《Terminator Dark Fate 未來戰士: 黑暗命運》簡單影評

gashapon

小弟一直都是未來戰士的fans, 記得當年是睇T2先, 之後才睇返T1. 老實說情意結之下, 都真係好難有另一套電影會比佢地好. 我自己講真對於其他後作都是ok的, 當是"外傳"又好, "平行世界故事"又好, 總之有續集就會睇. (當然我對Terminator Genisys感覺是麻麻, 主要是故事情節太唔合理).

我睇完今集的感覺都是好的, 是享受的. 有少少似見返老朋友的感覺. 故事上其實頭5分鐘是嚇了我一跳的, 但一路睇到離場再細心想, 又覺得合理(留待下個post才劇透), 雖說是"dark fate", 不過正如T2的sarah說"there is no fate but what we made", 代表未來始終是有希望的, 最重要是當事人的想法 (可以等死, 也可以反抗). 當然在劇情上都有少少bug, 同埋rev-9有幾個"叉燒" (chance) 但又無殺死佢目標等.

整體來說, 我認為是sarah故事的一個完結, 但也是新系列的一個開始, 如果要俾分我會俾75~80分.

gashapon

以下內容會有劇透, 請反白:

如上面說, 一開始有個"驚喜位", 就係john最終都係被terminator殺死了, 因此sarah的人生也變得絕望, 就好似無o左目的咁. 我當時第一個反應係"吓!咁就死o左?", 其一是因為等了28年, john就咁一槍就被射死了, 連一句對白都無...好似好兒戲地"歡送"一位"資深演員", 其二是之前都有聽聞今集的女仔Dani是"第2代的救世主", 所以都知john的重要性未必好大. 但始終是"救世主", 就咁就死了, 是否代表其實佢的生死根本不重要, 就算死了自然又有另一個取代佢位置? (即T1,2保護佢根本是多餘?)
不過回家時都有細心想, 加上同d朋友討論了一下(大家都是fans), 大家都同意, 就係T2時sarah真的改變了歷史而令到未來世界是沒有skynet. 沒有skynet  --> 沒有judgement day, 代表john生死已不重要了. 至於點解skynet消失了卻依然有terminator追殺john?我認為可以借用avengers endgame hulk講的"time travel"的定義, 就係kyle, T- 800來到現在, 都只是產生一個新的時間線, 因為對佢地來說, 未來是佢地已經歷過的"過去". 再說skynet可以在未來同時送幾個terminator回到不同的過去, 送佢地回去即一個時間是已發生的, 所以就算sarah在95年消滅了skynet, 但都唔會好似back to the future咁部T-800無啦啦消失. 既然john在新的timeline只是普通人, 因此也不怕版殺死了.


雖然skynet雖然已不會出現, 但人始終需要科技, 另一個skynet出現是遲早的事, 因此最終變成了Legends.


可能是情意結問題, 我始終是喜歡舊的T-800多d. 新的rev-9雖說都幾型不過我覺得少少"多餘", 即係好多時無啦啦要分身, 但又要合體先肯殺女dani等等. 不過都留意到如果分了身, 只得塊皮的那邊受傷時真係會嚴重d.


阿諾今次都係T-800 (就係成功殺死john的那位), by the wat明明是用作"暗殺"做咩次次殺john都係同一個外表嫁XD
佢都話完成了任務之後, 由於無新的任務, 某程度是令佢自由了. (當時有想起agent smith想殺死neo的原因是因為想自由) 因此反而變得同人類差不多. 某程度來說都幾諷刺. 不過有個伏線是未來的人是知道有carl(阿諾)的存在, 仲有埋個座標, 即係未來的世界可能阿諾還是生存甚至在幫人類? 阿諾講了句" i won't be back", 是否代表今次是最後一次做T-800? (因為skynet已死, 除非仲有T-800未出現, 否則再有T-800的可能性已不大, 就算有未來戰士也是rev-9那種)


故事來說, 對sarah來說是一個終結, 但對grace只是一個開始, 新的judgement day是否還是會來臨? 同埋我覺得下集可以講多d人同AI的矛盾/長短等. 因為明顯地AI都可以演變成同人一樣有感情, 甚至超越人的感情, 而不是一味只會"我要殺死所有人類"才是AI. (感覺有少少matrix 同westworld的方向). 個人來說, 其實一直希望多d"judegement day之後"的事, 唔好一味只係"未來人回到過去"的情節. 如果是真的避免不了, 倒不如痛痛快快地打一場好過啦~~


最後就係唔知是否刻意將救世主同"救救世主" (救個救世主的人)都用女性角色(女主角甚至是南美人). 所以與其說dani 同grace是朋友, 不如再去盡d, 說大家未來是戀人, 因受重傷接受了強化, 於是派佢回去保護年輕的dani更好. (咁就更加顯出grace真心可以去為dani而死.


完

Hugo Fok

Linda Hamilton 做得非常非常好，另外 T800 個角色設定雖然令懸念跌 watt ，搞到“解謎”位反高潮
但整體來講都對得住個系列有餘。呢集 Tim Miller 拍得好有 Heart , 一定要入場

gashapon

Hugo Fok 發表於 2019-10-31 21:35
Linda Hamilton 做得非常非常好，另外 T800 個角色設定雖然令懸念跌 watt ，搞到“解謎”位反高潮 ...

