起av life 買左av amp, 會唔會仲伏？

LoMichael@G

老實外勤工作時間有啲難預計，試想吓由早上每每一單都遲少少，去到最後一單遲一兩個鐘都唔多。所以約送貨最好約上午，約到第一單最好。所以在office 約送貨D人想約下午四點過後我通常叫佢第二日早上來。

norman001

昨天4:30pm 打去送貨部，可能因為星期六已經收左工，之後再打去門市但無人聽
5:00pm 再打去門市，都無人聽，試過打去cs ，但cs 有錄音話因為covid 問題5:00pm 就收左工了
去到5:15pm 再打去門市，終於有人聽了，sales 幫我話check 到件貨起架送貨車度，叫我等多一陣，仲立即講唔好意思，呢個sales 好專業，話因為過年多野送﹐所以會耐少少，呢個理由完全可以接受，sales 仲話如果都係收唔到就再打比佢，佢講埋佢個姓比我知，呢個sales 做野好有承擔，唔會好似其他sales 咁耍下你就算，估唔到av life services 會咁好

去到5:30pm, 師傅打比我，話30mins-45min 內送貨，原來師傅係就咁搬件貨上黎，而唔係用車仔，佢非常專業，因為之前試過起米音買mk v8 compact ，送貨個師傅用送可樂的車仔送貨，依家新樓的corridor 好窄，送左貨之後，就發現大門花左少少，當時好肉痛，因為間屋唔係住左好耐，同埋如果要換大門，因為外觀關係要搵返管理公司指定的皇家判去換，所以依家師傅送貨，都好怕比佢地撞花d 野，但估唔到av life 個師傅係就咁搬部av amp 上黎，所以唔會整花d 野，簽收時又對下張單，佢做野好好專業

最後趕得切返屋企人度同佢地食團年飯

paosis

我上星期都係喺AV LIFE買咗部DENON AV RECEIVER。佢話10點至3點送，最後個師傅接近3點先打嚟話15分鐘後到，應該都係年尾生意太好嘅關係。

DNSF

送货好少会准时的，我就运气麻麻，每次约时间话几点至几点，次次都系包尾个时间或过晒时间。如果不是太大太重可以自取都会自己攞走。

有时铺头送货不是自己送的，有时是代理直接送，有时是找外判送。所以同铺头讲几点不能作准，佢地未必话到事。何况有时因为交通及货单安排问题，最后都由送货嗰D话事。

alan_wyl

喺凶宅買親電視，例遲半日，樓主遲三個鐘好少嘢啫