攪攪新意思： Helix 電源線 + Helix RCA 線

Alman

小弟這條diy蟲正是貪新忘舊， 見異思遷， 朝秦暮楚。。。。。幸好對老闆始終如一

今日收到： Duelund 20 awg tinned copper wire， KLE Absolute Harmony 頭 ， 加埋之前嘅金鍍銀線，又可以開工啦。

今次嘅整法其中有些改變， 就係嘗試把9 呎 32 awg嘅金鍍銀線（正極） helix 3 呎打孖18 awg 嘅 Duelund 0.5 silver foil (負極）， 即係倒轉正極會用9 呎， 負極用 3 呎。 至於 Duelund 20 awg則照舊用番之前做法。剛完成的 Duelund 電線咁有料到， 信號線會否另一境界？

Alman

金鍍銀helix:  一雞兩食

第一對： 32 awg 金鍍銀線入棉管（正）， helix 以 14 awg 單枝銅（負）， 配以碳纖頭；

第二對： 兩條3 呎Duelund 0.5 silver foil 入棉管（負）， helix 以 32 awg 金鍍銀線 （正）， 接KLE Absolute Harmony。

兩對其後一同分別接 DAC － GG 前級， GG 前級 － 後級 去煲。

Alman

煲咗嗰兩對helix 金鍍銀線幾日， 係時候分享下了。  其實整這兩對金鍍銀線的目的， 係睇下正負不同helix的效果有何分別， 結果是： 無大分別

先講煲嘅過程， 兩線同插機去煲， 未幾就用佢哋試聽， 發覺較原來的 silver foil helix （GG去後級）及 Mundorf  金銀線 （DAC 去 GG前級）的音色為淡一些， 無咁厚聲， 但諸如分析力等無分別咁滯。 跟住兩對金鍍銀線AB比較（只用喺前後級間）， 亦聽唔出分別！ 即係表示helix 正負好似冇乜所謂？ 而RCA 頭及 負極helix線（ 14 awg Romex 單枝銅， cheap stuff,  同埋 Duelund 0.5 silver  foil, expensive stuff, 的差距亦無大影響？）

琴日GG 前級換了DACT 新 volume pot， 效果好， 今日再把兩對金鍍銀線用喺前後級間AB， 發覺兩者的音色厚番， 但 helix 14 awg 單枝銅的會較helix Duelund多了些份量和impact。試到此為止， 雖未能蓋棺定論， 但係已滿足了小弟好奇之心了 。 依家就走去換埋 GG前級嘅電容， 有時間再試下佢哋。。。。

Alman

整多兩條線， 準備歲晚收爐。。。

今日心血來潮， 見之前改造的 Neotech UPOCC 銀電線係度sitting around， 不如再煎其皮， 拆佢骨多次， 重新打造。 所拆剩的 Neotech UPOCC 14 awg 銅線不如拍著Duelund 20 awg tinned copper wire 為helix RCA線。RCA 頭用 Switchcraft。 坐言起行， 完成了 。  今次真係cheap + 半cheap + 唔cheap走埋一齊， 會否再次證明有時唔使用貴價嘢？

Alman

Cross-connected Helix 電源線

整咗咁多helix線， 不時研究下有冇variations。 想起多年前曾經整過由Cable Asylum 版主所發明的由Belden coaxial cable 改造的cross connected cables。 當時的聲音確唔錯， 好有質感； 只是自己搞到線身太硬， 最後拆之。 該設計圖：



今次採用其原理， 先做兩對全Neotech UPOCC 14 awg 單枝 copper helix線， 把各自的火線與另一對的helix 中線連接， 而非好似之前的 火接火， helix中線接helix中線。 而水線則是helix整條火中線， 再纏以棉繩。 接的頭是helix線版主所用的Sonarquest鍍銠。 完成後接cd player 煲， 冇時間試音住。 有沒有驚喜， 稍後便知

Achow

Alman 發表於 2019-1-28 10:25
Cross-connected Helix 電源線

整咗咁多helix線， 不時研究下有冇variations。 想起多年前曾經整過由Cable ...

FB見到呢條powercord 都好似用些Helix 方法？不過佢live 同neutral 用多條細缐做成

Alman

Achow 發表於 2019-1-31 08:31
FB見到呢條powercord 都好似用些Helix 方法？不過佢live 同neutral 用多條細缐做成 ...

各師各法， 百花齊放， 只要樂在其中，便是diy精髓！

Alman

Cross Connected Helix 電線試音分享：

這條全用Neotech UPOCC 單枝銅的電線跟原來接cd player 的同樣UPOCC  copper "正宗" helix (火接火， helix 去helix）比較， 結果是小弟喜歡cross connected helix 多D。 原因是它整體略為清晰， 前後感強DD同埋高音會出及清脆DD。 最明顯係聽老蕭第十第三樂章開頭果幾吓三角鈴： cross connected 線嗰幾下正過正宗helix， 後者比較暗同埋縮後。

把cross connected 轉插GG前級（取代 Duelund helix）， cd player 沿用番 正宗helix，睇下有冇唔同， 音效聽唔出有乜分別， 最後cross connected 留係cd player； Duelund helix照舊用係GG。

會唔會cross connected helix 好過正宗helix？ 未必： 睇番條UPOCC 正宗helix， 頭尾係用Onix（稱用單晶銅）， 但係隻頭嘅腳經過磨蝕現出白色而非銅色， 都唔知係咪銅嚟， 可能音效打了折扣。 睇番佢嘅膠body， 唔夠硬， 質地認真麻麻。 以前鍾意用佢因為開口夠大。 Cross Connected helix 今次試用 Sonarquest鍍銠頭， 似乎效果甚佳， 平野有好。

繼續整多條cross connected 睇下， 正把上貼提到Neotech UPOCC silver 煎皮拆骨， 為 helix 再次犧牲 。 helix 佢嘅會係 同門 UPOCC 銅， 今次銅銀結合， 真係。。

Alman

Neotech UPOCC silver 剝蛇記及Cross Connected UPOCC silver／copper 電線

今天外出零下17 度， 最佳是留係室內整線也， 遂有此線之誕生

製法同上一條差不多， UPOCC silver 被拆骨用其兩條電線，分別helix以 14 awg 單枝copper 及地線， 再將silver 及 copper 線cross connected。 接番Neotech 鍍銠頭尾。

先試接cd player， 比cross connected copper 的音像更闊大， 好似坐前聽歌； 佢會通透d， 好似聽 The Beatles 的 Let It Be， 臨尾居然聽到背後的和唱，之前並不覺。  高音細緻dd但低音無銅的 impact。 跟住轉接去GG前級， 聲效幾乎同接cd player一樣。 似乎金銀混合的音色都係偏向銀聲多D。

這條線同另一條Duelund silver foil helix唔知點比？ 稍後分享。

以下相片搞錯次序， 請由下至上觀看

raylee

ALMAN 新年快樂 , 感受到你樂在其中