Terry Cal機之旅（四）調校畫面 Sony A8F X9000f #129

lawterry

首先check 左師兄原用的setting.發現師兄對一d 功能上有點誤解而令setting 錯誤.經小弟一邊講解一調校.順利完成調校.（因調校過情漫長.在此略過.只説重點）.

insider

小弟部Z9d经Terry兄妙手調校后，好似換左另外一部電視機咁，D65嘅威力深不可測，電視畫面已經好有電影feel,他日裝左投影機，校完之後真係不知人間何世，勁呀Terry!

大mo

Terry 大師，小弟好唔明白電視製造商出廠時用什麼標準去setting個顏色，如統一標準的話又點解會每部電視有機會唔同色？既然Terry大師你都可以用儀器去調較正確色彩，點解廠商唔可以一出廠時調較好，唔使我地買返去要自己調較一餐先有好效果呢？

lawterry

大mo 發表於 2018-6-12 21:41
Terry 大師，小弟好唔明白電視製造商出廠時用什麼標準去setting個顏色，如統一標準的話又點解會每部電視有 ...

好問題.（呢個可能係好多人心裡的問題）.
首先要明白人的眼睛一刹那間是很容易欺騙.尤其是對藍色的光最不敏感.你去看帶藍色的光會覺得系一種超白光.（比普通白光更亮的光）所以點解普遍的電視會偏藍係爲左乜？系為了你去選購電視時覺得呢部機光d sharp d.吸引你去買.再加上畫面越光其實你越難癹現佢嘅缺點（暗位處理）.
再加上你要明白一d 廠商（如L珠）做Panel 技術係一班人.調色調校係另一班人.marketing 又是另一班人.即刻話panel 做得好唔代表調校果班會好（玩唔盡panel ）.而調得好果班marketing 又未必懂（一味叫你加光d 引到多d 人買.人地A廠加光左賣多左之類）....

lawterry

而最重要的原因.就算同model 同一批次的面板都會有誤差 （尤其係大面板.始終電子野.所以有所謂生產良率）佢出廠又點可能逐部逐部同你微調？.再加上每個用戶欣賞環境又唔同（唔同環境setting系唔同）.所以就設計d 罐頭模式（標準.自然.動態果d ）比一般的用家使用就算.....而好一點的廠商會給多d 項目比有要求的用家自己搞掂（調校 ）所以每部機其實係有絕對需要調校.尤其是越高級.調校好才能癹揮出面板同處理器的極限.你問我.花錢買了頂級機.唔調校係絕對浪費.因為你用預設mode根本睇唔到佢頂級的地方

insider

成本亦係一个主要因素！

insider

经Terry兄調校及講解，令小弟對色準有更深一步了解，其實市面上大部份4K電視機亦有此能耐，調校之後有更高畫質！

lawterry

回正題.要知道sony就算機皇級都欠缺cms （色彩獨立調教系統）.但調校後不論在sdr 同 hdr 主副色都能如此準確。（比A1更凖.始終LED 技術成熟.OLED 是新技術.）.而用Colorchecker 檢測其他顏色時誤差更是我所調過的電視最低的.（要明白就算有cms 都只能調校到主副共6種色.其他色只能看面板功力.聽天由命）

lawterry

再加上本人還未開啓Sony 三大家傳寶劍.進
階對比度增強。自動分區光域控制。和X-tended dynamic Pro.不禁佩服sony 對led 技術掌握之成熟.

lawterry

終於來到實測.之後同師兄反覆開關三大寶劍混合使用.最後又用儀器看看有何壞影響.到此又再一次深深體會到sony 在LED 技術的能耐.本人是A1 用家.之前功能分享篇亦提過在OLED 上Sony功能對畫面有明顯幚助（唔逹標變達標）.但同時亦有某一d 其他壞影響.本人就試過花4小時去取其好處而平均返壞處.（始終oled 係新技術再加上又不是自家panel ）