（#176有更多XR-65X90J圖）SONY 2021 電視集中討論

rockyw

想問下有X90J 既師兄有無試類似netflix 雅信傳呢啲咁暗既片效果如果？
會唔會底光透得好明顯??

cheungliu

rockyw 發表於 2021-8-18 20:27
師兄用x90j 睇Eva ? 睇你影出黎啲色彩唔錯Wo
我用緊55 A8F
都糾結緊 上65用 OLED 定 LED 好 差價好大 ...

yes 65X90J 睇EVA，之前仲有歐國杯同美少女netflix
我preorder 買而家已經回落好多，應該出埋X95J後X90J仲抵玩
65吋的話如果唔睇新聞就升OLED啦

外國朋友用OLED睇BBC 歐國杯直播，我用NOWE 4K已經同佢好接近畫資但都俾唔上佢
最後討論的是OLED點都靚D

如果價錢要過海關 可以買住A8J先

rockyw

cheungliu 發表於 2021-8-19 01:08
yes 65X90J 睇EVA，之前仲有歐國杯同美少女netflix
我preorder 買而家已經回落好多，應該出埋X95J後X90J ...

岩岩今日 經過九龍灣間誠哥電器
佢好識玩將65 A80J 同X90 J 拍埋一齊 仲要同一段片
LED 即刻玩L 完
無比較無傷害….

cheungliu

rockyw 發表於 2021-8-19 14:59
岩岩今日 經過九龍灣間誠哥電器
佢好識玩將65 A80J 同X90 J 拍埋一齊 仲要同一段片
LED 即刻玩L 完

同OLED比一定是大敗
但就可以安心咁用黎睇電視

根本英俊

rockyw 發表於 2021-8-19 14:59
岩岩今日 經過九龍灣間誠哥電器
佢好識玩將65 A80J 同X90 J 拍埋一齊 仲要同一段片
LED 即刻玩L 完

你用開SONY OLED就好難返轉頭啦.
除非你有D不愉快經歷啫.

JP1

今日來的Sony師傅好專業，一個人安裝65吋X9500H，本來要俾滿分。但係，佢都幾串嘴要減一分，其次，佢未問過我地就亂禁設定有畫質有關的設定，嚴重downgrade咗 我地對依一部電視機的第一觀看感覺。睇咗一集二十幾分鐘的動畫，發覺無咗55吋X9500H的畫面衝擊力、亮麗、無咗色彩，同埋順滑嘅流暢感後，我懷疑畫面設定有問題，然後立即重設畫質設定，但係畫面重係缺少了很多嘢，原來Sony師傅設定咗好多其他嘢影響畫面，直按重設畫面設定係重設唔到。 最後唯有直接整部電視機重設回最初出廠設定，嘥曬時間再設定，最後終於重拾返65X9500H真正嘅畫面質素實力！

重設機前影咗一些相，唯有刪除晒去，再去重新影過。
另外，Pan記49X900H已經送到屋企人的家，聽日信興師傅去安裝。

JP1

上次55X9500H來的SONY師傅話灰角可以換機，但55X9500H無灰角或沒有顯眼的灰角，所以唔洗換機。
今次65X9500H來的SONY師傅話灰角唔可以換機，今次65X9500H有灰角，SONY師傅遊花園，屋企人話唔算嚴重所以由佢唔換。

今日來的65X9500H無啪啪聲，55X9500H到依家都有輕微的啪啪聲，不過已經好過最初新機的時候。我依家係都研究緊點解會咁，如果有答案會分享出黎。

65X9500H唔算大，但又唔算細。如果底座係置中設計，就可以擺入房咁就fit晒啦！
客廳始終要再大啲，但係X9500H行貨無75吋、85吋，真係好可惜。同埋，SONY行貨75吋、85吋X95系機都唔夠平民價。唯有希望未來會平民化啦。

cheungliu

JP1 發表於 2021-8-19 18:38
今日來的Sony師傅好專業，一個人安裝65吋X9500H，本來要俾滿分。但係，佢都幾串嘴要減一分，其次，佢未問過 ...

我真係未聽過sony師傅會識得set 機，多數都係youtube播條色牌片就走人
每個人要求唔同，佢set黎做乜鬼

不過恭喜jp1師兄有靚65吋機皇

老實講而家75 77吋LCD都好似無乜，加埋個價超唔掂

JP1

cheungliu 發表於 2021-8-19 23:43
我真係未聽過sony師傅會識得set 機，多數都係youtube播條色牌片就走人
每個人要求唔同，佢set黎做乜鬼

上次，55X9500H嗰SONY師傅就真係播完片就走。
今次，65X9500H嗰SONY師傅未問我就亂咁超極速咁狂按設定。

多謝您。

係呀，您完全正確。

JP1

先從結論講先，Panasonic 49HX900H $5280 有五年保養，性價比唔錯，值得買。
Panasonic 49HX900H唔係我自己用，我停留左一段短時間後就走了。Panasonic 49HX900H睇電視嘅效果一般，線條有狗牙，HX900H影像處理1080i升頻去4K時無足夠處理去 去除狗牙。Sony 49X9000F明顯優勝過Panasonic 49HX900H。

信興師傅話五年保養，五年內一定有零件換，Pan記電視機唔包4點光死點，就算畫面正中間有點都唔可以即刻換機，要再搵師傅上黎睇過先可以換。Pan記電視機邊位有光死點都唔可以換機。信興師傅唔肯即場檢查光死點，要我係佢走後，自己檢查光死點，如果有光死點要打過電話再叫過師傅黎上門 申請換機。
好彩部Panasonic 49HX900H無光死點，唔係就麻煩了。

Panasonic 49HX900H外部結構有4層，第一層外框，第二層普通黑邊，第三層屏幕部分的暗邊，第四層屏幕本體。近睇覺眼，坐遠啲可以解決依個短板。
圖是Panasonic 49HX900H:

Sony 49X9000F又是明顯優勝過Panasonic 49HX900H。


信興師傅服務質數OK，但係叫佢保持原廠設定叫了兩次，佢兩次都有反應，最後當住我臉調教畫面數值，我問佢點解調教畫面數值，佢支吾其辭還想調教畫面，叫到第4次佢先肯停手放棄調教。佢走咗後，搞到我要晒時間檢查佢，重有無搞過其他畫面設定，好麻煩。如果我無估錯可能信興有指引教佢地啲師傅要點樣調教部機，所以我叫佢保持原廠設定，佢點都想調教部Panasonic 49HX900H。

如果10分滿分，SONY師傅約有7至8分，信興師傅約有5分。SONY師傅比較高質數，信興師傅就一般OK。
SONY 49X9000F的SONY師傅最少有9分，SONY 55X9500H的SONY師傅最少有6分，SONY 65X9500H的SONY師傅最少有8分(本來可以俾滿分，但係串嘴同亂搞畫面設定要扣分)，Panasonic 49HX900H的信興師傅最少有5分。

如果三年後，再要買電視機自己用嘅話，可能我揀SONY官網或咸片生命買。成日話無比較就無傷害，其實依句說話唔係完全正確。 瘋澤嘅送貨服務就算唔比較都係劣質。如果瘋澤嘅送貨服務同咸片生命做比較，咸片生命完全係超晒班嘅優質服務。

圖是Panasonic 49HX900H: