有關Marantz NR1608 突然自動更新問題

rl0497

你好！

抱歉因為搵唔到其他地方可以留言問有關Marantz嘅問題，所以揀咗同系嘅Denon區留言，唔好意思！

我有一部NR 1608喺房一直用緊，基本上佢叫做運作正常嘅，大約半年前，佢偶爾會彈出要我update firmware嘅訊息，由於我之前喺廳有一部Denon X2400H都經歷過一啲firmware嘅問題，所以我都係唔update，同埋亦有熄咗個auto update再熄埋個Allow Update嘅，不過佢好奇怪，間中深夜我會聽到部機「噠」一聲，原來佢無啦啦自己行咗update！！不過開咗佢，佢又好似冇事嘅，咁我冇特別再理佢，只係再檢查佢啲設定，我之前熄咗有關update firmware嘅選項佢又着返晒！於是我又熄咗佢！

如是者，哩半年內，我間中開部amp，佢偶爾都會又彈個update firmware嘅畫面出嚟叫我update，我又要照辨煮碗咁重頭熄過晒啲設定，其實都幾困擾嘅！

上星期日，我開機，只係開咗一陣，佢又無啦啦「噠」一聲，自己行咗一次update，行完佢restart，我又見佢正常運作嘅，我又走去熄過晒有關update嘅所有設定！

不過到咗今朝，情況有啲唔同！我今朝大約九點起身，我打算開部影碟機睇碟（我用咗pass-throught，所以有時我唔開amp，直接用電視喇叭算），但係冇畫面，望吓個amp嘅面版，佢竟然又行緊update！！不過佢今次係數到86%，佢就好似數唔到上去，之後隔咗約一分鐘，佢又跳返落0%，之後又即刻跳返上86%，我拍咗段片，可以睇吓佢係點數法嘅：

因為之前部X2400H都有同一個問題，試過佢數數下數返轉頭，但係之後又update到嘅，我即管等等，結果，我等咗個幾鐘，佢都係冇變嘅！如是者我出咗街冇再理佢，諗住返嚟佢會正常返，而家差不多晚上八點喇，即係十一個鐘後，佢仍然喺度update緊！！其實因為我唔用機，會有塊布冚住部機睇唔到個面板，其實我係唔知佢咁「update」法搞咗幾多日嘅？！

其實我去年都曾經發過帖（https://post76.hk/thread-290054-2-1.html）（17樓）問過關於我部X2400H嘅奇怪自動update情況，我諗唔到嘅係，同系嘅另一部機都竟然有差不多一模一樣嘅情況，我而家完全用唔到部機，我又唔敢熄電掣因為怕佢死埋，想請問，我現階段，可以點樣做呢？點解同系嘅機嘅死法係一模一樣嘅呢？我已經熄晒所有firmware嘅嘢，點解仲會咁嘅呢？希望有一個交代，唔該晒先！

rl0497

奇怪嘅事發生咗，我由得部機run冇理，今朝我大約九點幾起身，睇到部機個面板冇咗字，佢似乎係「Update」完！我試吓開機睇吓，部機係開到嘅，但係佢同之前我提過嘅情況一樣，佢又再叫我update firmware，我依舊熄晒所有嘢，如是者我又出咗街。到我晏晝約五點幾返到屋企，試試再開機，佢都係開到，亦都同之前一樣，又問我update嘅嘢，我都照熄晒佢，不過我今次影低咗啲關於firmware version嘅影相：











我又熄咗部機，剛啱（大約晚上九點幾）我再開機，暫時冇再叫我update喇，我都唔知幾時佢又會無端端自己再行，其實我哩種情況，請問有何對策呢？唔該晒。

DenonI

rl0497 發表於 2021-3-7 21:26
奇怪嘅事發生咗，我由得部機run冇理，今朝我大約九點幾起身，睇到部機個面板冇咗字，佢似乎係「Update」完 ...

Hi rl0497 ,

跟據過往經驗，你部 NR1608 曾經的升級過程中有部份的軟件沒有更新，請按附圖的步驟做原廠的 Factory Frimware Restore，
然後再用 Lan 線做升級就 OK 。

Denon1

rl0497

DenonI 發表於 2021-3-8 16:39
Hi rl0497 ,

跟據過往經驗，你部 NR1608 曾經的升級過程中有部份的軟件沒有更新，請按附圖的步驟做原廠 ...

好嘅，唔該晒先，我今晚會返去試試，麻煩晒。