【子彈橫飛位源流】今日你睇咗咩!? (最後更新: 08-06-24)

xmarkx

alleelarry 發表於 2021-8-4 22:56
2021年08月02日 及 04日，我睇左：《無聲絕境》同《無聲絕境 II》

兩套電影原來都相隔左三年，一次過睇就 ...

兩集一晩睇完，第一集頭幾分鐘無聲，仲以為天壞機，原來「無聲」先係特色。第二集前段交代第一集未解之謎，音效呢到有少少驚喜，如照情理推演應可以拍第三集（如果好收的話😄）。雖然第一集劇情無頭無尾但反而感覺相對完整，音響方面，由於無咩聲特別希望快D出嘢，但當怪獸出嚟嗰啲低頻又唔太差，有少少舊《異形》feel，IMDb 7.5分，加上之前多師兄推介，又有Emily Blunt 演出，係會有多少少期望

xmarkx

alleelarry 發表於 2022-9-4 16:49
我睇左《明日戰記》

早前朋友推薦圓方的 THX 院，再加上有優惠碼，平日兩人看連手續費也只是 101元，又咁 ...

真心想入場支持佢，順便vs. 吓戲院同家庭影院嘅分別

alleelarry

xmarkx 發表於 2022-9-5 16:43
兩集一晩睇完，第一集頭幾分鐘無聲，仲以為天壞機，原來「無聲」先係特色。第二集前段交代第一 ...

正所有「無聲」勝「有聲」，開頭仲諗住好悶，結果兩集都頗滿意！

alleelarry

xmarkx 發表於 2022-9-5 16:49
真心想入場支持佢，順便vs. 吓戲院同家庭影院嘅分別

有試到咩好既戲院，記得要同大家分享下！

alleelarry

我睇左《命懸2000呎》

好多人都話好睇，看來正面的電影，看罷只能說值得一看，欣賞一下大概九成都是於綠幕下拍出的效果，故事鋪排都好細緻，對於行外人，電影中的「攀爬」或許會好「震撼」，但深信行內人就不太認同了！

alleelarry

我睇左《天降奇運》(AppleTV)

假如只有好運，沒有不幸，那麼好運又是甚麼！？

又是一套小朋友看會笑，大人看會有所感受的電影，對上一次有類同感覺的是《玩轉腦朋友》！有趣的是昨天看罷電影，今天就遇上了「不幸」，上班時輪胎報銷，付了換胎費用，也需要整整四條一併更換，雖說用了兩年有多，又跑了三萬多，同一牌子的輪胎，相比兩年多前便宜了二百元，不幸中還有安慰；同時又遇到一點點「好運」，滿以為沒有多用的生日戲票，好奇試下用於新上映的舊片3D《阿凡達》(全新重製版) (高幀率版) (IMAX with Laser)，本來 3D 不可用，首週上映不可用，六、日不可用，最後還是兌換得到首週星期天的場次，更可獲 IMAX 3D 眼鏡、美版海報、IMAX 海報及首週電影記念票；人生之所以精彩，就是有喜亦有悲！

alleelarry

2022年09月25日，我睇左：3D《阿凡達》 (全新重製版) (高幀率版) (IMAX with Laser)

當年就是沒有入戲院睇，差不多十三年後有重影，仲要係「高幀率版」，戲票的確唔太平，或者因為歸類「重影」，神奇地可以行洗很久未有用的生日票，平日講到明 IMAX 3D 不可用，星期六、日不可用，但實際又可以用。電影播放時，偶爾看到畫面會有一條線由左至右，又或者右至左，就好似係轉換鏡頭時的情況，究竟咩原因就真係唔知，3D 效果，畫面清晰度十分討好，中文字幕大小適中，再也沒有只看到字幕最立體的狀況；因此鎖定了入場看續集的決心，IMAX 3D 是必然之選！

alleelarry

2022年12月25日，我睇左：3D《阿凡達：水之道》(IMAX with Laser)

想當年入場看《未來戰士續集》前，沒有看過任何預告，所以看得十分驚喜，看續集前就只有看過重影版追加的新作片段。留意得到疫情三年以來，很多電影的評價成為了「兩極」，就只有好與壞；「兩小時又七十二分鐘」沒有一刻想睡，當年在家看第一集時真的睡著了，但當晚本身就很累，不應該挑戰長篇大作！3D 畫面運用得十分討好，高幀率有效地提高畫面清晰及流暢度，但相信因為不習慣下，會感到有快鏡的效果，適應過後就沒有問題，電影長度絕對足夠有餘給你去習慣。上回提到的類似轉換鏡頭的狀況，是次再沒有出現了，但就有留意得到非動態畫面，明顯其清晰會較為低，估計是由 48 轉回 24 frame 時的情況。

IMAX 3D 又用盡了片幅，我習慣向後移一行（L17），畫面先決，聲音其次，但都比一般 IMAX 電影為佳。



十分幸運地參加了臉書遊戲，可獲電影記事簿乙本，更有趣的是領取日期首天，剛好就是看電影的當日，不用特意為了出去拿禮品多走一趟！



每次看 IMAX 3D 都必然遇到一件事，就是其專用的 3D眼鏡，總是有人會挑戰用家中的 Real 3D 入場，今趟就沒有遇到，但入場前看到一位朋友，在自動售賣機買 3D眼鏡，明明寫了不適用於 IMAX，再看看他手持的戲票，正正就是 IMAX 場次，嘗試提醒時已經完成了「付款」動作，還好那時彈出了一句（類似）：IMAX failure，大概是電影公司刻意在 IMAX 場次時段的「特別服務」。買票時其實都有註明，場內也有通告告知入場會免費派發 IMAX 3D 眼鏡，又可能因為咁，電影公司決定久違了的 IMAX 3D 場次，不管環保與否也要派眼鏡；個人也取了兩副，只作備用，成功地用回了昔日的眼鏡，完全沒有問題！

alleelarry

我睇左《SLAM DUNK THE FIRST》(英皇 VIP會員專場)

見D分無咩用又可能會到期，見到可以用 120分登記專場，點知真係可以成功登記得到，入場前每位有一個福袋，主要係當期時已公開的禮品！

alleelarry

我睇左《壯志凌雲：獨行俠》HBO GO (IMAX版)

一套睇既都唔覺悶既電影，HBO GO 都上架得好快下，畫面同聲效就真係差D既，難得既係原汁原味既 IMAX 畫幅，拜年期間用黎解悶係好唔錯架！