修理LG行貨OLED真係一肚火！

terry8211987

X，真係一肚火！
買咗部行貨LG OLED55C7P，用咗一年就有一條白色線喺Panel左面。應該要換Panel!
本身住離島諗住叫師傅入嚟檢查修理，離島地區保修期內另外收費都算。
點知師傅都覆返，哩啲情況，佢地係無得安排收機返廠服務，收費入嚟都只能檢查部機壞啲乜，又無辦法帶塊新Panel現場換。如果要返廠就自己送部電視到中環交收。
Ok，我都重忍到，自己選擇住離島而無運輸服務，唔係LG嘅錯。
但LG提供一個「代用盒」，幫我包返好部壞機，比我自己送佢到中環，咁我都唔過份吓ma？！佢地話無哩個服務！
「代用盒」只會係市區運輸部職員自行安排幫客包機，離島係要客人自己搵包裝盒、自己包好、自己運到中環的呢！
有無搞錯呀，連一個盒都比唔到我！咁我點運比你班大帝呀？無盒就咁運去中環一定死硬！
LG你都好意思呀保修期內另收錢去離島修理？！咁我買你行貨吧鬼呀？個保養服務乜都做唔到！客人買水貨平一大份，壞咗買過另一部水貨無咁嬲！

新丁

所以我買嘢一向要考慮埋代理,費事有起事來一肚氣

man1973

呢部机真係。。中伏

bbmimiling

小弟保養期内，共整了三次，最後一個月，共整了二次，還願意换了两次新panel 给我。可能我住市區。

bbmimiling

客服和维修人員都很有禮貌。申利，一般用家，与L G原全没有關係。以後唔買L G都与本人無關，不喜勿插。

bbmimiling

C兄，話時話，好多時運輸到離岛都要额外收費。如果没有例明，相信可向海關或消委會投訴。小弟試過电话在保養期内收費，消委會願意代為与廠商商討的。

wallacelui

LG呢個牌子買一次就好，我部係55吋led電視舊年八月買，今年4月就壞左，師傅上來檢查，話要訂零件，大約要一星期，零件返左先收機去整。跟住打上去cs.同佢講，屋企有老人家同小朋友，有沒有電視機借，cs 話佢地沒有咁嘅服務。過左大約十日，維修師傅仲問我整左未（上黎檢查時留落聯絡電話）。cs 仲未聯絡我收機。我打上去cs（另一個女仔）零件呢兩日就到，跟住約時間收電視機去維修。咁我再問佢借機事，佢話有，可以借一部32吋電視機。不過全部借曬出去，要等，日子不能定有機會係一兩日或一兩星期。如果堅持借機就要等到有電視機借先上黎收部壞電視機去整，cs係女仔非常死板，話要跟守則去做。諗住仲有四五日算數，唔借電視機。收左機大約四日，打上去cs 問整好未？佢竟然話訂錯左零件，要等多一星期。真係吹賬。等多一星期上午再打上去cs.問佢整好電視機未，cs夠膽死，俾左個維修部電話號碼，要我自己打去問。嘈完一輪。下午先回覆，已經整好左。要等多兩日先安排到運輸車，筋疲力盡，唔想再嘈。由壞到整好足足一個月，對呢個牌子心已死。都算係一個大牌子，咁樣售後服務真係失望。我以後一定唔會再買LG 任何產品。我宜家求神拜佛等過左保養期先壞，俾我有機會換機

terry8211987

bbmimiling 發表於 2019-7-3 22:58
C兄，話時話，好多時運輸到離岛都要额外收費。如果没有例明，相信可向海關或消委會投訴。小弟試過电话在保 ...

其實住離島嘅人，都預咗額外收費的。
只係額外比錢之後，都係乜都做唔到！連到客人家中包裝返好一部佢哋本身要負責維修嘅機都唔得（運都唔駛佢地運），咁點講都無道理吓ma？

terry8211987

bbmimiling 發表於 2019-7-3 22:51
小弟保養期内，共整了三次，最後一個月，共整了二次，還願意换了两次新panel 给我。可能我住市區。 ...

Panel佢地無話唔換，只係連部機LG都唔幫你包裝返，客人想自己運都運唔到返廠，換鬼換馬咩

allen89

s記 保養，離島區一樣要客自己負責運輸壞機，如果購入時任何代理或供應商保養條款列明，咁買賣雙方有責任跟返條款先叫岩和合理，合約精神。樓主欲單方面更改離島保養運輸服務條款，起碼也要得到雙方"同意"先可更改動，就算不配合也只是遵循保養條款，同間公司服務態度冇關。
https://www.sony.com.hk/service/tandc/zh/index.do?method=terms