Spiral Ear SE6; 1220 update CABLE PAIRING

helium

按照承諾，黎分享SE6聽感。正式公開前猶豫左好耐，一邊怕未仔細聽真隻耳機會誤導他人，另一邊又怕描述得唔到位令人難以理解。最後都係決定先以FIRST IMPRESSION發表一下感想，因為第一印象往往都係最真實同客觀。至於用詞描述方面，就等各為位指教了。正式談及聲音前，我會先講一下自己既BACKGROUD，等師兄們唔好對我對耳有太大既期望。

小弟其實已經退燒一段時日，一直用OPUS#2 配SE5WAY U加4絞1960S，小弟聽既音樂極之廣泛，大部份既POP(中日韓歐美)，VOCAL(男女高低音歌唱)，CLASSIC，instrument solo，JAZZ，動漫歌等等都有聽。小弟本身亦有涉獵樂器演奏(弦樂，鋼琴及SAXOPHONE)，所以對聲音還原有自己既要求。SE5WAYU聲音還原既表現同埋生成出黎既自然音色令我搵唔到取締品。5WAYU並非一隻係所有方面都完美既耳機，更加唔係能各方面都完勝其他品牌耳機既產品，不過5WAYU係各方面既平衡下令我覺得冇換耳機既必要。直到收到SE6出現既消息，忍唔住想要升級，但當時睇到個價，覺得去到呢個價位基本上所有品牌既旗艦都買到，於是抱住5WAY+OPUS2 出去聽左一轉。64, VE, JOMO, FITEAR, empire audio等等香港各間耳機店有得試既頂級旗艦都試過晒。各品牌既耳機都各有特色，有D仲帶到驚喜比我，但冇一隻可以令我想直接出手，反而敗左部墨菊番黎。

同GRZEGORZ傾左幾日，最後決定盲沖SE6。主要比佢其中兩句話吸引到
1) SE6可以說是5WAY既全面升級版。
2) SE6對前端既相容性很高，即使使用手機都可推出很令人驚嘆的聲音。
睇過官方上對SE6既描寫加上同老闆既討論，SE6成為左我當時唯一想入手既耳機。

小弟問過GRZEGORZ關於佢地研發既HI-RES CABLE既材料及推薦用邊隻DAP推SE6。得到既回應係GRZEGORZ本人一般不會推薦特定DAP，因為選用咩DAP十分視乎用家既聽歌取向同搭配喜好。GRZEGORZ本人平時主要用A&K既產品去聽。GRZEGORZ亦提到用手機都可以聽到好好既聲。而關於線材物料，GRZEGORZ十分簡潔地表示"the wire are custom compound"。嗯⋯本來想參考一下以便選擇更換用既線材，睇黎隻CABLE既成份算係商業秘密之一。

自SE6 正式推出已經過左3個半月，早在兩個月前世界各地已有不少買家收到貨，作為一代傳奇SE5WAY的升級耳機，網上對這耳機既評價文章卻少得可憐。小弟在9月中下訂，到11月尾才起貨，期間一直有留意國外國內討論區有關SE6既討論，希望有聽感分享可以借此望梅止渴，可惜一直都冇比較詳細既分享，唯有繼續期待入手一刻。そして、やっと手に入れた。

由於手上設備不多而且有一段時間冇比對過耳機，所以呢份聽感只是小弟片面同主觀的感覺。小弟知道有部分師兄希望有一個報告作為參考以決定入唔入手，如果可以幫助各位了解SE6的聲音的話，小弟會十分高興。
由於入手時間唔耐，所以未有時間詳細品味分析，今日先分享一下FIRST IMPRESSION，聽多一排有時間的話會出去同各品牌旗艦耳機做個對比。
以下聽感由以下設備比較總結所得:
PAW GOLD TOUCH
SE6 WITH 原廠線
SE5WAYU WITH 原廠線

以下幾點係初聽SE6時令我印象深刻既地方:
1) 令人印象深刻既結像力。結像穩定，輪廓清晰。聲音密度高而且定位很準確，十分有凝聚力。比SE5WAY更高密度既聱音及更明顯既準確定位，不單止可以分到前後左右，同時可以輕易分別出上下（如果錄音質量夠）。我聽JAZZ DRUM SOLO（每塊cymbal，每個鼓以及Hi-hat既位置都十分清晰）以及合唱團（3排聱部既位置，第一級台階以至第三級台階上發聱所帶來既距離感準確地呈現）既時候可以體驗到。我能夠係腦入面描繪到舞台上既佈置，每一個聲音既來源都帶方向性，可以透過耳機輕易判斷聲音來源既位置。

2) 能夠做到比SE5WAY更開揚既聲音。我用「能夠」係因為SE6既另一個特性，非常TRANSPARENT TO SOURCE，並非單純盲目地將個音場放大，而係有能力準確地還原錄音時應有既音場。聽樂團於演奏廳表演時提供演奏廳大小既音場，聽小型音樂會時就提供小型舞台大小既音場。

