DIY 地盒線

Alman

早排看過Youtube 介紹Tiglon牌子的地線後， 挑起條筋， 整咗條地線。

地盒線由機駁去地盒吸波， 如果條線本身已經有吸波物料， 一路去一路吸會唔會好d？於是基於此諗法， 整咗條灌copper slag 地線。 線材用了條14awg單枝銅。







用係cd player 至地盒


初初駁落去覺得好似背景靜d， 出多dd弱音， 但唔係好肯定， 可能心理作用。 最能求證的方法是同其他地線比較下， 但先要煲下佢先。

以前所整用唔同物料的地線：， 包括用 Duelund 2.0 油線， 銅箔， 75ohm 線等：


反覆比較後再作分享

這對Focus Audio FS688嘅單元螺絲原來好耐未再擰實過， 今趟順便打理下佢， 每粒螺絲都鬆咗d， 扭了約1／4 turn扭實， 之後心裡感覺良好

chm

想像 + 無限創意= 超好玩 DIY👍😄

sam2004

好有興趣知道有冇人用『高阻計』再量過呢,不同物料有冇唔同倒數...  

Alman

真係唔好俾佢停

煲緊條地線之際， 忽然靈感一觸： 不如用唔同物料再灌地線， 今次用四條幼身銅箔入條粗d嘅膠管， 方便入copper slag 同 碎晶石。 相信今次吸收方面會比之前淨用copper slag更有效









RCA頭要花d功夫改裝








拿拿林試聽一下， 改變比上一條明顯d。。。。又要煲下先

Billyham

整幾條臘腸過年!

Alman

欲罷不能。。。。

初步試咗幾條地線， 發覺接唔同地盒都有唔同聲； 灌copper slag 同晶石嘅聲又與Duelund 2.0 嘅唔同， Duelund 音色好似醇厚d －－－》唔通銀線更加好？於是搵嚟幼身 Molex 鍍銀同軸線整咗條地線，佢同粗身Duelund 比， 真係身形影響厚薄聲

Molex 50 ohm 同軸線； 以前用過整RCA線配 KLE Absolute， 效果標青。今次被徵召上馬， 沒有令人失望!  RCA頭負極那邊只接Molex嘅signal， 叉那邊接網同signal。


側邊嘅係 VH Pulsar II 數碼線搭 Viborg 頭， 不要睇小這條線身纖纖幼幼， 非常有分析力及平衡。 身形佢同Molex 地線互相輝映


這條Duelund 油絲線好和味


今次初步試地線／地盒有一大重點， 就係集中測試背景細節嘅分別。 琴晚聽The Oldies ： Brothers Four 嘅 Green Fields： 發覺人聲背後的配樂分隔同清晰度，以Molex表現最好； 到聽 Tom Dooley， 當唱到 TOM DOOLEY 嘅Tom 時， Tom 聲凸咗出嚟， 應該係歌者接近咪所致：兩條 灌copper slag 線出這個TOM 最大聲但有少少拆聲， Molex 無咁大聲但係柔和順滑d。 話時話， 未試地線之前這效果真係唔覺。

有排試，分享陸續有來

Alman

豬仔咗好耐添



事緣左試右試， 發覺將cd機地線改插DAC嘅地盒（膠殼那隻）時， 音色變得呆滯。於是將DAC地線改插另一木地盒， 結果音色開放有番生氣同凝聚d 一直用開隻膠盒， 以為用足料無唔妥， 只因無作比較， 就咁豬仔左！

依家對膠地盒的問題有兩個假設： 盒內的料入得太死實（比例）， 完全無空間咁滯；用膠盒的緣故 （差不多大部份的地盒都是用木造的， 初時已經好奇什麼原因。因貪靚仔方便所以才買了個膠盒嚟整。） 但最近見到有廠出金屬外殼， 不如就試下整個金屬殼嘅

另外， 試了將cd 機用兩條地線接去同一地盒， 空間感居然有改善， 分析力多咗d。 試過串連多一個地盒， 但效果反而無咁好（薄聲咗）。


繼續試， 不過先改裝個膠殼先， 已經有d眉目： 廢物利用。。。。stay tuned ！

Alman

報告進展：

（一）將膠地盒拆開， 倒出晶石，重新入過， 但比之前嘅份量少。

原本膠盒， 滿都堪


同另一隻一齊清空， 再入晶石等物






完成入料


（二）新地盒： 雀巢咖啡鋁罐

導線用四支鍍銀銅打散










接去下面新入料嘅木盒， 再接 DAC； 佢連起木盒一齊吸DAC令質感多咗d




新膠地盒接cd player， 用的是 灌copper slag 銅箔地線： 這條線令聲音豐厚及多了空間感， 比Molex 同軸幼身更合心意


Mix and match， more to come

Alman

電！又有新發現

今日見有個以前玩電池信號線嘅電池盒idle， 於是將鋁罐地盒接去， 嘩 電一電， 醒一醒： 音色細緻d，弱音清晰d， 高低頻提升咗d同埋音場闊咗d！上貼分享播 Tom Dooly 的 TOM聲有d拆聲， 今次圓滑地播出唔吉耳， 兩個歌唱者左右企得開d， 背後伴奏結他音像更加清楚。。。正

幾年前玩電池信號線好過癮下， 估唔到今次又誤打誤撞得益處

白色叉接去電池盒


180 Volt DC


內臟

Alman

希望各位安好， Omicron 埋唔到身！

新整嘅灌copper slag 嘅地線安排用係 GG 前級同 cd player後， 發覺佢哋配合之下， 最明顯之處是背景深咗清晰咗，變咗聽到更多信息。 好似 Messiah 的  I know that My Redeemer Liveth, 背景原來有兩下碰到咪的聲音而非之前所聽到的一下 自己也愕了愕 。 反覆比較以前嘅各類地線， 都係灌料嘅這兩條線較有音效。 咁就唔好停喺度， 搵出條偏身純銀線（並非Duelund）嚟， 複製多條灌料線， 但係今次改用 aluminum oxide， 佢particles 仲細。





Aluminum oxide






這條銀aluminum地線取代原來的Duelund 油絲線， 稍後再來個比較