E-470 推 804D

jeffreylam98

大家好，小弟用緊 iFi Zen Stream > Accuphase DC-37 > Accuphase E-470 > B&W 707 S2, 也 plan 緊搬屋。由於終於有自己房，約 100-120 尺，打算換 707 做 804D 或 805D，不知道呢道有冇師兄用 E470 推 804D 呢？我有d怕 e470 推唔好/唔夠力/悶聲 804D。同埋 100尺放 804D 會 boom 嗎？

PS 不要說 804D3 D4, 因爲我以前用 CM1 而家用 707, 我比較中意黃盤的中低音。

MDLP

哈哈......黃盤低音真係有佢自己本身嘅吸引力
e470推804d2/d3都ok
不過804點夾100尺房間冇話唔得
好睇個人功力

jeffreylam98

你覺得100尺太大嗎？

一休大師

E470推804d2我就唔敢講， 我有個接近啲嘅 答案， 就係E460推804d2， 咁其實係ok嘅！ 但係就好快到極限， volume 開到十點鐘到 就會冇咩反應， 音壓一樣， 不過失真提高！ 但係基於 價錢成本， 其實算係咁！ 如果budget有限， 都不失為一個好嘅組合！ 因為你知道再好嘅都有， 其實都冇得好講！

至於100呎玩唔玩到，MDLP 話齋， 睇功力嘅啫

一休大師

我嗰陣時E460推803d2 都係咁玩啦！ 冇話唔得， 明知道有得再好， 但係冇錢升級， 自然就要將貨就價！ 不過當時好老實講， 以價論聲， 我覺得E460 真係做得好好！ 自此之後， 就入咗金門！哈哈！
其實我覺得 入門器材 都扮演著一個好重要嘅角色！ 老實講， 如果佢合併機做得唔好， 你又邊有興趣 繼續升級呢？ 去到呢啲價錢， 質素唔會差， 就係睇下你點樣將佢發揮到極限！

一休大師

至於你話會唔會 推唔好/唔夠力/悶聲？  悶聲咁就肯定唔會， 相反不知幾生猛， 因為當時我個friend用緊E460推804d2， 所以我都好清楚 件事究竟係點！ 至於夠唔夠力／推唔好？ 其實我覺得係夠力， 但係都要睇番你要求， 如果你心目中 係要推到804d2 去到極限， 咁係不設實際！ 但係如果正正常常， 唔會有奇怪嘅發生， 咁就肯定得

一休大師

不過你地方唔大， 其實805d 都可以考慮， 你唔好睇少呢隻書架仔， 爆起上嚟 都唔係人咁品！ 我自己覺得805同804 係同級， 不過就互有攻守， 主要睇你嘅取向 同埋發揮！ 但係如果一去到803 就完全唔同級數， 嗰個位置就冇嘢諗！ 但係如果804同805， 我覺得就有得諗嘅 ， 所以當時我係805d2 一共玩咗兩次， 就係咁解， 玩咗805， 又玩804， 跟住又玩番805， 兜咗一個圈！哈哈！
804 無疑喺能量感方面！ 會優勝過805！ 但係連貫性 方面， 我又覺得805 贏番804！ 咁呢度你自己要考慮下， 取捨一下

我當時 嗰set嘢 人哋話唔合情理，C3800 前級加P6100走去推， 其實係因為佢哋未聽過 食飽咗嘅805可以有幾犀利？ 食飽咗嘅805 一樣可以令你 大呼過癮， 大爆特爆！ 所以今次我再玩805d3， 我就知道個竅門， 搵咗老麥ma9000 大合併去推佢， 等佢食飽啲， 自由活動！

但係 不得不承認， 黃盤有佢自己嘅好處 同埋魅力，N805 S805 805S 805d2 805d3， 都係有唔同嘅吸引力， 揀啱自己口味 咁就對！B&W 係一個很好嘅旅程， 值得一玩

一休大師

N805 Sign805 就係傳統b&w 嘅聲音， 圓潤厚實飽滿
805s 就係喺傳統N805上面， 提升 一啲分析力 同埋伸延
805d2 做得更為中性， 更具監聽能力
805d3 速度分析力大躍進， 聽古典 發揮上更加好

咁可能會有人問， 邊一代我覺得最好？ 咁呢個真係好難答， 因為其實每一代都有佢嘅魅力， 但係如果問邊一代最抵買？ 我會認為係805s 係最抵買

jeffreylam98

一休大師 發表於 2021-7-24 00:27
E470推804d2我就唔敢講， 我有個接近啲嘅 答案， 就係E460推804d2， 咁其實係ok嘅！ 但係就好快到極限， vo ...

E460 推乜嘢喇叭都係咁的，因為我用E470之前係用 E460, 都唔知點解會咁，開到-35 開始冇乜反應。不過我諗係喇叭嘅問題

jeffreylam98

一休大師 發表於 2021-7-24 01:04
不過你地方唔大， 其實805d 都可以考慮， 你唔好睇少呢隻書架仔， 爆起上嚟 都唔係人咁品！ 我自己覺得805 ...

120尺係全間房個 size, 連埋張床同埋個櫃，可以聽嘅地方應該得80尺左右，所以比較擔心804 能量會太強