想講下今時今日入場睇戲觀眾既轉變...

chandy

除非包場，好大機會撞到呢d嘢， 不如自己屋企整套好少少好過！

rl0497

就係多得哩類人，令我某程度上真係大幅減少入戲院嘅次數，我而家係篩到啲片真係好想喺戲院先賭為快先真係會入場，否則我真係唔會浪費時間入場去嬲哩類所謂「觀眾」。我發覺哩類人一般對眼應該都係生喺口入面嘅，唔開開合合個口佢地睇唔到戲。之前喺康怡睇Shazam坐我隔離嘅一對𡃁仔𡃁妹，大約十幾歲嗰隻，一路睇一路傾劇情，我望佢地，佢地係無視嘅。早個幾兩個星期睇星戰，我朋友隔多幾個位嘅阿叔阿嬸又係喺度講嘢，尚幸佢地坐得較遠，否則真係想打人。至於嗰啲黑暗戲院中突然拎個電話出嚟出太陽拳嘅亦遇過唔少，好好彩嘅係一般到我想出聲嘅時候啲人會袋返埋個電話，我覺得而家嘅人公民意識薄弱係主因，自我中心，乜嘢都以自己嘅諗法行先而唔多會諗人地先會搞到咁。我自己曾經到過外地嘅戲院睇戲，人家全場真係唔會有人出聲，亦冇人會拎電話出嚟睇，睇完套戲好睇仲要全場鼓掌，走嘅時候仲要唔會留低嘢喺個位，你睇香港啲戲院散場往往啲位又留啲爆谷汽水杯之類，好彩啲嘅話仲要一地都係爆谷搞到個地黐立立添。
就個人經驗，其實我去過中環IFC睇戲，去中環嘅英皇戲院，都真係好少遇過嗰類「觀眾」，唔係話完全冇，不過相對地少好勁多；另外去睇咁多次IMAX嘅經驗，都係相對地大幅少哩類「觀眾」入場嘅，好初步嘅分析係，票價高啲嘅話，真係會篩走咗啲嗰類「觀眾」嘅，或者日後你可以試吓去哩啲區，又或者俾啲耐性，等出碟或者串流平台有得睇，其實而家好多戲都係三至四個月後啲串流平台會推出又或者會有碟，倒不如花少少錢喺屋企set一套音響去享受好過，因為你控制唔到人地，唯一可控制嘅就係你自己。

cryo

睇戲仲會玩手機同小朋友嘈都算見慣左，但早幾日睇cats早場遇到件C9先攞命，玩手機不特只，仲不只一次開手機燈照袋抄野，佢同行家人亦無啲common sense唔阻止佢，搞到我要㗩佢先識熄燈，佢又未睇完全套戲已經先走咗，妳咁樣真係為乜入場呢？

gashapon

我始終覺得入場禮貌/ 安靜是基本野, 同埋就算自己家整到戲院一樣都無用, 因好多電影都係一上映就去睇.

其實我唔介意開場前講下野, 但電影一開始就應該顧及全場人的感受了. 我有次腸harry porter都係, 後面有個女仔不斷咁講跟住會發生d咩, 最後我轉身好大聲咁講"俾個咪你講好唔好?" 佢先唔講.

其實講來講去都係4個字"將心比己", 自己問心如果有人煩住都唔好受, 所以都唔應該做d野出來是影響到人的. 我自己好彩唔係成日撞到, 不過如果真係太影響我會搵工作人員去處理.

kl122002

你地講的問題, 點會未遇過?

以前仲有煙味, 燒魷魚味,  成地庶渣, 坐位上有用過的竹籤, 香口膠...
近年最多都是爆谷,  空的水樽
試過同行朋友真係火滾左, 全因為一個細路踢凳. 我要同朋友換位先得.
全是公德心和家教的問題, 如果上一代的人唔好,  下一代的都是有樣學樣.....

只是有時候我覺睇細路卡通片, 我唔諗太多, 因為一旦諗就真係會心煩.

地方和時間都是變關鍵. 我好怕去九龍區猶其MK, 以及大屋邨的地方睇戲.
MK的人太雜. 家庭式的屋邨戲院真是有人當果度係佢地的屋企一部份....我都唔知請乜好.
中環是好一點, 老銅近維園的3家都是睇時間. 我自己寧願睇早場之後, 中午之前, 約10:30至1100的場次, 那個是最少人.

Hon

gashapon 發表於 2019-12-31 08:51
我始終覺得入場禮貌/ 安靜是基本野, 同埋就算自己家整到戲院一樣都無用, 因好多電影都係一上映就去睇.

其 ...

依家D人識鬼"將心比己"... 唉.

Hon

cryo 發表於 2019-12-30 23:58
睇戲仲會玩手機同小朋友嘈都算見慣左，但早幾日睇cats早場遇到件C9先攞命，玩手機不特只，仲不只一次開手機 ...

今時今日超多呢D人, 我睇早場幾次都試過聽到有人瞓覺勁大鼻鼾聲添呀...

Hon

chandy 發表於 2019-12-30 18:03
除非包場，好大機會撞到呢d嘢， 不如自己屋企整套好少少好過！

去戲院睇戲同响屋企睇戲係兩種不同享受黎既...

Hon

gashapon 發表於 2019-12-30 08:56
我自己都好怕撞到d"傻人", 試過一次睇戲成班o靚仔(應該都是小學生不過懶係要突出自己, 講粗口扮大人那種)  ...

未見過大蛇疴尿就係咁解...

依家既人去戲院睇戲, 唔好話小朋友至咁做, 好多大人都會, 但嘈呢下野真係好乞人憎...

kk1999

屯門gv
可能戲院早場特價老人飛太底睇太平,Ｄ老人家買即場飛入場如去Ｍ記般談笑涼冷氣.
上次在開畫第一日早場睇霸氣升呢,
開場後眾老人:哈哈西片來...大隻老上次Ｘ戲果個.....個女仔...

公平Ｄ,其他青年都平常地發出食野玩袋聲,和傷風帶有液體的鼻聲.

讚下先, 開畫首影第一晚睇星戰, 可能全場星戰迷,個個好乖100分.