淺談各品牌解碼器的技術特點

samuelt

關於升頻
升頻效果係好睇佢嘅揷值算法的。好多DAC都已經自帶升頻，如果輸入訊號已經係高頻版本，佢自帶嘅升頻就減少揷值量。HQ Player嘅揷值算法未必好過DAC自己嘅算法，如果你用HQ Player升頻而抑制DAC本身嘅升頻咪重差左。

jackt

關於 HQPlayer 軟件升頻或者 DAC 內置硬件 (或軟件) 升頻哪種較好？沒有一個固定答案！而且呢個問題好值得探討。

不論軟件或硬件升頻，其實方法都係一樣，就是一個數學程式，將原始訊號經過計算後，得出高幾倍嘅資訊數值，所以升頻好或唔好，好視乎該程式的運算效果。

HQPlayer 可視為外置運算器，而現代的解碼大部分有自己的升頻方法 (內置運算器)，而每種方法都會對應自己的D/A轉換方式，所以出嚟嘅結果部部機都不一樣。

當訊號經過外置升頻後，入到解碼器可能會出現再升頻，結果會影響到之前升頻嘅結果，簡單以 Tap 作比喻，假如 HQPlayer 以 1M tap 運作，而解碼內置升頻只得 256個 tap 的時候，咁原來得出好嘅升頻結果，又被差嘅升頻方式擾亂，結果可能仲差過唔用。答案很簡單，如果使用外置升頻，盡可能關了內置升頻，或使用沒有升頻功能的解碼。

如果想知道播 PCM/DSD 嘅效果哪個好！最好先從解碼器內的 D/A轉換開始了解。大部分現代D/A轉換都會使用 SDM (Sigma-Delta, single-bit or multi-bit) 方式，有部分會使用 R-2R (Ladder) 方式。一般用SDM解DSD效果較好，因為DSD本身就用SDM作紀錄，當解PCM嘅時候，要轉成SDM才可。而R2R方式只可以解PCM，當要解DSD就要轉回PCM，轉換出現嘅時候，失真可能會增加 (有些轉換做得好，有些轉換做得差)，這些情況可以解釋到，為何有些播DSD會好啲，那些播PCM又會好啲。

以你用過嘅解碼做例子，PS Audio 會升頻10倍DSD，之後再行 SDM Discrete D/A轉換，可能因為以升頻PCM為主，所以PCM好過DSD (DSD升頻DSD要行另一種方式)。
LKS以ESS芯片作升頻，PCM會先轉成SDM，而DSD不需要轉換，所以DSD會好過PCM。(其實咁樣解釋咗 點解依家DSD好似好過PCM的原因)
Audio GD R2R 以R2R為主，PCM係 Native，DSD要轉 先可以聽到，而這個轉換只用現成芯片完成，所以結果好明顯。
以小弟見解，PS Audio 可以不用外置升頻，LKS如果要用，可以全升DSD (即係無論PCM或DSD，都用 HQPlayer 升為DSD)，Audio GD可以全升PCM。

HQPlayer 有很多方法可以配合解碼，前提係每個 Upsample/Filter/Dither 嘅組合都要試淸楚，不過如果你喜歡解碼本身的特性，其實也不一定需要外置升頻。

168sum

samuelt 發表於 2019-1-12 18:59
關於升頻
升頻效果係好睇佢嘅揷值算法的。好多DAC都已經自帶升頻，如果輸入訊號已經係高頻版本，佢自帶嘅升 ...

明白, 謝謝你的解釋!

168sum

jackt 發表於 2019-1-12 22:22
關於 HQPlayer 軟件升頻或者 DAC 內置硬件 (或軟件) 升頻哪種較好？沒有一個固定答案！而且呢個問題好值得 ...

謝謝你肯花時間和打咁多字去回覆我的問題, 令我可以增長多啲係dac的知識, 萬分感激, 我會去消化一下, 謝謝你!

tcflex

jackt 發表於 2019-1-12 22:22
關於 HQPlayer 軟件升頻或者 DAC 內置硬件 (或軟件) 升頻哪種較好？沒有一個固定答案！而且呢個問題好值得 ...

師兄,我就係想知道唔同牌子,邊隻解pcm 好，邊隻解DSD 好，可否各位用家比意見
我用過 泉一，好似 pcm 好過 DSD, 朋友用 Teac 501, 解 DSD 好過 PCM, 另一個 朋友用 esoteric 05X, pcm 和 dsd 一樣好

又或者又有冇外置方向可以把解 DSD downstream to pcm ,可以好聲的 ，聪聞 dsc network bridge downsample to pcm 仍然好聲, 不知 dcs network bridge 用家如何

jackt

tcflex 發表於 2019-1-14 00:27
師兄,我就係想知道唔同牌子,邊隻解pcm 好，邊隻解DSD 好，可否各位用家比意見
我用過 泉一，好似 pcm 好 ...

簡單啲嚟講，經過越少轉換聲音越好，所以，如果用新型號解碼晶片，大多數情況 DSD 會好啲，因為晶片內部會轉成 SDM 輸出，而 R2R 大多數情況 PCM 會好啲。

如果用外置轉換器 (software 如 Roon、HQPlayer，streamer 如 Aries、Network Bridge)，要睇番用甚麼解碼，有的解 DSD 好啲，有的解 PCM 好啲，有些兩種都同樣好，要睇實際情況。
例如我有 MSB 解碼，播 DSD 或 PCM 同樣好聲，可能未必需要外置處理器，因為佢嘅內置 DSD轉PCM 做得好好，而 PCM 亦係佢強項。
又例如用 泉 解碼，用 NOS 播 DSD 和 PCM 都很好，但用外置處理器 (如 HQPlayer 升頻)，效果更理想，因為佢本身解 DSD 同 PCM 係分開的，亦即係所謂雙解碼，只不過佢內置升頻做得麻麻，所以外置會較理想。
又例如用 Oppo 205 USB 作解碼，播 DSD 或 PCM 分別不大，用外置處理器結果不明顯，所以也不需要花心思去升頻，因為事情好明顯，佢唔係一部專用嘅解碼，有這樣的結果好正常。

歡迎各師兄分享各解碼嘅優點缺點，而其他師兄可以互相參考一吓！

168sum

你好帥兄, 請教一下現時hq player版本己出到4系列, 我自己就仲用3系列版本, 仲係用緊試用版, 想比錢升級, 唔想成日都要30分鐘後又要重新開啟, 我發覺4版本介面比3版本簡弱好多, 對我黎講特別係playlist被簡化好多, 因為我係用電腦直接操控, 無用roon控制, 變成好唔方便, 想問下有無辦法將介面變成3介去控制, 另外音質上兩者有無差別呢?