DIY 地盒線

Alman

越攪越好玩

趁整地盒線四圍試之餘， 順便轉動下地盒同 BGT的接法， 咦， 發覺將 DAC 插係BGT 好聲過接地盒（之前淨插地盒）！於是將兩組雪藏嘅 BGT重新起用入盒， 用條灌copper slag 嘅單枝銅地線接駁去後級， 正！ 背景細節多咗， 定位層次更清晰； 較用入 aluminum oxide嘅方芯銀線更豐滿有肉。

並聯兩隻用重料嘅BGT


接去後級


既然入料地線咁好玩， 又整多兩條： 一條照用方芯銀線， 另一條用24 awg X6 單枝銅， 分別取代 DAC 原本去BGT嘅Neotech 金銀引線， 及GG 前級去BGT嘅普通銀線，

穿techflex 嘅係銅， 光身嘅係銀


用新地線重接BGT後， 聽覺有新感受 ：

The Beatles ： Let It Be :  以前嘅和唱偏向右方，今次成排咁企係主音中右後面； high hat 左右兩下嘅大細聲對比， 比以前更明顯， 左邊既電子配樂線條無咁黐埋；

Brothers Four ： Green Fields： 人聲走向中間 （更出）， 背後 high hat 細細聲嘅叮叮聲比以前更加清楚。。。

The Oldies 嘅 Tom Dooley：上兩帖分享過唱到Tom Dooley 時Tom有少少拆聲， 今次無咗， 反而聽清楚佢嘅唱音

蕭斯達高維契第十第三movement 開頭幾下三角鈴聲， Come on， 走咗位 之前喺中右排， 依家喺中後偏右， 而嗰幾吓鈴聲好鬼清脆， 高頻尾音係咁擴散

翻查網上BGT tweak， 佢嘅本事就係咁， 令到尤其係noise floor 降低令背景細節空間感等各方面提升， 音色更圓滑。 小弟要多得BGT， 而入料線使佢如虎添翼

Alman

Mosque 發表於 2022-2-22 15:52
係加拿大，啲料係邊到入貨？

多數係 Partsconnexion買， 有時係 Soniccraft或者Mouser。

Alman

香港疫情嚴峻， 希望各位師兄保重！

入料地盒線好玩， 幾日前用咗幾條金鍍銀做多一條。 依家嘅玩法係入料線接BGT同 地盒， 同埋唔止用一條， 其實可以同時用兩條打孖去接，（亂接一通都無大礙 ） 加加埋埋嘅effect都得意

金鍍銀線




琴日整咗條電線， 線材為Monosaudio OFC 10 awg 線， 佢製作用料都幾認真， 駁好後用係 cd player， 同用開嘅 diy Neotech UPOCC 相差似乎好少， 但感覺佢多d實在感， 細節一d都無少到。 煲耐d再分享







頭用Viborg 鍍銠，尾係 Monosaudio 鍍銠

Alman

這條 10 awg Monosaudio電線甚有質素， 越聽越鍾意， 特別覺得佢音色平均豐滿， 空間感強， 分析力甚好。

條線咁有實力， 點都要同其他線打個交道。於是抽出三條線， 由左至右分別為：

古河納米13 awg + Viborg 紅銅頭， Oyaide Black Mamba 12 awg + 古河 F／M48 ， Neotech 3002 11 awg + Viborg 鍍銠頭


輪住顯身手（插 cd player）


試音cd


試了三首音樂： Tom Dooley； Messiah ： I Know that My Redeemer liveth；聖桑： 骷顱之舞。 試音重點係以 Monosaudio 做reference， 搵出各自特色。

Tom Dooley： Monosaudio 人聲厚，音色中性， 低頻豐滿； Neotech 合唱人聲分開少少， 低頻收少少， 但結他弦聲較擴散； 古河人聲傾後d， 整體無咁豐滿，但後面結他伴奏聲較清楚dd。 Oyaide Black Mamba 似Neotech表現。

