我都有開箱文la (Pioneer LX52+LX72)三條HDMI小小報告P.9

PP-HK

咪玩我呢個VSP啦VIP, 咪係你介紹既CHORD, 不過冇錢入active silver plus, 只係訂左舊款既silver plus。2008 whathifi全年hdmi大獎得主, 而家只售5舊幾。雖然係1.3a, 但check過1.3a同1.3b或c, 係完全冇分別。

PP-HK

等左一個星期, 條HDMI到了, 但個網竟然送多6條俾我, 開心。

今晚試聲先。

danny73

送多6條?  

qq1122yq

咁筍  

PP-HK

6條魔術貼, right ?
kleehkg 發表於 2010-3-11 15:41

典解你咁醒既! 雖然唔係乜高價贈品, 但係小小意外驚喜都使我好開心, 因為之前都想過幫佢訂, 點知佢送埋俾我喎。

qq1122yq

俾你呃咗我添  

PP-HK

你咁靚女, 唔呃你又點會入黎呢?

qq1122yq

Yah~好衰架  

PP-HK

都叫開箱文啦

開左袋係咁, 一盒hdmi加魔術貼, 送既


打開包裝, 見到條線


睇相唔覺, 估唔到條線都幾硬下及小小粗, 插入bdp及amp後, 畫面光了點, 聲音唔係立時聽得出個分別, 但條線完全未煲。我影音分了家用同一對喇叭, 72 preout俾naim, chord既線不嬲都配naim, 今次都叫做matching掛。

PP-HK

入手條CHORD SP後, 今個星再入了兩條HDMI線, 分別係BJC serious 1及SUPRA。卒之一家團聚, 今日特意放假試下三條的分別。

先旨聲明, 係audio方面我係比較喜歡銅線的, 所以有少少偏向都唔奇。三條線插入72既不同HDMI插口, BDP先換插, 試既係BATMAN頭幾段。SUPRA及BJC都係銅線, CHORD係鍍銀。價錢方面, SUPRA及CHORD訂番黎都係5舊左近, BJC新線約兩舊, 我接二手。CHORD的run in時間最長, 大約係幾套戲左近, BJC因為係二手估計都煲左一段時間, SUPRA就尋日先番, 用PS3 run in了兩小時, 所以run in時間以SUPRA最短。

聲音:
SUPRA同CHORD的取向有大分別, 一插就分到。SUPRA的低頻較多及潛得深, 包圍感較強, 一換上CHORD後, 感覺清晰左但薄聲, 好像少了截墊底聲似的。以低頻黎講, SUPRA較為討好。高頻及速度方面, CHORD的表現較好, 第一幕的幾下鎗聲, 速度感好高, 不過收得快少少, 其它的聲音都感覺高頻較為突出, 弱音亦係三條線中較清楚。SUPRA就平均一點, 我係EQ度加番少少高頻, SUPRA的高頻也不錯。BJC的取向和SUPRA類似, 但高低伸延唔及SUPRA, 所以感覺中頻少少突出。

畫質:
三條線的表現都差唔多, 夠光, 而立體感以CHORD最強。

我最後的選擇係SUPRA駁BDP去AMP, CHORD駁AMP上電視, BJC俾PS3用。不過, 想講一點, 其實三條線的分別係好細, 細到只可以用感覺黎分別。而由於SUPRA與CHORD的用料不同, 銅線的特性係較平衡同低頻表現較強, 而銀線分析力較好速度快, 但會薄聲一點。所以, 對用分析力好但薄聲的AMP如PIONEER及YAMAHA, 我覺得銅線會適合點。而走厚聲底及埋身感強的DENON及ONKYO, 用銀線就可以補償一D分析力及速度感, 總括黎講都係平衡。

HDMI的投資到這一步我個人覺得差唔多了, 而家既駁法聲、畫的表現我覺得都符合我的要求, 包膠亦到此為止。