《Avengers End Game 終局之戰》睇後感 (劇透post在post #2)

gashapon

等了一年的avengers最終回End Game終於上影了, 好彩都買到飛睇. 真心地說, 今集絕對值得看. 呢個post(盡量)唔會講任何劇透, 留返下一個comment才說.

我自己覺得呢集可以當成上下集咁睇(不過一次過地播), 主要是講上集thanos消滅了宇宙一半人口之後所發生的事. 上半部份主要是"交待"加"搞笑" (商業計算得十分準)
下半部就係打鬥場面為主. 最後的結局也十分感人, 成套電影內容好豐富, 3個小時過得好快, 絕對無悶場.當然尾段有d部份我係覺得好怪, 同太造作的, 但一講就劇透了. 另外少不免因為太多角色出場, 變成有d其實都可有可無咁.

今集都花了唔少時間去講每一位主要的角色, 有d會利用之前的電影去"致敬", 同埋有d位係向漫畫借鏡.


最後講少少唔算劇透的劇透:

好多時, 你會忍唔住大笑
有幾幕, 你會睇到眼濕濕
有幾幕, 你會睇到腎上線上升
有幾幕, 你又會好想大叫出來

gashapon

好, 第2個留言由於比較多"劇情"的分享所以一定會有劇透, 所以文字反了白, 等唔想睇的人可以唔睇~

ps: 由於只是憑記憶去寫, 右上睇完電影都仲有d high, 所以都怕寫錯, 如有請不要見怪

故事一開始都幾快, 我自己覺得如果耐少少會更好. 我指的是tony上一分鐘先講自己架船咩都無就快死,下一分鐘已經俾人救返. 同埋thanos一開場無耐就死o左, 反而更令我相信會有"time travel"

thor又係變o左搞笑角色....其實我幾討厭thor 3 個style, 至少頂唔順雷神會怕電(個可以電到佢郁唔到的粒"野").

之前"time travel"去拎石某幾幕都幾好笑, captain自己打返自己 XD 同埋對應返CA2, 在lift內同成班人打招呼, 以為用同一招打低佢地, 點知一句"hail hydra"就搞掂 XD   

之後tony見返自己老豆同"jarvis", 自己也是近幾年才成為父親, 又真係好多野做了老豆才會知道.

不過去搵soul stone我就唔太明, 因為明明要捨棄"最愛", one soul for a soul才能得到, 咁都唔代表BW死就得, 否則上集thanos根本不用推自己個女落去, 是但推個手下都可以啦. 所以我覺得呢度少少夾硬來.

可能我對captain marvel呢個角色真係麻麻(基本上佢一開聲我都覺得佢好煩又唔肯聽人講咁), 所以未睇之前都擔心是否佢一個打晒, 還好都唔算太多出場機會.

最唔開心當然是有角色死了, BW死時都無咁大反應, 但tony死那幕我真係個心"那"住o左, 我仲聽到有人忍不住哭. 我之前仲估captain會死, 最後結局佢都係好開心, 同時又將"captain"交棒.

另外有一點是, 佢地用部機時都不斷提醒唔好改變歷史以免產生了"平行世界", 但timeline本身係thanos 取得6粒石, 打低佢地, 之後佢地才搵到呢個方法. 但佢地回到過去時又俾當時的2014年的thanos(仲未有石的他) 知道晒成個plan, 仲time travel去到2019年同佢地打, 咁咪成個timeline都被改變了? 即係2014年的thanos唔會收集石同打低avengers, 唔會o拍手指消滅一半人, 而直接去了2019?

仲有幕我覺得拍得十分造作的就係, 有幕是peter將手套交了比cap marvel後, 突然成堆女性角色(連pepper都有份)走了出來保護個手套, 我自己就認為是太sell"女權"了. (其實走的時候都聽到有個女士講呢幕好怪). 問心我是絕對尊重女性, 我都唔會覺得有什麼是男人做到而女人做不到的. 但我覺得男女本身就有分別, 不需要去刻意講平等. 換句話說, 成班女角最終都係保護唔到個手套, 咁唔通代表其實最終都係要依靠男人(tony)? 我當然知唔係咁想, 但拍成咁, 倒不如不拍好過. 再說其實CM一個人衝埋去就得, 又何需其他人?

最後係tony講自己死了之後點點點其實都幾傷心, 加埋cap變了阿伯, 但都明白一個演員無可能無限期去拍同一角色(始終人會老), 所以都明白需要"新隊員"去做avengers, 幾個舊成員算是完美離場了.

___________________________________________________________________________________________________________________________________________________________
劇透終結線

hohodog900

gashapon 發表於 2019-4-24 22:34
好, 第2個留言由於比較多"劇情"的分享所以一定會有劇透, 所以文字反了白, 等唔想睇的人可以唔睇~

ps: 由於 ...

我嘅理解：
戲內已講已發生咗嘅唔可以改變，就算殺咗Thanos BB都冇用，一樣會發生滅一半人喱件事，唯有搶番infinity stones，再拍多次手指，但stones已損毀，冇得再玩，唯有玩穿越，之後發生嘅事喺會不斷咁loop，好似Dr. Strange咁，直至又有人穿越改變。

jc2ssych

gashapon 發表於 2019-4-24 22:34
好, 第2個留言由於比較多"劇情"的分享所以一定會有劇透, 所以文字反了白, 等唔想睇的人可以唔睇~

ps: 由於 ...