Linda Hamilton真的做得很好, 反而阿諾比較少d機會發揮. 但我覺得rev-9都唔錯, 可能是個樣問題, 有時見到佢真係有少少寒XD

同埋點解skynet次次殺john都派阿諾個樣的T-800, 就如agent 47一見光頭同barcode就知道佢係殺手一樣, 反而好似T-1000, rev-9可以變樣就真係出奇不意呢~

Hugo Fok

Rev-9 個角色係預告到睇真係一 D 都唔吸引，但正片發揮真係可畀佢 120 分，做到笑笑口但突然捅你一刀個種心寒感... 同當年 T1000 不相伯仲...  至於 Grace 同 Dany 一對患難姊妹都做到好好，好打動到人，而首次做動作片既 Mackenzie Davis 係動作場面上都做到個種火藥味...最後 Linda Hamilton 角色再進化，歷時三十五年，由 T1 既獵物角色進化到 T6 既獵人角色...真係睇到嘩一聲... 當然 Sarah VS Grace / Sarah VS T800 個種敵我對立都用得其所，為 Sarah 既心境做左充分補完... 坦白講，我覺得 T800 或 Arnold 係今集個出場真係可有可無，難聽 D 講係敗筆位...令故事前半/後半部分既氣氛 Match 唔到...  但整體來講，呢集 Tim Miller 係劇本、動作戲碼鋪排同故事節奏上都掌握得好好... 睇得出係”真粉絲”出品，同過去三部“僞粉絲”添食作有强烈分別...整體我都覺得有驚喜... 好大機會都會入場再睇多次...

Hugo Fok

gashapon 發表於 2019-10-31 23:51
Linda Hamilton真的做得很好, 反而阿諾比較少d機會發揮. 但我覺得rev-9都唔錯, 可能是個樣問題, 有時見到 ...

點解skynet次次殺john都派阿諾個樣的T-800   <- 呢部分 T3 用左好一段對白交代過...  因天網知道 John 經歷 T2 事件後對 T800 呢個 Arnold 造型有特別感情（父子情深 ），所以特別容易落手... 不過 T3 個設定係發生係天網崛起之後，但 T6 就將時間軸推前左近二十幾年... 呢堆 IDEA 其實之前翻用過好幾次...但對劇情或個系列發展無特別幫助... 但呢次真係用得其所...為 Sarah 心境起了補完作用...

gashapon

Hugo Fok 發表於 2019-11-1 11:02
點解skynet次次殺john都派阿諾個樣的T-800

其實呢個我都知, 不過就其怪咁會好易認, 同埋原來skynet係無預過會成功, 因為mission complete之後竟然無講埋下一步點做

gashapon

Hugo Fok 發表於 2019-11-1 10:51
Rev-9 個角色係預告到睇真係一 D 都唔吸引，但正片發揮真係可畀佢 120 分，做到笑笑口但突然捅你一刀個種心 ...

其實一出造型時我覺得grace, dani同rev-9都流流地, 不過電影內rev-9都真係幾得人驚, 加上佢有埋"表情"唔係扮呆. 一笑其實代表預備殺死你....我都同朋友講阿諾今集無咩發揮, 同埋細心想想, 佢都要轉型, 由T-800冷血機械人變成了有人性的"人類", 只是掛名做T-800. grace本身強化了都已經好勁 (可以同rev-9 1on1)


我見電影好多細節都用心, 好似grace同dani講佢好重要唔可以死, 就正正是當年sarah同john講的一樣. 變成sarah是以第3身的角度去睇返佢以前的事.  


1on1)


我見電影好多細節都用心, 好似grace同dani講佢好重要唔可以死, 就正正是當年sarah同john講的一樣. 變成sarah是以第3身的角度去睇返佢以前的事.  


我其實一直希望可以講多d judgement day之後的事, 可惜salavation唔收得, 變成loop來loop去都日係"現代".

Hugo Fok

今集最搞笑係 Linda Hamilton 係電影中後段明諷今集劇本係大橋上其實“揸流灘”... 將 John Connor 個概念又重新包裝一次...不過好在係出自  最有分量既 Linda Hamilton 之口，且係搶先係觀衆開始知唔對路前自我篤爆.. 換來一個唔錯既喜劇位... 呢方面 Tim Miller x Ryan Reynold 之前套《DEADPOOL》都用過類似手法...但 T6 就處理得比較低調，總算畀佢地成功過骨   另外，比較有心思係今集佢地 D 交通工具都係向 T1-T2 時代車款致敬，相當有心思...

Hugo Fok

gashapon 發表於 2019-11-1 11:35
其實呢個我都知, 不過就其怪咁會好易認, 同埋原來skynet係無預過會成功, 因為mission complete之後竟然無 ...

學 Deadpool 話齋，揸流灘啦... Arnold 跟本無心做返 T1-3 個種 T800 形象，重新將《轟天猛將》硬 Plug 落 T5-T6 到... 問心續集繼續用 Linda 條故事綫延續會有更多睇頭... John Connor 同 Kyle Reese 重來都唔係一個令人好有共鳴感既角色... 除非揾到 Michael Biehn 歸位又另計...