3) 極高既解晰力（RESOLUTION）。SE6底下既聲音十分清晰（CLEAN&CLEAR），然而佢並非透過明亮既調音帶出清晰度（CLARITY），而係透過高解晰力（RESOLUTION）帶出清晰度（CLARITY）。SE6音色偏暖，聲音解晰力極佳，可以係複雜既背景音樂入面聽到每一個樂器以及環境細節，同時樂器聲唔會互相掩蓋。由低頻到高頻之間銜接順滑，聲音由後到前由下到上一層一層堆疊起來，聲音非常有層次感。高解晰力既同時保持偏暖既調音，令SE6出黎既音色十分自然同真實，個人認為呢一點同SE5WAY相同，不過SE6擁有明顯地更高既解晰力以及更好既層次感。

4) 具穿透力及帶有空氣感既高頻以及更好既延伸。聽VIOLIN SOLO時在中高頻上的聲音表現令我十分驚喜，極之自然既還原及餘響同時更有穿透力。聽VITAS海豚音時既空氣感亦十分令我驚喜。在SE5WAY上搵唔到呢種高頻。

5) 更加準確同真實既低頻還原。聽定音鼓及JAZZ DRUM時聲音十分真實，衰退同下潛都比5WAY到位。聽DOUBLE BASS時弦樂獨有既殘響及線條亦能好好地表現出黎。比5WAY更flexible同時accuracy既低頻。

小結:
擁有比5WAY更變態既分離度、結像力，更好既高低頻延伸及附有彈性既音場，同時亦保持了自然耐聽既調音。作為一個小提琴玩家，SE6既音色還原及三頻表現令我十分滿意。與5WAYU直接比較時能夠聽出明顯既整體進步。令我最難以想像既係聽過5WAYU後，SE6仍然能刷新我對解晰力既認知。聱音不走亮麗及鑑聽路線，而係自然生動及音樂感路線，十分耐聽。如果你擁有5WAYU同時又揾緊5WAYU既升級品，SE6唔會令你失望。至少對我黎講，SE6係無可替代既升級選擇。

親耳聽過SE6之後我可以好負責任咁讚同並引用GRZEGORZ係官網上既一句話:

you will rediscover your music even having heard 5-way Ultimate!

更詳細既聲音特性同描寫要等我聽多一段時間後再分享。係熟習左SE6既聲之後，我會出去同各大品牌耳機直接AB對比(歡迎師兄們提出想對比既耳機予小弟參考)。有時間的話會在此更新聽感。以上聽感只係小弟以5WAYU做基礎作對比，未必每位師兄都擁有5WAYU所以可能有點難以代入理解，但我希望上面既描述可以多少對師兄們有點幫助。亦歡迎對我既描述作出指教。

最後送上數張圖作結，謝謝觀看。



線材配搭：

播放器上有4.4頭就難免令人心痕難耐去使用，所以小弟花了一點時間在尋找合耳形的升級線。
首先必須強調SE6原廠線帶出來的聲音十分均衡到位，換了多款線材都未聽到過所謂升級感，部份線材什至明顯地改變了SE6的聲音，破壞了整體聲音的平衡。
小弟尋找4.4頭線只基於一個原則，就是不能破壞SE6的調音平衡(分離度，音場表現，三頻延伸，動態表現，聲音細節，耐聽度，結像力)。試過了PWaudio 1960s, no5, crystal cable ccdd, dream duet, Effect audio hours, Thor，一邊試一邊擔心CM插位變得愈來愈鬆，直到換上dream duet一刻我即時拍板了。

NGTim@FB

CHING , 邊度有得試

ckhung123

冇得試,齊買

ckhung123

師兄何否pm 我現在連滙率總數幾,我都是5way用家

helium

ckhung123 發表於 2018-12-1 20:45
師兄何否pm 我現在連滙率總數幾,我都是5way用家

已PM。如果可直接匯PLN可能會平少少

helium

NGTim@FB 發表於 2018-12-1 20:11
CHING , 邊度有得試

冇DEMO架，只能夠直接買。V。
所以需要信念同決心⋯⋯

patrick@wong

helium 發表於 2018-12-1 21:01
冇DEMO架，只能夠直接買。V。
所以需要信念同決心⋯⋯

Se5wayr/u年代已是盲入……不知道se6way動態表現如何、是否真的可比大魔王

helium

patrick@wong 發表於 2018-12-1 23:07
Se5wayr/u年代已是盲入……不知道se6way動態表現如何、是否真的可比大魔王

有時間小弟出去比較一下。有冇師兄知邊度有大魔王demo?

patrick@wong

helium 發表於 2018-12-2 06:43
有時間小弟出去比較一下。有冇師兄知邊度有大魔王demo?

I tried 大魔王 at DMA before

helium

patrick@wong 發表於 2018-12-2 07:26
I tried 大魔王 at DMA before

月中去dma望下先，不過小弟唔太鐘意係dma mk店ab耳機，對小弟黎講環境唔合適。anyway i will find it out and try to compare them. 我諗至少代理個邊都會有demo。小弟係des聽過十分鐘，佢整體細節同聲音定位都好令我印象深刻。 小弟聽耐少少se6，熟習左佢既聲再去比較。