到喇,期待半年之久嘅“ASPEQT”調校系統正式面世,代理亦都知我心急,一收到美國Send俾佢嘅資料,第二日就即刻將成套嘢搬嚟我屋企.
套嘢嘅配件大家應該一早見過,不過見到實物後,我真係想知要4支咪先搞得掂嘅調校系統系咪比普通1支果啲勁好多.
Show time!
首先當然係Upgrade Fireware, 現時最高版本係2.91.
跟住就係啟動ASPEQT, 但呢個環節發生咗個小插曲；明明已經按照官方要求擺好設備,駁好端口嘎喇！點解套系統就係去到收音嘅時候卡住咗喱.之後又重覆試咗三四次,去到第四次時,代理突然拍咗下後尾枕,話唔知會唔會係要重新Reset部機呢？於是馬上行動,今次條進度條終於識郁喇,搞掂！之後嘅進展好順利,進入系統,會見到有6種唔同嘅效果任君選擇,我就揀咗6db BassBoost, 然後套系統經4支咪收集現場嘅環境數據（唔好有其它噪音）,所有喇叭再行咗幾次,系統就會提示調校完成.
咁辛苦搞咗咁耐就係等呢刻,Run完套ASPEQT梗係爆下佢.今次我搵咗“Dead pool”嚟幫手.去到片頭反派等緊直升機果段,聽到直升機由於搖擺不定個機碌不規則掂到地面草坪時發出嘅碰撞聲,一連幾下,雖然唔係打心口,但啲細節都可以如實反應出嚟,呢一段我係前一晚睇果陣真係聽唔到；然後係公路追逐戰,呢段我同代理都睇得好過瘾,尤其係翻車果幕,頭頂4隻Atmos喇叭有條不紊咁將地動山搖嘅效果盡情發揮出嚟,高潮真係一浪接一浪,搞到我都有少少暈哋添.
送走代理之後,我又再重試之前嘅片段,發覺好似两隻前置唔够埋身,於是攞起手機經微改咗下啲數值再播.唔,係咁喇,正！隨後我又揾咗隻“陳潔麗”聽咗下,感覺聲音飽滿咗,密度亦有所提高,而果份入心入肺嘅感染力依然強勁.
至此,今次亞太區首份ASPEQT嘅調校心得就寫到呢度,如果以後Muse啟動埋Hdmi 2.1,我就用自己xbox series x夾嚟玩下,希望有更大驚喜！
|
[複製鏈接]
樓主
發表於 2021-1-9 20:01
