【音響教學】兩聲道入門系列 (第一至四課 . 2021年09月07日)

Toscanini

KasonLeung@FB 發表於 2020-6-18 17:32
預算預 $15000 以內吧，這個範圍會否沒有選擇？
用 USB DAC 播音樂效果可以，但如果用來看 blue ray 和 ...

你係指用電腦播Blu Ray，然後經USB傳送數碼音頻訊號去USB DAC? 無話唔得嘅，只係大部鈉USB DAC嘅聲音取向，都比AV AMP斯文，低音重層次多於狠勁，你可能因此發現更多製作人嘅意圖，多於純粹官能刺激

KasonLeung@FB

Toscanini 發表於 2020-6-20 23:32
你係指用電腦播Blu Ray，然後經USB傳送數碼音頻訊號去USB DAC? 無話唔得嘅，只係大部鈉USB DAC嘅聲音取向 ...

咁即係要係電腦同時滿足曬聽音樂同睇電影兩樣野嘅音效係好難？
但其實滿足曬兩者係做唔做得到？
得嘅話又係應該點做？
可否教一下？謝謝。

TomyNiki@G

呢個post好有資訊性，十分有用！

「以電腦加USB DAC人5訊源，接駁方法其實同你用CD機無乜無別：電腦->USB線->USB DAC->前級+後級/合併機->揚聲器；又或者電腦->USB線->USB DAC（有音量控制功能）->主動式揚聲器；電腦->USB線->USB DAC->前級->主動式揚聲器」

我極希望能夠在書房內聽到靚音樂甜美人聲，有些配備需要添置，希望Toscanini兄比些建議。
首先書房面積超細，寬7呎深5呎實制得35平方呎！！！如果在呢個空間做配置是否好有難度？因為我係自顧人仕長期在家中的書房工作，假如能在呢個細到無可再細的空間內工作時，能夠有高質的音樂陪伴工作就十分美好了！！！
現在我在書房用緊KEF LSX聽音樂，不過對LSX十分失望，因為音量十分唔穩定，一時大聲一時細聲真係好神奇！假如要轉過新配置是否如你所說「電腦->USB線->USB DAC->前級->主動式揚聲器」，那樣除了電腦外其餘都需要添置。呢個得35平方呎的空間應該點玩好呢？或者你會覺得多鬼餘跟本無得攪呢？

KasonLeung@FB

另仲想問，電腦駁 DAC + 喇叭有呢個玩法有無或支唔支援 Dolby atmos、DTS:X 呢類技術？
因為想電腦做曬聽歌同睇戲，所以想知道咁嘅話電腦應該駁 DAC + 喇叭定係直接用 soundbar 較好？

小瑟

【音響教學】兩聲道入門：網路音樂串流服務(第二課)

曾幾何時，與音響發燒友談及音樂串流，第一時間想起的，會是網路串流播放器播放儲存在 NAS 內的音樂檔案。但今時今日，使用網路音樂串流服務的玩家，數目也許不下於舊有玩法。其實網上音樂串流服務並非新鮮事，追溯本源，網路電台可算是始祖，但用家不能自行選曲。因此，真正在大眾市場引起話題的，是 Spotify。只不過，Spotify 提供的是有損壓縮格式，因此音樂發燒友對之興趣缺缺。

🤗教學文 : https://post76.hk/news/2020/07/hifi-basic-streaming-2/

Toscanini

KasonLeung@FB 發表於 2020-6-21 21:29
咁即係要係電腦同時滿足曬聽音樂同睇電影兩樣野嘅音效係好難？
但其實滿足曬兩者係做唔做得到？
得嘅話 ...

咁又唔係，重點係你嘅標準/參考點係乜，假如係話「聲音質素要比買電視送果部Blu ray機好嘅」．咁一部無改裝過嘅家用電腦，配上三幾千嘅DAC、同樣係三幾千嘅active喇叭，係有機會做得到
但如果你嘅標準係Pioneer UDP-LX500，咁家用電腦就難以企及喇
畢竟家用電腦唔係單純為聲、畫面而設計，所以一部一萬銀嘅家用電腦，都唔可能比得上同價位嘅影音訊源。所以去到一個位，都係要用返影音產品，先可以得到更好嘅聲畫質素

Toscanini

TomyNiki@G 發表於 2020-6-21 23:11
呢個post好有資訊性，十分有用！

「以電腦加USB DAC人5訊源，接駁方法其實同你用CD機無乜無別：電腦->USB ...

細空間，或者要係書檯上面玩，都絕對唔會話浪漫時間，只係可以做嘅嘢唔多
例如你要揀細部嘅器材、喇叭，然後又要處理書檯嘅震動、桌面反射聲、電腦mon影響聲音等問題
那個時候，錄音室常用嘅吸震腳架，例如IsoAcoustics ISO系腳腳架就好實用
大方向有三個：1) 減少書檯共震；2) 盡可能減少來自桌面嘅反射聲，升高喇叭、將單元斜向上，都可以令聲音變得清晰；3) 聽音樂果時，可以移開/摺埋個mon就最好啦，否則用布遮一遮，都可以減少反射聲，令定位更清楚

P.S. KEF LSX音量時大時細，真係要直接問返廠，佢應該要教你點樣解決

Toscanini

KasonLeung@FB 發表於 2020-6-23 14:11
另仲想問，電腦駁 DAC + 喇叭有呢個玩法有無或支唔支援 Dolby atmos、DTS:X 呢類技術？
因為想電腦做曬聽 ...

1) 市面上絕大部分嘅USB DAC，都係針對兩聲道音響市場，所以絕少聽聞支援多聲道制式解碼
2) 視乎你個環境、偏好聽音樂定係睇電影而考慮喇，偏重音樂聆聽，點係一對揚聲器比較好，否則先考慮Soundbar。但係，你預算係三萬以下，環境亦唔大的話，玩一對揚聲器比起soundbar，前者平均分通常都會高啲

小瑟

【音響教學】兩聲道入門 第三課：MQA 與 5G

來到第三課，主題依然環繞數碼音樂串流。在硬件配套與音樂串流服務之反，現在準備為大家聊一下兩個近年的熱門話題，分別是 MQA 編碼，以及 5G 無線網絡會否影響到大家的無線音樂串流體驗？以下就嘗試拋磚引玉，歡迎大家對此發表見解。

教學詳文 : https://post76.hk/news/2021/03/hifi-basic-streaming-3/

DickyKWONG@G

如果覺得SOUNDBAR 聽音樂唔係咁好，想簡單啲買LSX 或者同價錢有冇其它選擇?
音源係NAS 既FLAC OR CD。