以後買某公司既音嚮可能要實名購買?

chan@76

小瑟 發表於 2021-5-13 17:19
哈哈, 咁玩仲危險呀, 一陣又要囉部機返去做身體驗查先呢~  ...

唔洗驗身架喇
只係寫字樓改改個 excel file
5 分鐘唔洗 $300

到時真係壞咪維修部圈住咩咩咩情況先做檢查
人為呢d萬能key 通殺

阿定

kl122002 發表於 2021-5-13 14:21
平心而論， 係有好多“沒說出口的秘密”一直在發生， 只是好多人識玩呢個“遊戲”而浮上面。

  但今次 ...

事實係規矩就寫左係度，點走位玩呢個遊戲先係最重要

因為宜家已經唔Work，所以唔怕講個例子比大家，以前我有部生果牌平板電腦，保養仲有一個月完，我又想換新Model，所以帶部舊model上去維修中心想換部(無花痕)翻新機同借D意extend多三個月免費保養用來放去二手市場，咁部機無病無痛，又點可以成功換到呢，就係靠佢地提供的遊戲規則來完成啦，咁當然亦因為有我呢類遊走邊緣的客人，先會搞到保養越來越嚴啦。

commail

按樓主最開頭的敍述，係「姓氏」唔同而引出二手機問題，咁即係如果你同賣家唔同姓，你死認係第一手買家都無用．

Yoshiki2008

commail 發表於 2021-5-13 21:49
按樓主最開頭的敍述，係「姓氏」唔同而引出二手機問題，咁即係如果你同賣家唔同姓，你死認係第一手買家都無 ...

唔知話親戚朋友送既得唔得呢

PepperFish@FB

拎去維修都可以唔係機主啦！姐姐拎去得嘛？成件事係樓主同D&M啲屎忽數嚟之嘛

5.1外星人

講來講去,如果品牌唔誠認二手貨,個市塲會変成点。
冇二手樓 二手車 二手相机 ............etc恐怖

Louis.C.C

1）關於代理唔認二手機呢點

大家諗下，如果有店舖開部新機做陳列，唔登記、唔當賣咗......到有客要翻pack，由個客當係一手。
但部機可能已經五勞七傷。咁如果代理唔承認，有問題果方可能係店舖，代理都可能係其中一方受害者。

代理如果有條款要針對二手及保養，咁係針對緊係店舖？還是真正用家？

2）電子野，撞手神

真心問，有邊間代理真係做得好？

唔想整，報個天價比你要換乜換物 ....... 然後用家見到個天價仲貴過 / 拍住買新機 ...... 結果用家又乖乖地科水買新機。

電子零件，好多以運作幾多小時會壞 （例如10000小時）.... 個廠用乜規格，件野夠鐘就無啦啦會壞，好多人都試過，代理賣機早就收埋保養費，但有幾多人會用得著？錢就收咗，服務呢？

冇零件，又拖你幾個月，又減少幾個月冇機用，部機唔係你手、冇得用，變相又少幾個月保養

3）買完部機，比完錢，再返去睇保養條款 ...... 法律上已經完成交易，就算唔合理，仲有乜用？

4）買機，白字黑字（包括公開資料、網站）都包括了保養 ...... 但若果冇寫只認頭第一手，咁法理上代理有責任履行合約（保養）..... 而用家冇履行合約內容（例如：指定日期內要登記）.... 代理唔認數，喺black & white世界，Small Claim 都係講證據，用家要識保障自己。不要忘記仲有條「如有爭拗以乜乜乜乜為準」

喺無罪假定嘅原則下，代理其實應該要搵證據證明對方並唔係第一手機主，而唔係個用家要證明自己係第一手機主

5）嘈，未必係一個解決嘅好方法

舉個例，你去普通餐廳食個飯，拍晒枱投訴，碟嘢攞返廚房，在拎返出嚟俾你究竟係更換左新啊？定係俾人加咗料啊？
呢個世界總有一啲缺德嘅人。
嘈未必係一個恰當嘅解決方法。

6）有保養，做得衰，慘過冇！

好多代理今日應該喺度食緊花生，家陣網購好方便，有時喺外國買完野，有事寄返去廠仲好過香港嘅代理，香港做唔到生意代理、店舖、Sales其實自己都要反省一下。世界變，老本食唔到幾耐。

chan@76

Louis.C.C 發表於 2021-5-13 23:39
1）關於代理唔認二手機呢點


........


喺無罪假定嘅原則下，代理其實應該要搵證據證明對方並唔係第一手機主，而唔係個用家要證明自己係第一手機主

.

係咪睇得電視多？
同無罪假定有咩關係？

呢d係佢哋兩家合約上嘅爭拗咋
涉及邊條法例而令廠方變成主控义住買家咩罪？

wongzippy

Louis.C.C 發表於 2021-5-13 23:39
1）關於代理唔認二手機呢點

大家諗下，如果有店舖開部新機做陳列，唔登記、唔當賣咗......到有客要翻pack ...

第六點

李好野@76

建議直上天庭!等外人知本地發生什麼事，所謂代理可換!任何產品都是........外人面子好緊要!本地就...............錢錢錢!