Shure AONIC 3, 4, 5 ,50 試玩平台: 任試計劃 (第八季)

oocircusoo

我想試 Shure AONIC 50

光與曝光

我想試 Shure AONIC 3 或 4 或 5
麻煩76麻煩安排

CrisWong@FB

我想試 Shure Aonic 4, 5!!!
手上有FXA7   1695TI  SE215 SOLARIS  可以做對比

ltho3k

CrisWong@FB 發表於 2020-6-17 17:42
我想試 Shure Aonic 4, 5!!!
手上有FXA7   1695TI  SE215 SOLARIS  可以做對比

Want to try AONIC 4 or 5

ltho3k

幾時有结果？

影音小編輯

多謝各位師兄嘅積極參與，今次嘅試玩活動現已滿額
期待有份參與嘅各位師兄嘅試聽報告~

影音小編輯

多謝咁多位師兄參與今次嘅Shure Aonic試玩活動，提一聲Shure會於7月15日 (或所有報告出街後) 選出一份最有心嘅報告，
優勝者會得到一隻全新嘅Aonic 4耳機(顏色待定)**，大家要把握機會呀～！😇




（** Qool International Ltd.以及Arthur Studio保留比賽結果以及參賽資格的最終決定權)

rlmfung

終於試完還給Post76了, 多謝代理商及Post76借出 Shure Aonic 4 試聽, 首先外觀上都是Shure的特質, 很貼耳, 帶上很舒服, 第一感覺就是非常輕盈,一些壓迫感也沒有.

聲音方面是走清爽路線, 和以往的耳機比較有獨特的性格, 音場闊,bass雖然不是下潛很深但耐聽, 分析力當然沒有高階的耳機來得細緻, 但是配手機最適合不過, 跟機的耳機線屬於耐用粗壯型, 但有很好的設計能用iphone或android, 無論聽電話, 聽歌, 大細聲或跳歌均得心應手.

vs SE215: Aonic 4 有更好的低音及人聲
vs SE535: Aonic 4 雖然低音和整體密度有所不及, 但勝在音場闊一些, 亦很容易體驗不同的風格.
vs SE846: Aonic 4 當然沒有那麼澎湃的base, 但可以有更耐聽的感覺

再配合不同手機, 播放器及耳擴, Aonic 4 都很容易聽到那些設備的實力, 當然大啲力推得好啲, 但基本上用手機已足夠.

總的來說以其獨特性, 風格和性價比, 是一個非常不錯的選擇.

issachar

多謝 POST76 同 Shure 代理舉辦呢次試聽活動, 作為多年 SE846 用家, 一直都好期待 Shure 既新耳機呢!

而呢次活動借到最想試既 Aonic 50, 真係超開心! 所以拎到手既第一日我已經立即做左個 live streaming 黎個極速測試!



Aonic 50 外型簡潔, sytlish 而且唔誇張. 包裝已配備一個十分好用既 headphone case, 值得一讚! 但係配件方面祗有跟左一條 3.5mm 線, 如果有埋一條 4.4mm 的話就更完美喇! 耳機拎上手把玩一下, 造功唔馬虎, 有佢既線條感... 最緊要係戴上頭冇夾頭, 仲幾舒服...

開箱既即聽感大家可以睇返我條片, 而經過多日大概八十小時聆聽後, 聲音開始變得更甜美柔和入耳.

Aonic 50 係中性得黎有小小修飾, 對喜愛原汁原味既用家黎講會好0岩聽. 高音清晰, 人聲係埋身, 有 studio 感覺. 但對於一 D 鍾意炸機既 basshead 黎講, 低音部份就可能會覺得去得唔夠盡. Aonic 50 既低音比到你有下潛既感覺, 來得悅耳但唔兇湧澎拜.

簡單黎講, Aonic 50 唔著重調音, 盡量將音樂還原返比你, 但你亦唔會覺得過份清淡, 屬於耐聽型, 如果成日都會戴住既朋友就0岩哂喇.

跟住我再用 USB 線連駁去電腦聽歌, 感覺聲音係較淡, 但用軟件作 EQ 調整後, 就發揮到 USB 同 Aonic 50 單元既優點, 背景寧靜既同時充滿左音樂感... 但係比起直接用 3.5mm 線既時候音場冇咁結實. 同埋條 USB 線如果可以更長就好喇...

最後係無線方面, LDAC 同 aptX HD 確保左聲音既質素, 當然同有線比較都係會有距離, 但係方便程度完勝. 有時收工落樓想快 D 聽隻歌或者見到 POST76 YouTube channel 有新片出, 我戴上個頭就可以去片喇...   唔駛再0係個盒度搵條線出黎插呢.... 而且 iPhone 而家都冇左 3.5mm 插頭

以售價 $3878 呢個價錢, 如果一直未搵到合心水既 headphone, Aonic 50 咁全面既 spec 我覺得可以試試! 但係如果跟埋條 4.4 線, 我覺得會更加吸引!

Raycheung

今晚約左Paul哥還機，提早出個報告先
多謝post76聯同代理攪試聽試玩，可以比我地攞返屋企慢慢聽慢慢試
主要聽MOOV 流行曲為主，快撈間中聽下
由於第一次試動鐵冇比較，有幾隻動圈-圈鐵，所以報告都只係用三款耳機去比較
我係試玩Aonic 5，設備如下
「iPhone XS Max」
「lotoo paw s1」
「一條普通銅4.4線及一條普通銀4.4線」
「spinfit cp240 」
軟件「NePLAYER」「MOOV 24」
由於借返黎係全新開箱，耳綿、線都用返私伙野，唔想整污糟嘛
配帶感覺輕巧舒適冇壓力，適合長時間配戴
聽感上我覺得Aonic 5 所以野都好清晰，每樣樂器都清清楚楚，開聲第一個感覺係爽朗率直，比喻下圈/圈鐵聽第一首王菲：多得他，圈/圈鐵成熟版，Aonic 5 爽朗版
三頻我又唔多識講不過都要隨便講下嘅，哈哈

高頻：亮麗清脆唔吉耳、延伸唔錯

人聲：爽快，不肥不膩

低頻：鼓聲紮實有力有彈跳感，有量唔誇張

耳機播放定位準分析能力好，感覺到樂器遠近，有某D歌曲錄音環境係大會堂、演奏廳之類，能夠聽得出聲音迴盪

其他：某類樂器會清楚咁聽到泛音、共嗚音

我冇換導管只試完裝，因為每日時間有限！
高中低銜接位都好好，個人覺得高音比較出色，超高音、假音、氣音各樣都聽得好舒服，歌手唱歌時高低音調、感情、咀型都好清楚交代到，透明度高，以上都係Aonic 5比我嘅感覺

Judas 「落腳地」開始時果件樂器我就聽到一種疑似共嗚音嘅音效，之前D耳機聽唔到

周慧敏 「如果你知我苦衷」 清楚聽到聲音起空間迴盪，直頭感覺到少女內心果種空虛寂寞孤獨無助⋯哈哈

麥浚龍 「弱水三千」曲中大量氣音、假音、高音樂器，各種高低銜接都好順滑，聽得好舒服

以上幾首歌只係我覺得聽落比較特別，可惜只有Aonic 5 如果可以同Aonic 4 一齊試就完美

仲有一樣，耳機隔音都好正，配合cp 240 抽油煙機開到最大企起側邊係接近聽唔到抽油煙機聲

以上純粹個人聽感，可能有D用詞不當，我諗心水清嘅你地會明白我講緊乜嘅^ ^