買機問價分享

mafai2000

講左話upgrade AV amp 好鬼耐, 最近終於出手, 而且仲諗住 upgrade 埋個 subwoofer做 Sunfire HRS-12.

出到旺角, 第一間去問價既舖頭係 德8地庫, 一入去, 我已經表明來意, 我係堅買架, 請佢開個最平既價啦~
點知個sales問番我轉頭, 問我幾錢會買? 我最憎係咁, 你賣野點會無價錢先...!?

講黎講去, 佢都唔肯講幾錢, 只問我之前問過最平係幾錢, 睇下佢又做唔做到喎~
我心諗, 就算佢做到又點, 咪又同人地一樣價..?? 最後佢叫我問哂其他舖頭先, 最後先搵番佢.

我答佢, 間間舖頭都好似你咁, 我永遠都問唔到價錢啦, 咁算啦, 我搵第二間買啦...

lskthomas

呢間舖成日都係咁, 不過除咗呢樣野外, 佢地的服務都算唔錯

Barbapapa

我屋企部AMP都係喺呢到買, 我問價時都唔係咁呀! 問左價之後覺得OK咪即買囉! 如果好似你咁嘅遭遇, 我都會一走了之!

chanleechan

連 "開個價" 都好似蝕左俾人咁, 如果買左機有問題, 仲使旨意佢會 "幫你"........咁小家嘅舖頭真系好少見 wor

faigoal

咁你咪開過超低價俾佢囉,唔好同佢客氣,如果得咪偷到雞買平野,我買野就開過超低俾佢,最後還完價比鴨記(聯慶)平5佰,其實佢地都OK呀,不個如果由佢講最低價可能會俾代理炸形,因好多行家投訴!!

KEVIN9178

驚比人放蛇check 價嗎, 你咪開過超低價比佢lo,

其實上落都唔多過幾百, 最緊要買得開心嗎, 服務最緊要.

有時為左平幾百比D狗眼SALES 睇低咪買得重唔開心,

TAK8 算係好公司黎 GA LA (係MK)

KING

呢間野之前我都去過,同你一樣講到明係同佢買呀啦!一樣係咁講!
我都好x慶對住佢地講"唔好玩啦!我黎買野呀,唔x係黎隔價呀!得你一間有得買咩"跟住掉頭走人!

xxxxERICxxxx

我嘅情況同各位師兄一樣.....
不過佢地d服務態度真係幾好。

Minipod

bad service... I hate that.

里奧

果間舖係出晒名要知價先好落去買野 . 最好問左1,2間 / 上網CHECK完價先去 . 當然佢做到d價係ok既 . 只係唔知價入去買野會有樓主呢個問題出現 . 其他mk舖都有個別小問題 , 就係問價會比代理價你 . 問完等於無問一樣 , 之後一定會問你係咪要 , 要既開個新既比你 ... 連價都係唔知 .