我都將文字塗白了。分為引述和認為兩部份。


引述：

「不過去搵soul stone我就唔太明, 因為明明要捨棄"最愛", one soul for a soul才能得到, 咁都唔代表BW死就得, 否則上集thanos根本不用推自己個女落去, 是但推個手下都可以啦. 所以我覺得呢度少少夾硬來. 」

「另外有一點是, 佢地用部機時都不斷提醒唔好改變歷史以免產生了"平行世界", 但timeline本身係thanos 取得6粒石, 打低佢地, 之後佢地才搵到呢個方法. 但佢地回到過去時又俾當時的2014年的thanos(仲未有石的他) 知道晒成個plan, 仲time travel去到2019年同佢地打, 咁咪成個timeline都被改變了? 即係2014年的thanos唔會收集石同打低avengers, 唔會o拍手指消滅一半人, 而直接去了2019?」

小弟認為：

戲中不斷強調 Avengers 咁多年來就係一家人。而 <Avengers 1> 和 <英雄內戰>兩集都有交待鷹眼和BW係有幾知心既好友。鷹眼失去BW既痛楚, 不亞於 Thanos 失去 Gamora。

另外, 所有以 pym particles 穿越的動作都無可避免地造成平衡時空。唯有 Time Stone 才是唯一的「錄影機式」回到過去。根據 The Ancient One 向 Hulk 解釋, 如果借出六粒無限寶石俾另一個平衡時空的人使用而不歸還, 將會對本來呢個時空的將來不利。我估佢係承認, 儘管呢個時空無咗寶石, 即係 Thanos 將無法集齊六粒dak手指消滅一半人類, 但總會有另一啲問題出現, 所以都叮囑 Hulk 借用後務必要歸還。

而使用無限寶石, 其實純粹似許願。你用嗰陣心諗住要30億人化灰, 我用嗰陣心想30億人復活, 咁就掂了。只要你承受得起 Gamma Ray, 所以 Hulk / Thano 無事, Tony 便犧牲了。

gashapon

jc2ssych 發表於 2019-4-25 17:17
我都將文字塗白了。分為引述和認為兩部份。

請反白:

戲中不斷強調 Avengers 咁多年來就係一家人。而 <Avengers 1> 和 <英雄內戰>兩集都有交待鷹眼和BW係有幾知心既好友。鷹眼失去BW既痛楚, 不亞於 Thanos 失去 Gamora。

我的意思正正係咁, 如果只是因為"工作關係或出生入死"的感情, 我也是認為取代不了對至親至愛的"情", 因為AV3好強調不是純粹一命換一命, 有人死就得.所以thanos先至喊晒口推gamora落去.  我的意思是重點是"最愛", 不是"好好好好愛", 所以理論上鷹眼應該推佢老婆或個女才有效吧.
當然我都明白劇情上不能完美, 所以都係當戲咁睇啦~

不過講開又講, captain點樣還6粒石? (特別是soul stone), 因為死了就無得reverse, 唔通就咁俾返red skull就可以? (同埋係咪要一野吉落natalie portman個pat pat去"歸還粒石 XD)

eva0083hk

今日睇咗，雖然時光橋段總難自圓其說，但好多場面都好精彩！有幾多套戲會令到全場觀眾多次大叫？！
期望出碟有director's cut，補完到D問號啦！！！

kl122002

反白字:


我看了, 如樓主說, 起初覺不錯, 但隨時間一久, 回想一下就是有大量的疑問產生. 猶其時空穿越的地方, 很難自圓其說.
與其就是時空穿疏, 不如說是自己編造命運?

前1, 2, 3 都看過了. 1, 2的印象不差, 3 時我就知是拖劇本的東西
現在的4 .....原諒我這樣說吧, 3+4 好比是加長版荷式炒雜錦 : 愛+SF+ 搞笑 + 音效 + 史詩式等想賣座的元素能加的都加入去,
希望此 4 是真的完了一切 (連同個別英雄片系列) .

gashapon

kl122002 發表於 2019-4-26 03:09
反白字:

請反白:

其實睇完再思考我都想到好多問題, 不過老實說一講time travel就一定有bug, 最簡單的說法就是"回到過去殺死自己父親" (如果回到過去殺了自己父親, 自己又點出世, 如果出唔到世就更加無可能回到過去殺自己父親) 所以都用"聽故唔駁故"心態去睇啦. 如我回另一師兄的post都說, 事後點去還d石都已經好多問題了.

另外就係peter parker明明化了灰5年, 但far from home都係同一班同學, 咁係代表佢地全部都化了灰所以5年後讀同一班, 定係d同學咁慘留了班5年?

kl122002

gashapon 發表於 2019-4-26 11:24
請反白:

其實睇完再思考我都想到好多問題, 不過老實說一講time travel就一定有bug, 最簡單的說法就是"回 ...

請反白:


時光穿疏的片...我想真是寫得好真是不多,  十二猴子 ?
始終我對 4 是有種發得過大, 而收想盡量收齊所有的感覺.

jc2ssych

kl122002 發表於 2019-4-26 20:02
請反白:

講時光倒流的電影故事，大部份都偏向 butterfly effect 的哲學。

就像《butterfly effect》、《back to the future》、《terminators》等，都認為改變過去必會影響其相對的將來，承受令有點東西消失了或增生了的副作用。這理論強調時間是直線運作。

但 The Ancient One 的理論假設係不承認有 butterfly effect，只會有平衡時空/時間分枝。當返回過去一次，便需要起碼返回多一次來undo作出過的改動來刪減時間線分枝。而使用這種時間觀念哲學的故事的確較少。（因為劇本的可塑性大減）

而討論「時間」以外，再探討「時空」的，便只有《interstellar》。內裡的論述最接近當代科學。