I Know that My Redeemer liveth： 特登揀呢首就係因為琴日用 Monosaudio 聽時比女聲一開始唱嚇咗一跳： 咁有氣， 好似成個人企係左邊， 空間感好強，樂器好有body； 而有兩下碰到支咪嘅『東東』聲出得清楚。 其餘三條線一樣出到好清楚。 今次小弟鍾意Neotech多d， 因為佢嘅聲好似被修飾過， 小提琴聲較滑同亮麗， 音場闊d， 低頻線條較明顯， 而人聲一樣立體，唞氣聲大聲咗， 但口型會細dd。 古河嘅人聲似Neotech， 覺得佢嘅樂器諧音強d， 音樂收放自如d。 Oyaide 係呢首歌道就輸蝕d， 佢音場後d， 各方面平淡d。

骷顱之舞： 呢首爆棚複雜演奏音樂完全考吳起Monosaudio， 開首嘅鋼琴泛音響， 低音大提琴彈下彈下， 分析力夠， 整首音樂有氣勢兼有股暗勁。 Neotech 點解？因為佢係呢度使出UPOCC 嘅看家本領： 音場闊， 分析層次更明顯，聽多咗d弱音， 定音鼓一下一下出。 到古河， 同樣正 各方面都同Neotech 拍著， 低音大提琴群奏更有texture。 Oyaide 。。。。 佢有Neotech 同古河之長， 但比Monosaudio有份乾淨俐落感覺， 線條感較強。

總結：

Monosaudio 只係大約 1／3 價錢of其他三線，Oyaide 加埋古河頭更貴Monosaudio 多倍。 佢樣樣都好， 只係播大型音樂有些少不及佢地。但以佢只係OFC線，用多條獨立teflon單支銅（10 awg 一極），小弟已覺得非常抵玩兼超值。 唔刻意比較， 夠聽有餘了！   

Alman

又攪攪震

早前並咗嗰兩隻BGT喺盒入面， 今日手多多填滿copper slag， 居然有改善， 主要係去咗d贅肉咁， 音色清徹咗d， 增加咗d分析力。




又要攪啦！將其餘三個BGT盒入埋copper slag！







接好線後試聽： 整體聲音好似瘦咗身， 音場推後， 無之前咁埋身， volume要比前拎多兩格先至夠聽。反而有d唔慣。但分析同立體感同有所增加，好似聖桑骷顱之舞， 後排樂器比前清楚， 臨尾嘅小提琴群奏的線條更立體， 假如厚番d聲就very good

點知。。。ground loop 豬仔尾幫到手 無意中係封存盒中見有幾隻， 於是先插一隻係接cd player嘅地盒度， 即刻多咗份量兼肉質更豐滿， 整體生猛咗

不同整法嘅豬尾


這一插真神奇


跟住唔理咁多， 有咁多插咁多係各個地盒接位。 效果好似無乜再增？ 話唔埋要煲下先知， 有進展再分享

最近小弟有今是而昨非之感: 唔再花咁多錢， 不如轉而試平嘢， 同埋番兜以前剩落嘅材料同diy嘢， 亦一樂也。

呢條平價信號線整好後再報告

Alman

Cheap 線出場

等到今日， 終於收到 RCA頭， 可以完成上面那對 線。









接前級去後級


只是試聽了一兩首音樂，同原本的 Neotech UPOCC diy線比較：分析力差唔多， 音場較擠迫d， 低頻低沉但無咁鬆化， 敲擊樂器多咗d肉。 高音夠高。  煲耐d再分享。

下星期會收到條Yarbo OCC電線。 此線被一位Youtuber推薦， 價錢唔貴， 符合小弟現時平的主導。又有得同大家分享啦！

Alman

Yarbo 出場

每極由獨立七條單枝線組成，共有10 awg，再包以銅箔， 線身最外層又包。線身好硬











叉仔用Viborg


頭用 Viborg 鍍銠， 尾用oniox 單晶銅


插係火牛度煲下先， 未試音住。甚有期待