新手請教 Lumin D2 + DAC

manid903

art911 發表於 2022-5-5 21:03
楼主应该也真的是新手，烦请师兄多多提点楼主呢。

樓主問題唔係點發揮玩盡部D2,係加一舊什麼DAC 去玩，所以唔知點提點了，我沒玩過$3~4k 的DAC

heenrys

manid903 發表於 2022-5-5 21:31
樓主問題唔係點發揮玩盡部D2,係加一舊什麼DAC 去玩，所以唔知點提點了，我沒玩過$3~4k 的DAC ...

多謝咁多位師兄意見提點

其實我由頭到尾都冇話D2聲差, 相反其實我幾滿意呢部機, 平時主要都係呢個組合聽(TIDAL +NAS/HD DSD FAC),而唔係有源, 只係覺得係D2分析力上面係有啲唔夠, 呢樣野都有聽過唔少網上評價都係咁認為, 而我都有去啲舖頭對比過其他高階機, 例如T2, TELOS EMP, AURALIC個啲, 真係唔同級數. 不過可能我個post 用DAP+有源對比, 令到大家覺得係「冒犯」左D2 呢部機啦。 或者我用T2 級數既機比較合理啲。(另外其實有啲有源喇叭既聲唔係想像中咁差)

小弟的確係新手好多野都唔識, 所以一開始我既問題係加DAC 對聲音有冇幫助, 因為見到有啲forum/youtube既評測對某啲DAC(例如GUSTARD X18, SMSL M400, TOPPING D90 等) 既評價幾唔錯, 所以想問下有用過既師兄意見。

我都明白如果要玩有好多野可以玩, 例如上面師兄提到線材, SWITCH, LAN 線, 牛等等, 只係呢幾樣野上網睇完好多師兄既意見都幾大分歧, 例如唔同人用既機唔同未必出到同一效果, 同一條線材/switch有啲話有用有啲有冇分別, 有啲係純粹聲音取向問題, 有時同一條線舖頭試好得返到屋企又兩回事...諸如此類。因為小弟主要係想提升分析力, 而上面個堆係用新既ES9038/AK4499, 理論上應該有啲幫助。如果大家既經驗係冇用咁小弟當然會放棄呢個方法。或者小弟方向唔啱都好歡迎大家指正

另外有些少奇怪師兄既然話未玩過3-4K DAC, 又點樣知道唔得?   

題外話 新手諗住上黎學習下, 但見到有啲師兄語氣好不屑, 有少少失望

ManHoWong@FB

heenrys 發表於 2022-5-8 00:27
多謝咁多位師兄意見提點

其實我由頭到尾都冇話D2聲差, 相反其實我幾滿意呢部機, 平時主要都係呢個組合聽 ...

師兄 好多時網上討論好容易唔小心就觸及到人哋神經 唔需要太在乎 反正你買咩都係自己聽人哋聽唔到 你開心share 人哋可以葡萄🍇 你話買錯嘢 人哋又笑你
不過唔緊要既 都係累積經驗既一種
你問既嘢 如果係初燒既會俾一些介紹你
但如果係老燒友見到咁既budget 都唔知點答你
所以你睇到每位師兄都會有唔同意見俾你
你用嚟參考 不能夠focus在某一個意見上
不過好老實 如果升級 通常都係會貴過現有器材先有可聞既提升

manid903

heenrys 發表於 2022-5-8 00:27
多謝咁多位師兄意見提點

其實我由頭到尾都冇話D2聲差, 相反其實我幾滿意呢部機, 平時主要都係呢個組合聽 ...

首先要話你知，玩音響係用錢砌出嚟，用幾多錢就有幾多回報，你部D2 係街價值$12000. streamer 同份DAC 拆件每件值$6000. 你去買舊3~4000 蚊DAC ,等價值去睇，你覺得會唔會比你原有的好，你自己應該識計數，幫你慳錢咋。同一原理，我未玩過$3~4k DAC 有咩咁出奇？ 聽完覺得唔得，重買嚟番屋企封塵嗎？唔係一定要擁有過先可以負評呀，hk 任何一件音響你都可以試聽架，大哥！ 唔想比人judge 又自稱新手呢，下次問野問得有技巧，精準d 咪得lor

bbc701

1. 試吓用 Roon 可免費試用14日，應該好過你就咁用 D2
2. D2 唔夠分析力，即係代表你需要升級換機，並不是用其他 Chips 解碼 AK4499 ESS9038 就有改善，因你部入門 D2 未必食得到個信號，從而播得返出嚟
3. 儲錢升級換機吧，搵下二手 T2, Rose RS150，DMS600
4. 真係接受唔到又要平玩就唯有放咗部 D2 ，入 (泉2) 我自己未玩過但係聽其他師兄講，應該用得過同平，分析力應該點都好過部 D2

larrigo

我也是D2 用家，亦都有用緊Roon。最近也買了一部Toppinx D90xe玩吓。AB 比較下係有少少改善的。但是D2 的同軸數字輸出不能夠原全發輝Toppinx的功能。最後發現如果花多幾百蚊買部Raspberry Pi 4B 較果分别十分明顯。現在部D2已經無乜用。

lshiuman

既然用熟左lumin套app,  加幾k 換dac,  倒不如加錢買部二手T2, 我相信滿足你對分析力既提升