有冇師兄用緊 ：中國移動~1000M 家居寬頻

xhatax

ww1338 發表於 2019-4-6 13:00
現香港寬頻客戶: 佢會提早三個月同你傾續約，價錢唔會平，由二百幾蚊你唔肯，講到百幾蚊100m(其間有4個sale ...

我就首先收到香港寬頻封 E貓 話就快約滿，甘我就打上去熱線度問問，我本身都係100M都要$260，家居寬頻+電話+my tv super.本身都想升1000M就問吓sales續約要幾錢？

佢就同我講要最平都要$270 ，1000M家居寬頻+電話+my tv super。我話淨要1000M家居寬頻，佢又話唔得！啱啱跟住又收到中國移動~1000M 家居寬頻 訊息，先唸吓轉一轉。

$108，有1000M家居寬頻，講真我都一定會轉

ww1338

5月先開始用，所以不清楚好唔好，不過中移動都是租用香港寬頻線路，當返100M用，又有路油器送，條氣都順的。不過現在取消香港寬頻，佢地話唔收返個myTvsuper机頂盒， 叫我繼續用，又問我加唔加的收費台節目睇吓

galleryng

AskaLung@FB 發表於 2019-4-4 11:38
頭先啱啱去問過，唔係一定裝到1000M,原來要睇吓你住嗰度有冇缐hold俾你,佢頭先搭過我住嗰度而家暫時只有100 ...

OFCA可以睇到覆蓋同埋用緊FTTB定FTTH

https://app1.ofca.gov.hk/apps/ubs/map.asp

warmmjs

Ching I will not try smartome ,it was not stable

toms110

galleryng 發表於 2019-4-7 09:16
OFCA可以睇到覆蓋同埋用緊FTTB定FTTH

https://app1.ofca.gov.hk/apps/ubs/map.asp ...

無錯, 首要係清楚本身居住屋苑有否光纖覆蓋, 其次先問所考慮寬頻公司仲有無線位分出, 無就要留名排隊等

alan_wyl

ww1338 發表於 2019-4-7 01:13
5月先開始用，所以不清楚好唔好，不過中移動都是租用香港寬頻線路，當返100M用，又有路油器送，條氣都順的{ ...

真係唔好用HKBN，間嘢越來越唔老實，我早個半月裝咗條新線，個SALES話到時CUT條舊線，咁可以當續約，再退埋個MYTV SUPER就收我188一個月，點知我上星期打去話冇咁既時，CS同SALE扯晒貓尾話冇咁既時，口講無憑，叫我比証據，比唔到要CUT就罰兩年遺約金，我就硬食咗要未來兩年比兩百幾一個月。
最可惡係佢地而家用E FORM，唔似以前有份底單，可以REMARK嘢上去；

咁就比奸商呃咗

ww1338

alan_wyl 發表於 2019-4-8 11:57
真係唔好用HKBN，間嘢越來越唔老實，我早個半月裝咗條新線，個SALES話到時CUT條舊線，咁可以當續約，再退 ...

可能佢老細畀好多壓力嗰啲sales,所以啲sales就要亂咁開單
個机頂要好好保存，萬一香港寬頻反口或個别例子要收回都有得比佢

tempojai

你可以上網查下個覆蓋，而加有d屋苑$78.
仲見到有promo code 每個月平多$10..

https://www.telcocheck.com/blog/cmhk/

郭漢軍@FB

千祈唔好用中國移動家居寬頻，我之前用HKT的200m家居寬頻，而家轉咗呢間的1000m寬頻，果d師父上來安裝,人手接線,1000m上網速度唔會足得個950m咗右。裝咗個機頂盒咁的野,只是提供lan1槽比你用，其他槽用唔得，重部機熱到pk,想直接用來接電腦都唔得,要靠佢個計劃送的wifi路遊器的lan槽連電腦。但HKT的的果個盒全部lan槽都用得而移部機沒咁熱。中國移動呢間d網速話就話1000m但實際上連HKT的200m都不如,我用的之前用果間上網很順,睇片一流,成個進度條幾秒laod 到底，且5，6部設備連住用都係咁快，相反中國移為動,看影片的自動畫質會在中低,成日要人手調,進度條點load 下停下,慢到死，瀏覽網頁看新資訊拉下網頁睇睇,都要load，但HKT就一次過load哂整個網頁,事前我先講明我用的係用一部電腦用一個瀏覽器。而家我極後悔改用佢佢的服務,佢地中國移動門店一d都沒用,去到都只是叫我打維修部，打咗幾次，十幾分鐘到沒人聽，通咗我就同佢講果個盒只有land1用到，可唔可以叫師父上門睇睇,佢話要師父上埋要200鈫咗右,我就火起三丈，說我係上個月安裝，今月才啟用得一兩日重要我比錢，之後他話通常用lan1，我之後講上網速度好差，比起以前重慢咗,佢叫好去通訊管理局網站檢查下上網速度，之後佢cut咗我線,我說真我唔知個查網d野，佢話我有無去check網速，真係吹脹，之後check咗又打電話過去，接咗，唔聽，我真係想要拿把刀殺死d人,真係,之後去門市，又係要我打電話，唉。之後接果個人係龍的，講咗d野又唔撚當一回事，知果d野我用佢講咗知，之後佢果我講話我知唔知,我真係想核爆當時。我要求咗傳個盒，佢都要問返技術人員，要四日後先有人回我睇下點。千萬不要用中國移動，佢都只係租人地線架渣。不要貪平

hohodog900

郭漢軍@FB 發表於 2019-10-3 20:25
千祈唔好用中國移動家居寬頻，我之前用HKT的200m家居寬頻，而家轉咗呢間的1000m寬頻，果d師父上來安裝,人手 ...

手機網就間間差不多，平果間去果間。
但家居寬頻就一定HKT，貴啲都要比；之前貪平轉過兩間寬頻都喺瀨嘢收場，依家安安定定HKT……幾年了，相安無事。