馬仔會唔會出新amp?

ronan

NM0101 發表於 2021-9-15 21:54
KEF將高音單元放中間係有原因, 冇記錯係唔想高音太分離, 可以同中低音在同一個水平打出嚟。

另外如果係M ...

講起睇戲，我只玩5.1，如果我買左馬仔sr7015 + model 30

到時係model 30 推前置b&w 704 s2, 而馬仔sr7015 就會推中置如b&w HTM72 S2 + 後置，部馬仔sr7015 推一隻中置+兩隻後置會唔會唔夠力?

其實我會加model 30, 以聽歌計，av amp 有無需要用馬仔? 定係可以試下yamaha?

NM0101

ronan 發表於 2021-9-15 22:36
講起睇戲，我只玩5.1，如果我買左馬仔sr7015 + model 30

到時係model 30 推前置b&w 704 s2, 而馬仔sr701 ...

AV amp只推中後置,力水上係冇問題。至於係咪用返同牌子, 好多人會覺得用返同牌子聲底就會夾D, 但我就覺得唔洗, 因為到時推前置係model 30, 力水上已經唔洗顧慮, 在AV amp的選擇方面就可以偏向解碼同功能上, 例如想睇戲爆得, 就揀D或P; 睇戲之餘, 又想用藍芽聽下歌, 咁就可以去揀分析力最好的Y記。
至於M&O, 由於係咁嘅玩法上佢哋就冇乜特別之處, 所以我就唔講喇~

ronan

NM0101 發表於 2021-9-16 01:12
AV amp只推中後置,力水上係冇問題。至於係咪用返同牌子, 好多人會覺得用返同牌子聲底就會夾D, 但我就覺得 ...

我睇過yamaha A4A 和A8A 的SIZE, 發覺放唔到起個地櫃入面，訂造個新地櫃又要時間，所以都係放棄YAMAHA 了

我本身用陳年JBL E30 喇叭，聽人講JBL 配馬仔幾好，或者可能可以頂到一段時間，之後換B&W 704S2，用過馬仔SR7015，如果覺得唔OKAY,  或者再換YAMAHA AMP 都未遲 XDXDXD

NM0101

ronan 發表於 2021-9-16 18:21
我睇過yamaha A4A 和A8A 的SIZE, 發覺放唔到起個地櫃入面，訂造個新地櫃又要時間，所以都係放棄YAMAHA 了 ...

日本都有人咁配, 而且仲係大JB書架, 所以聲音上都幾有保證。

ronan

NM0101 發表於 2021-9-16 19:59
日本都有人咁配, 而且仲係大JB書架, 所以聲音上都幾有保證。

上網搵過資料，原來之前post76 攪過馬仔sr6014 試玩會



當時只用馬仔sr6014 去推B&W 702，仲要推足咁多隻喇叭

而馬仔個代表仲話教人把CUT OFF FREQUENCY SET 做70HZ ，把70HZ 以下的SIGNAL 交比SUB 仔處理

其實馬仔sr6014 推b&w 702 已經難以至信，仲要推到去70hz 咁低，真係好誇張

當然推到有聲是否等於好聲係另一回事，始終每個人的要求唔同，可能推到b&w 20% 表現已經收貨

而個代表教人把cut off frequency set 70hz, 而現場部馬仔sr6014 是否真係set 左70hz 又係另一回事

亦都唔排除係國皇的新衣

但睇完段片，令到我買馬仔sr7015 的信心大左，原來馬仔都支持最新的標準如hdmi 2.1

NM0101

ronan 發表於 2021-9-16 22:29
上網搵過資料，原來之前post76 攪過馬仔sr6014 試玩會

https://www.youtube.com/watch?v=lKf3lteJMio

呢個方法只可以用係睇戲方面, 如果用座地聽歌都要開十仔的話, 咁真係噔對喇叭可憐。

書架配十仔去增強低頻效果我可以接受, 但用得B&W座地就係要佢強而有力嘅低音, 將個低音交俾十仔, 咁去買其他牌子都得啦~

簡單D講, 呢間公司就係响度做推銷show, 係人都知D&M嘅AV amp推唔好自己代理的b&w喇叭, 於是咪出術去教人點樣推掂佢囉, 但可惜係, 睇戲冇問題, 一聽歌就炒晒

ronan

NM0101 發表於 2021-9-17 00:06
呢個方法只可以用係睇戲方面, 如果用座地聽歌都要開十仔的話, 咁真係噔對喇叭可憐。

書架配十仔去增強低 ...

師兄好勁, 比師兄估仲了，果個試影會有取巧地方，就係用左兩隻SUB WOOFER ，可能對於大部份人黎講，低音勁=AV AMP 好力水

我第一部AV AMP 係DENON ，DENON 高動態，整體偏低音，高音唔係咁高，所以會有種力水好的假像

但因為DENON 力水唔夠，控制力不足，當起大場面時，D 聲會抄埋一碟，變成嘈音，所以以後都唔會再考慮天龍

原來D&M 的AV AMP 咁差，唔怪得有師兄講過YAHAMA AV AMP 推B&W 喇叭個效果會比馬仔好

好多謝師兄的意見~~搵日去AV LIFE 試下馬仔+B&W 的表現先

NM0101

ronan 發表於 2021-9-19 17:38
師兄好勁, 比師兄估仲了，果個試影會有取巧地方，就係用左兩隻SUB WOOFER ，可能對於大部份人黎講，低音 ...

出術呢家嘢, 其實五個日本AVM牌子都會做, 最後揀邊部都係取決於聲音取向上。
D記我都用緊, 因為睇戲真心爆得, 可能我用中階機啦, 聽歌真係好一般。旗艦雖然未算好好, 但都唔差。
Y記係因為分析力同音樂感強, 加部後級就可以聽歌睇戲, 所以就有唔少人推薦~

ronan

NM0101 發表於 2021-9-19 18:26
出術呢家嘢, 其實五個日本AVM牌子都會做, 最後揀邊部都係取決於聲音取向上。
D記我都用緊, 因為睇戲真心 ...

講起y 記, 我今日再度真d 個地櫃, 發覺地櫃放av amp 的高度係210cm, 而yamaha a4a 的高度是191mm, yamaha a8a 的高度是192mm

起開冷氣的情況下, 個地櫃和av amp 之間上面仲有18-19mm 的空間散熱, 其實應該都okay?

如果散熱okya, 咁yamaha a4a 的分析力較高, 高音出, 聽樂器聲較好, 會唔會更加適合我?

記得好耐之前去友誠, 佢地demo 演唱會好有現場feel, 樂器的分析力好高, 音樂感好好, 但無留意佢地是否用yamaha av amp, 但聽個聲底一定唔會係denon 和onkyo

NM0101

ronan 發表於 2021-9-19 23:14
講起y 記, 我今日再度真d 個地櫃, 發覺地櫃放av amp 的高度係210cm, 而yamaha a4a 的高度是191mm, yamaha ...

都夠散熱啦, 我機疊機都冇咁多位

至於係咪揀Y記, 睇你玩音樂多還是睇戲多啦, 我睇戲多所以揀D記, 因為我睇嘅演唱會多數都係得2.0, 所以AVM都唔洗開, 直接碟機落2ch就搞掂。