想講下今時今日入場睇戲觀眾既轉變...

Hon

(純粹想講下睇戲觀眾面面觀ONLY, 絕無政治成份)

唔知道大家對入場睇戲既觀眾有咩感覺呢? 我自從突然間鍾意左入場睇戲後, 覺得觀眾呢樣野真係區區同時段都不同, 起初都覺得還好, 但慢慢地真係好攞命...!
又唔知幾時開始慣左睇早場, 最主要原因除左平之餘, 某程度上都係想避開部份奇型怪狀觀眾

可惜....
就好似今朝响MK睇FROZEN 2, 我唔敢講好睇定唔好睇, 因為呢D野真係各有喜愛既, 只可以以影評方法講出黎會好D(應該好多CHING都講晒架LA).
咁呢類戲種一定有小朋友欣賞既, 而睇咁耐呢類戲種都慣左佢地開心咁笑或無端端大叫一聲, 咁都好正常還接受到, 可惜坐我隔離位既兩公婆真係極品!!!!

做左都無半套. 首先個男仕無啦啦拎個光到爆既電話出黎睇MESSAGE, 我都明某D場口係有點兒悶悶地, 但佢咁做真係好影響大家, 我坐隔離就仲弊, 我已經用手擋左陣佢D光咁睇落去, 見佢都收收埋埋咁玩就算LA, 過左陣就收埋部機, 咁... 算數LA, 諗住佢醒水之際, 突然佢同老婆傾計, 細細聲都還好, 可惜就連同場既小朋友都無出聲就得佢地把聲好響亮, 過一陣收左聲, 咁... 唉, 都算LA...

套戲做到中段多D, 佢地又黎同一招, 查實我真係好怼得, 咳左兩聲諗住佢醒目, 可惜今次仲要2個都一齊玩手機, 仲要傾計又玩又傾計...

大哥大姐呀... 你地悶或者唔啱睇我真係寧願你瞓覺好過, 咪鬼嘈住我啦, 唔該...
可惜, 佢地就咁樣做而去到套戲片尾...

等出彩蛋時我都不斷咁諗... 其實係依家入場睇戲既人對電影只當係一種熱潮而去睇下, 還是一種話題性而去睇, 亦定還是香港社會對電影真係已經到左末日呢???
靠呢類人所教導既下一代真係啞口無言...

如果大家都有同類感覺我都想大家拎黎討論或發洩下

jaffeinism

好無奈, 多左好多"好吾專心睇戲"既人, 尤其是個的手機"粗口字", 講真, 如果真係甘忙, 吾好入戲院睇啦

jaffeinism

FROZEN 2 呢的細路戲, 儘可能睇夜場, 起碼避左班細路先, 手機"粗路字"呢家野真係佛系, 你自己扯火同佢嘈, 又搞到自己都無曬MOOD, 真係幾無奈

vincent369

只能奉勸師兄，想安靜D睇戲，要先選好地區..當然有時都唔可以話一定..

haha161

同一現象都會出現係d長者身上，佢地更加唔識睇戲嘅禮儀，

當咗係屋企睇 愛X家 咁，

最頂唔順佢地一路睇，一路用把口重覆螢光幕上發生嘅事

"嘩，佢打人呀⋯⋯佢唔走開嘅⋯⋯嘩，佢點解唔咁咁咁⋯⋯

遇著dd人真係無命

唯有用票價 篩走部分 d 類觀眾  

Hon

vincent369 發表於 2019-12-29 22:55
只能奉勸師兄，想安靜D睇戲，要先選好地區..當然有時都唔可以話一定..

其實我試過好多區架LA, 我可以好肯定咁講, 到現時為止區區都有相類近問題發生
本來最初睇開嗰區好地地都會突然間變成咁, 所以當今朝遇到呢個問題後我都真係死死地心...

Hon

jaffeinism 發表於 2019-12-29 22:38
好無奈, 多左好多"好吾專心睇戲"既人, 尤其是個的手機"粗口字", 講真, 如果真係甘忙, 吾好入戲院睇啦
...

唔好話佢忙咁簡單, 我反而感覺得原來自己一出街就玩手機都唔叫大瘾, 呢類人可以連俾左錢去睇戲都仲掛住玩手機至叫上瘾兼上腦, 如果有朝一日嚴格到入場人仕要放低手機响門口至可以入場旳話, 相信佢地會到時睇戲會好似道友咁款... HAHA

Hon

haha161 發表於 2019-12-29 23:35
同一現象都會出現係d長者身上，佢地更加唔識睇戲嘅禮儀，

當咗係屋企睇 愛X家 咁，

呢樣野唔好話長者, 家陣好多人入場睇戲佢地當左自己响屋企睇碟咁架, 完全唔會分開兩者既不同, 一路睇一路講劇情, 隔離嗰個仲要答佢點點點, 嗱... 佢唔應該咁樣LA
睇套戲都要俾人考你EQ, 攞命.

Hon

jaffeinism 發表於 2019-12-29 22:41
FROZEN 2 呢的細路戲, 儘可能睇夜場, 起碼避左班細路先, 手機"粗路字"呢家野真係佛系, 你自己扯火同佢嘈,  ...

所以套戲上畫咁耐我今朝至睇就係咁解...

其實小朋友反而叫好左D, 以前就恐怖到陪睇班家長係完全唔理個仔/女出聲, 任佢叫, 任佢嘈, 依家會帶佢地出去或者"殊"佢地, 咁真係有家教左...

gashapon

我自己都好怕撞到d"傻人", 試過一次睇戲成班o靚仔(應該都是小學生不過懶係要突出自己, 講粗口扮大人那種) 坐我同老婆後排, 放廣告trailer時我都由佢地嘈, 但開了場仲不停講, 我都避開佢地坐第2度都仲係聽到佢地把聲, 最後我出o左去叫工作人員處理.

我都試過帶個仔睇frozen 2, 不過就專登揀d"親子"戲院, 因為如果多家長在戲院至少無咁怕個仔嘈到人吧.  始終個仔第一次去睇戲唔知佢有咩反應, 但都有帶好多糖比佢, 等佢食唔好嘈人XD

最記得都係2000年左右(等緊成績表睇下入唔入到U) 在九龍塘AMC睇戲(忘了什麼名, 只記得是日本電影有金城武, 講銀行打劫的), 成場戲不斷聽到後排好大的笑聲, 望返原來是某大台的皇牌阿姐(現在只過世) 個女同佢班fd不停地嘈....(唔怪得d笑聲咁熟), 當時成係想行上去叫佢shut up哈哈 XD