造牆身電掣

AllenCheung@FB

請教下, 新居裝修, 問左裝修師傅由電箱拉獨立線去地櫃後面, 每個收費 $3000 (未計電掣), 值唔值?

諗住 1 個比前級
2 個比後級 mono block

全美頭

bbc701

搞公家電錶房? 等於申請多一個電錶？可能性等於 [0]
如果整屋裏面個電箱其實只係拉過啲電線，但一間屋可能只有60A 或 100A 電，但95% 60A，睇你自己點搞，機會成本

另外屋企電箱重新連接掣位既電線又用乜嘢料拉過，又會係另一個問題，銅線，純銅，鍍銀?
如果唔清楚你就當其實只係係嗰度加多幾個掣位，咁樣可能大家都會容易理解啲
直接講唔係中華電力就港燈，新樓，半新樓，舊樓條水喉都係來自呢兩間公司，但係佢哋係屋苑嘅變電設施個電流穩定度冇人知，真係睇你想玩乜。

如果係室內設計公司，$2500 - $3000/位，唔包掣面，普通線材安裝價錢合理，我之前裝修都係差唔多價一個新位

AllenCheung@FB

bbc701 發表於 2020-9-22 21:24
搞公家電錶房? 等於申請多一個電錶？可能性等於 [0]
如果整屋裏面個電箱其實只係拉過啲電線，但一間屋可能 ...

謝謝師兄回覆🙏 請問獨立線既性價比是否真的比同價位電源線高好多？

bbc701

AllenCheung@FB 發表於 2020-9-22 23:33
謝謝師兄回覆🙏 請問獨立線既性價比是否真的比同價位電源線高好多？

大廈提供嘅電源，係由發電廠，去到區域變電站，再經電纜分流去到屋苑嘅總電箱，之後再分流到每一座嘅獨立電箱，電錶房個電錶其實只係量度你用咗幾多度電既 Switch，啲電都轉咗幾個圈

而單獨一個掣面去做輸出比一個裝置，得益只係唔會有其他需要電嘅產品喺同一個插座上邊攞電，從而不會影響電流穩定性 (1對1) ，但先決條件係你電箱有冇咁多吉位
對於啲電有冇靚到，基本上同你屋企用乜掣面冇乜關係，因為個源頭始終係喺街外邊嘅電纜同你屋苑個大型分流器既穩定性。

PS. 插座同器材，連接果一條電線靚唔靚，影響可能重大，因為呢個先係密切接觸者。當然如果可以嘅話，做多幾個獨立制位都係有着數。

raylee

難以評論值唔值, 因為你無講清楚工程係點做

但基本上幾千蚊係影音角度只係皮毛...哈哈

morechoices

後續費用，電箱吉位加一個RCCBO (HAGER AD125)$200元，但音色平平，講究用MCB火線掣(ADL鍍金約800元，或更高級鍍銠)另需接駁水線掣。這點要與電氣師傅問清楚怎樣處理漏電保護。下一步是入牆線，做得專線當然不會用平價工業電源線，音嚮入牆線由百多元一米至三百元一米，最後要一個音嚮牆蘇，市面很多選擇,豐儉由人，大功完成可以坐定定享受啦。

atticuss

唔算平

ManHoWong@FB

bbc701 發表於 2020-9-23 00:04
大廈提供嘅電源，係由發電廠，去到區域變電站，再經電纜分流去到屋苑嘅總電箱，之後再分流到每一座嘅獨立 ...

好一個密切接觸者😂

ManHoWong@FB

有無諗過買隻隔離牛玩下，我最近買咗隻 佢講到幾犀利下，話牆蘇攞電（即市電），再經由佢內置既牛穩壓輸出，有230V 穩壓，再供電出來，變相你係用緊佢隻火牛輸出既電，而不是市電，我用緊，心理上好舒服😌，唔會覺得d電有干擾.
我之前有諗過玩入牆線，但心大心細 如果揀錯線或者買咗之後發覺仲有隻更好既線就GG了 所以最後無玩

longfan

幾銀用边隻隔離牛C兄