【子彈橫飛位源流】今日你睇咗咩!? (最後更新: 08-06-24)

alleelarry

2022年06月16日，我睇左：《暗夜騎士》(Netflix)

睇完《終極攔截戰》仲夠時間睇多套，見到個簡介屬於犯罪片種，再看預告跟電單車有關，唔多諗就即刻睇埋佢，故事唔算好新鮮，但賽車場面拍得幾好，故事結局又夠正面，差一點以為就咁完，原來要比個另類句號：做貓好過做老鼠，同時為電影留下一個可延伸既位置。

alleelarry

我睇左《機動戦士ガンダムククルス・ドアンの島》

應該有唔少我呢一代既人，都係因為細細個睇《機動戦士高達》動畫，繼而踏上了砌模型之路，個種情懷絕對係要有咁上下「年資」先能夠體會得到，個人認為「元祖」兩個字就代表住誕生於一九七九年既「高達」，自四十年前《機動戦士ガンダムIII めぐりあい宇宙編》上映以來，元祖高達再度以電影版登場。本編以電視版中的第十五話作為籃本，把當年大約只有二十分鐘的故事，改編成為一百零八分鐘的電影版，更加是戲院與藍光同步發行。故事顯得更加熱血，但打動一眾高達迷既並不是故事本身，而是動畫中的機械設定，起用了跟模型相若的造型，就好似睇到自己喜愛的模型，在銀幕上活生生的存在，一洗當年外判未能控制質素的遺憾，少許可惜是太空坦克（GunTank）未有登場。

老五

今日睇新鮮滾熱辣嘅4kBatman，呢套真係幾多悶場，成套戲都篇暗黑萌萌，睇到有啲昏昏欲睡，三個鐘實在太長，如果劇情冇咁悶還可以，今次Atmos效果一般，可能講多過做，天空聲道都冇乜發揮，就算落大雨都冇感覺天花有落雨聲，係有一兩幕直升機天空飛過就聽到，呢套應該睇一次就夠唔會再翻睇

alleelarry

老五 發表於 2022-7-1 19:10
今日睇新鮮滾熱辣嘅4kBatman，呢套真係幾多悶場，成套戲都篇暗黑萌萌，睇到有啲昏昏欲睡，三個鐘實在太長， ...

看來大多數人都唔喜歡呢位蝙蝠俠，但我又覺得唔差，就係喜歡個種黑暗既感覺！

老五

alleelarry 發表於 2022-7-3 19:13
看來大多數人都唔喜歡呢位蝙蝠俠，但我又覺得唔差，就係喜歡個種黑暗既感覺！ ...

我覺得今代蝙蝠俠比初代添布頓蝙蝠俠更悶，好唔鍾意今代蝙蝠俠造型，個鼻哥好似豬鼻

alleelarry

老五 發表於 2022-7-3 22:09
我覺得今代蝙蝠俠比初代添布頓蝙蝠俠更悶，好唔鍾意今代蝙蝠俠造型，個鼻哥好似豬鼻 ...

添布頓版唔悶啊！個人喜歡到不得了，當年電影 LP 到 CD，LD 到 DVD 都 KEEP 住會買！

alleelarry

2022年07月07日，我睇左：《雷神奇俠4：愛與雷霆》

少有地係漫威上映日既第二日就入場睇，平時多數會等星期六或者日睇 IMAX 版，一來收到消息已經無哂海報，少有比較多色彩，再者太太唔多睇好，最後選擇左英皇，貪佢平日反而可以用買一送一優惠，屯門就只要 80元，仲有多過 10元回贈，好奇地登記攞埋襟章，還以為唔得，點知都得，又幾好！見唔少人都係負評，睇完後我同太太都覺得唔差，又未至於好好咁啦！劇情推進的確唔需要太多「補習」就可以入場，戰鬥場面都好唔同，畢竟今次唔係英雄片，少左好多科幻野，就只係講「神」，或者就係咁趕走唔少客仔囉！自從有信用卡買一送一，去屯門英重睇過唔少電影，每次都會坐番同一組位置，不過短期內都未必會再去，因為4院個幕或許係疫情期間少用左，積左唔少污穢，白天畫面十分明顯。

alleelarry

2022年07月08日，我睇左：《神探大戰》傳媒優先場

好一段時間沒有正正式式地寫影評，昨晚有幸得到朋友繳請入場觀看，回家路程中不斷反覆思量，在踏入家門前一刻，自我解構了電影的最後一幕，心中疑團也看來得到答案，為免劇透就留待適當時機再跟大家討論，曲線地證明，這是一套需要思考的電影。



全文：按此

老五

今日睇4K地球毁滅密碼，呢套應該係尼古拉斯基治近10年最好睇的一套科幻片，自己都幾鍾意呢套戲，故事交代得幾好亦好流暢，特技做得好好，飛機在撞落公路做得好逼真好震撼，音效亦好爆，4k有atmos 但發揮唔係咁大，同BD嘅Dtsma差不多

alleelarry

老五 發表於 2022-7-16 17:51
今日睇4K地球毁滅密碼，呢套應該係尼古拉斯基治近10年最好睇的一套科幻片，自己都幾鍾意呢套戲，故事交代得 ...

老片有提升畫面算唔錯了，呢套我個人都幾鍾意睇！