係岩岩先知原來呢隻都有得試玩~~ 正呀!!!

rlmfung

報名, 其實幾年前都已經試過用骨傳導耳機, 但始終聲音質素與 IEM 相差甚遠, 講電話的聲音更加難以接受, 很期待試試新一代的骨傳導耳機, 會不會改變我對它的感覺.

wong1032003

報名！小弟係一位單車運動愛好者一直找尋適合踩單車用的耳機、但一般耳機在安全性&風切聲問題下都一一放棄。有車友用緊類似產品但認為音質只適合通話、希望藉此機會試一試，主要想聽電台&Podcast。
另外希望爭取如適合使用可以以優惠價/免費繼續使用！

lcwhd

rlmfung 發表於 2022-7-13 00:14
報名, 其實幾年前都已經試過用骨傳導耳機, 但始終聲音質素與 IEM 相差甚遠, 講電話的聲音更加難以接受, 很 ...

OpenRun Pro嘅音色的確係有進步，通話音質我都覺得有驚喜

lcwhd

wong1032003 發表於 2022-7-13 09:36
報名！小弟係一位單車運動愛好者一直找尋適合踩單車用的耳機、但一般耳機在安全性&風切聲問題下都一一放棄 ...

優惠呢方面我哋會儘量爭取~

lcwhd

我哋成功爭取咗更多優惠畀大家呀~試玩完想買埋嘅話會有優惠價！（至於幾折就PM講啦~）

另外試玩禮品都會加碼！會送晒 1 set運動套裝！想要就快啲參加喇~

rl0497

我都想報名試玩。自己本身有跑開步同踩單車嘅，一直有用開Aipod Pro，但係因為耳仔窿有敏感，用得耐Airpod Pro會痕同出水，所以後來喺kickstarter back咗一個掛耳式嘅嚟用，問題係嗰個會掛唔穩，尤其我哩啲四眼嘅，除戴耳盔同眼鏡時成日都整甩個耳機！我一直都對耳體傳導耳機好有好奇，但係我總係覺得啲聲唔會好得去邊，所以一直都冇買嚟用，如果今次幸運抽到可以試用嘅話都不失為一個好機會好等自己親身體驗一下，希望好運抽中喇！唔該晒先！

vchai

我都想試。暫時用過幾款 true wireless 耳機，無一款喺通話方面係滿意嘅，搞到成日要通話嘅時候就要轉通話專用嘅耳機，好麻煩。我都用緊 Sony WF-1000XM4，聲稱通話係骨傳導，但講真對方聽我講電話都係比較吃力，尤其喺地鐵更加唔掂。想試吓哩隻又可唔可以過關一機兩用。

lcwhd

多謝大家今次參與我地「返歸玩」活動，我地已經揀選左4位會員喇，網站小編會PM大家有關耳機交收事宜，大家記得留意PM BOX呀！

#提提大家，記得喺最底指定時間前，喺翻呢個Post分享玩後感呀～

01) rlmfung
02) wong1032003
03) rl0497
04) vchai

#分享時間 : 即日起至2022年8月14日23:59
#分享請直接在本帖回覆玩後感