EVO 4.4 要換喇叭，唔容易！

路西華

換左85025、86215嗰晚，細音量聽左2隻CD，覺得D聲差左，新線未熱身，心諗無事ge🤔，熄機瞓覺。第二日開機大少少音量聽左3、4個鐘，大鑊啦，D聲差到極點。高音、低音、節奏感、細節聱，全部唔清唔楚，人聲又粗，聽歌得個漕字🥶😭。尤其原本擔心對座地喇叭會低音過量，依家無埋低音，咁離奇😱？過左3、4、5日都係咁，開始懷疑人生？會諗係咪D線唔夾機，係咪換錯左？有諗過係咪要換番D跟機線？好似話Gotham D線已經預先煲左24小時，無理由過左5日都未熱完身呱😞。苦無對策之下，不如試下攞屋企绝無僅有ge古典CD爆下，我平時聽歌好少開多過-51dB(9點位置)，今次開多過-42dB少少(10點位置)，一路整打邊爐D野，一路聽歌，1個鐘到，熄機食飯。啱啱再開機聽左2隻CD，D聲好番好多，但係人聲仲係唔多穩定☹。想問下咁多位師兄，我咁ge情況正唔正常？電源線應該要煲幾耐？有無快D 的方法？

koalaau

路西華 發表於 2022-1-3 03:39
換左85025、86215嗰晚，細音量聽左2隻CD，覺得D聲差左，新線未熱身，心諗無事ge🤔，熄機瞓覺。第二日開機大 ...

試過相隔約一年造過同款同長度線頭，兩對ab比較係冇分別，所以我個人係唔信煲線，開聲係咁就咁。

gotham電源線我有好多條，85025我cd機、前/後級都用過，佢聲音取向係爽快而夠厚聲，低音收得緊，快放快收，線條好。整體聲音比sommer更正路，sommer係厚聲而高頻稍暗。

唔知師兄用咩器材，或點整條線？gotham應該唔會衰聲的。

koalaau

又或者師兄係煲緊對喇叭。

freedom9394

慢慢用多2,3個月先,想快插落熱水煲,電腦,時時都用野到.我都用85055,線身吾硬

路西華

koalaau 發表於 2022-1-3 08:39
試過相隔約一年造過同款同長度線頭，兩對ab比較係冇分別，所以我個人係唔信煲線，開聲係咁就咁。

gotham ...

CD機金嗓子DP450用86215，訊號線敏力N F-1203平衡線→合併機LUXMAN 505ux用85025，喇叭線AQ Midnight2 加 Jumper線Audiomica Ultra Reference→喇叭wharfedale Evo4.4。兩對Gotham電源線都喺荷里活9樓買，有埋插頭的完成品。其實係未煲好喇叭定電源線，我都儍傻分不清😅。呢2日，D聲正常番。希望用耐D重會進步空間。

路西華

freedom9394 發表於 2022-1-6 21:20
慢慢用多2,3個月先,想快插落熱水煲,電腦,時時都用野到.我都用85055,線身吾硬

85025線身唔硬，不過86215硬好多。如果硬度分1至10，我估85025係3，86215應該有8。至於話插落熱水煲，唔會啦。咁辛苦先駁好D線，重抆番出泥，又駁過？唔好啦！🤣😅

hhc

路西華 發表於 2022-1-8 02:42
CD機金嗓子DP450用86215，訊號線敏力N F-1203平衡線→合併機LUXMAN 505ux用85025，喇叭線AQ Midnight2 加 ...

師兄，我有追你呢個post，我係新手，上年換咗Denon 2500時，要買多1對喇叭線時，老細話，如果每日聽2-3鐘，喇叭線起碼要半年先叫好

路西華

hhc 發表於 2022-1-8 09:50
師兄，我有追你呢個post，我係新手，上年換咗Denon 2500時，要買多1對喇叭線時，老細話，如果每日聽2-3鐘 ...

多謝師兄有興趣睇呢個Post。我雖然老，不過係低手😊。我好多揀器材或線材的决定，都係靠其他師兄的意見，睇下其他師兄的Post，有好大幫助。希望你都多D交流下，集思廣益嘛！👍其實我都好想換喇叭線，但一諗到煲線唔知搞幾耐，熱情即刻冷卻左……不過嗰個「老細」話喇叭線要煲半年，誇張D呱？我估(希望)佢係吹下水啫😝！

hhc

路西華 發表於 2022-1-9 01:10
多謝師兄有興趣睇呢個Post。我雖然老，不過係低手😊。我好多揀器材或線材的决定，都係靠其他師兄的意見， ...

其實我都唔想攪喇叭線，但換咗amp後，可以玩bi wired，用緊喇叭線係Audio Art，香港街鋪已無得買，只可以去代理買多1對線，代理的職員好好人，比咗好多知識我。當然，上網都可以學識好多嘢

路西華

hhc 發表於 2022-1-9 18:05
其實我都唔想攪喇叭線，但換咗amp後，可以玩bi wired，用緊喇叭線係Audio Art，香港街鋪已無得買，只可以 ...

師兄玩Bi-wire係咪用A+B？我部luxman 505ux都有A+B，試過A+B  兩對線Bi-wire駁喇叭，D聲粗哂、少左動態、少左细節。用番一組(A或B輸出)一對線加Jumper線，好好多。相信原因係，擴音機ge供電部份，如果同時照顧A+B兩個輸出，會負荷過多個1個輸出(A或B)。所以如果師兄用2對喇叭線玩Bi -wire，用擴音機任何1組輸出都唔好用A+B。