電源線真的有效??

Hongkk9870

大家好, 新手一問. 剛剛入手2ch無耐, 知道線材對於聲音會有影響, 見到隔離Post討論電源線, 但實際上係點運行同點影響？

koalaau

音響器材要用電，電當然對聲音有好大影響。
電源線主要留意兩樣野，線芯足料導電好，屏蔽設計好防干擾。一般近百元一米的散線已造得唔錯，會比現在隨平價機附送的幼幼黑色線好好多，想再好點，就睇你出到幾多。個人認為如非每部器材萬萬聲，實在無需投資太多在線材上。

kl122002

的確是有少少物理因素， 如電阻， 電感， 外界干擾這些
我第一看重的是用電量和 **線芯粗幼**， 也即是物理中p=vi 的法則
用電量大的東西一定是應用粗芯少少， 而家用hifi來說， 2.5mm(2)芯面積的可是容許很大的電流流量（i) ,
所以後級, mono block的會有粗芯電線是正常的事； 至於source 用1.5mm(2) 基本上是很足夠。

值得注意線芯粗幼 不等於外表看起來很粗就是很粗
廠家為了做防干擾於是加入了不少各式各樣的成份才看起來很粗

我自己還是建議在電源線中用得保守少少
盡量維持由插頭到機內時保持盡量中性， 防一些干擾 （wifi這類) 就夠了。
做到基本功的好電源線真的不會貴， 數百元至一千以下就有了（看長度， 參考牌子如supra, 入門位置的aq ） ， 除非是處意地調味才很貴。

90182723

心理作用因素為主
你只可以改變蘇位至機器既線, 再勁啲就改埋電箱至蘇位既線.. 其他都控制唔到

eric_on

好大影響，正如上面師兄咁講。但唔代表貴一定好，每一種導電物料性能都不一樣，夾到機就好。可以問朋友借條線回來試試，如果初初玩，可以買散線自己做，或比小小手功費，叫鋪頭幫你做。

koalaau

eric_on 發表於 2020-6-18 20:50
好大影響，正如上面師兄咁講。但唔代表貴一定好，每一種導電物料性能都不一樣，夾到機就好。可以問朋友借條 ...

電源線唔使焊，跟火中地上螺絲就得，小學生都攪得掂，唔使俾錢人整啦。

raylee

真有效， 但換電源線不是最高CP 值或最徹底的做法。

要由源頭電箱/大廈大電箱開始搞

kl122002

koalaau 發表於 2020-6-18 20:59
電源線唔使焊，跟火中地上螺絲就得，小學生都攪得掂，唔使俾錢人整啦。 ...

我遇過有人唔識分E, L, N 三色和位置....
又遇過真係有人做電線時先知自己有天生色盲

DIY電源線唔難， 唯一問題係識上線， 識分色果度。
怕的話， 可以找其鋪面做

koalaau

kl122002 發表於 2020-6-19 09:24
我遇過有人唔識分E, L, N 三色和位置....
又遇過真係有人做電線時先知自己有天生色盲

色盲就冇計^_^’’

koalaau

其實又未必要講到大廈電線，個人有一經驗，用了隻算有質素的隔離牛後，聲音係有改善，之後再換條好少少的電源線代替隔離牛原本條普通黑色電源線，結果聲音卻係冇乜分別。即是話，經隔離牛後電源已經改善很好，沒太大進步空間了。