年尾前都執翻個紙箱

andyau88

等了個幾兩個月，終於收到麥小姐來電話輪到我攞Earthquake Mineme P12了，可惜當日要返工，所以只可以等星期六才到雅詠攞期待已久的大地震。
等左幾日，終於到了星期六。將舊壞威力登8吋上車然後拉去地鐵站過炮台山。
到達後，得到雅詠一衆職員包括麥小姐的超好招呼。好老實，隻大地震雖然成$7000，但相對雅詠所賣的其他貨，七千真係超級小的數目，但仍然有賓至如歸的感覺，真係想像唔到。
之後開箱、試機、講解然後再pack箱、上車仔、全程雅詠各員工都一絲不苟，我仲以為自己幫襯左幾百萬。唔理個客幫襯幾多都全力做到最好，雅詠係我見到唯一一間。
之後再拉車仔去撘地鐵，多得麥小姐提醒，回程係天后上車真係舒服好多。
好心急又無風無險終於到達屋企，當然第一時間開箱，但因時間關係，只能短短試了十幾分鐘，完全未調教但已感受到大地震的威力。
d低音唔係好打心口個隻，係一陣陣咁衝過黎包住個人，好舒服的感覺。
後記:如果可以俾我揀多次，我會選擇送貨，因為自己拉車仔真係好辛苦，雖然係咁，但返到屋企一開聲個下感動真係覺得辛苦都係值得的。

patrickcw

送貨要加錢的?

MDLP

擴音機同低音炮唔好插拖板個filter位

andyau88

MDLP 發表於 2018-11-11 16:38
擴音機同低音炮唔好插拖板個filter位

多謝師兄提醒，個拖板有兩個位無濾波的，擴音機同十仔都係插個兩個位

andyau88

patrickcw 發表於 2018-11-11 16:23
送貨要加錢的?

要，睇地點同要唔要上樓梯會唔同收費

Overnite007

Call van 送

andyau88

Overnite007 發表於 2018-11-11 18:16
Call van 送

係雅詠個時都有諗過call gogovan，運費都係$75，真係唔係有錢買十仔無錢call van嘛，不過之後落到地下都係覺得算，慳返d錢用黎食多個開心樂園餐仲好，當然我住個度上落地鐵唔洗行樓梯同星期六朝早無乜人坐地鐵唔阻人，可以全程拉車先咁啦

matt88p

andyau88 發表於 2018-11-11 21:02
係雅詠個時都有諗過call gogovan，運費都係$75，真係唔係有錢買十仔無錢call van嘛，不過之後落到地下都 ...

有時唔係話幾錢運費, 我都係鍾意親力親為自己攞, 當然太重唔得, 好似我而家隻sub 130Lbs, 自己點拎......??

hei65

matt88p 發表於 2018-11-12 14:29
有時唔係話幾錢運費, 我都係鍾意親力親為自己攞, 當然太重唔得, 好似我而家隻sub 130Lbs, 自己點拎...... ...

你都試過的隻訂造音響架返去几金

matt88p

hei65 發表於 2018-11-12 16:13
你都試過的隻訂造音響架返去几金

嗰次真係要van仔
嗰個架堅有料