買了LG 65SJ9500, 問題大到不得了

wklie

If the cause of defect from multiple units is really due to manufacturing process or transportation, especially if nikkotsoi CHing's guess is correct, then a dedicated on-site panel replacement can potentially be better.

Two years ago I bought an oven (of the same brand of my TV) which had a really bad calibration - consumer oven is generally very inaccurate anyway.  Since it toke too much time for me to confirm the oven is not operating within an acceptable level, I lost the chance to get it replaced.  After repair the temperature is really precise.  I do believe my repaired oven can be more precise than some random new units from the factory.

kelvin_chung78

BennyFok@FB 發表於 2018-4-11 01:46
證明韓國仔既電視機都係唔係咁成熟

如果換一次我覺得OK同個別事件, 兩次都同一個問題, 同差不多位就真係叫我點有信心!!!!

kelvin_chung78

wklie 發表於 2018-4-11 11:40
If the cause of defect from multiple units is really due to manufacturing process or transportation, ...

都係LG? 只可以講今本技術未成熟就推
只想賺錢, 消費者比左錢後就完全被動

SonSon

nikkotsoi 發表於 2018-4-10 19:52
呢種線係panel排線撞斷左
應該裝嵌果陣有問題 or 運輸撞神左
成塊panel唔要得 ...

之前sharp覆我就係裝箱同物流出事...........

miipp

WY807 發表於 2018-4-10 18:16
iPhone 都係made in China ，唔明點解到今天仲咁抗拒？乜產地=QC 咩？

其實好多港人的思維重停留係三四十年前, 即係日本廠最風光的年代, 不知道咩叫供應鏈全球化, 不知日本廠不進則退(特別是電視面板領域).

正好早一個月我個部 ~5 年前買的 Sony "MADE IN JAPAN" 55HX750 壞左, 比 d 拆機圖大家睇睇.

首先根據壞機徵狀 (LED 燈閃的次數提示), 根據維修手冊表示最大機會壞電源板及 LCD 模組. 電源板換左塊都係一樣, 問左一 d 懂維修人士, 淨低落來最大機會壞 backlight LED 燈條 (某 d LED 裸粒燒左之類). 簡而言之, 就係入面個 samsung LCD 模組玩猿, 成部電視報廢(要整的話要入無塵室拆模組).

金屬殼的就是整個 LCD 模組 (含 LCD 面板, LED backlight 模組), 整個由三叔供應:


核心元件 - LCD 模組在韓國生產


以我部電視故障為例, made in japan 或 made in xxx 對品質有幾大影響呢? 整個 LCD 模組由韓國或台灣或大陸供應商供應, 裝配個地點會影響到個核心 LCD 模組故障機率嗎?

我部電視是在 Sony 稻澤工廠裝配, 說穿左是 "Assembled in Japan"


而家 LCD 模組最 top 的係泡菜三叔面板, 其次係台灣/大陸仔 (sharp/JDI 面板唔熟, 不評價). Sony 最 top 旗艦電視都係用泡菜面板, 不過而家佢的高階電視已經有用台仔面板.

核心 LCD 模組都用左韓/台野, 咁重有咩野係日本製造? 所謂的 "日本製造" 意義何在?

見上面張拆機圖, 除 LCD 模組外, 其餘主要組件有 PCBA (電源板, LVDS 板, 數字訊號處理板), 塑膠外殼, 金屬結構組件, 呢 d parts 可日本製也可大陸或東南亞製, 呢 d 部件"產地"因素根本唔會影響品質, 大陸或東南亞有大把一流的 PCBA 及配件廠. 省錢的方式係外發比下游供應商生產, 再運去組裝廠裝配.

如果大家用過一 d 美國電器或 Hi-Fi, 應該會見地人地好多時產品 label 係咁寫 "Assembled in USA with foreign components", 而唔會好似架仔咁昆人, 成部電視核心部件唔係日製, 但 label 就寫日製.

我寫咁多野有幾多人 get 到重點? 我不是否定 Sony 品質, 只係想話零件全球化, 最後的裝配地點對產品品質影響不大. 以樓主 case 為例, 又係 LCD 模組出事, 一件零部件出問題, 又關裝配地點事!? 咁嚴重的死線, 係工廠 QC 過程一定無可能發現唔到, 即係出廠後先出現的, 唔會關裝配地點 QC 事. 換個說法, 假如樓主那個出現死線的 LCD 模組是在日本組裝, 即係上螺絲/點膠紙/測試等工序, 出貨到用家手後就唔會出現死線?

kelvin_chung78

miipp 發表於 2018-4-11 12:29
其實好多港人的思維重停留係三四十年前, 即係日本廠最風光的年代, 不知道咩叫供應鏈全球化, 不知日本廠不 ...

謝謝師兄的詳細見解，其實made in 邊一個國家對我黎講係信心既保証，日本QC我相信都係比較好dd。
基本上部9500我唔清楚本身零件問題定運送途中有問題，因為部機到消費者手上有問題就係問題。
都明白電子產品有出廠問題是有機會的，但係連足兩次出現同一問題！我唔係屈佢，LG師父開箱試機都無野好講，我對LG既要求只係想保障返自己！

miipp

kelvin_chung78 發表於 2018-4-11 13:24
謝謝師兄的詳細見解，其實made in 邊一個國家對我黎講係信心既保証，日本QC我相信都係比較好dd。
基本上 ...

"日本QC我相信都係比較好dd" 唉~ching 明顯唔明我寫成篇野的內容, 回一回 ching 呢個睇法.

Ching 好似唔太清楚咩係 QC. 簡單 d 講 QC 是一個測試過程(包含指引文件/測量儀器等等), 例如量度部電視的亮度/對比度/顏色/死點, 測試不同圖像/視頻等等方法去檢查產品達不達到規格要求, 以及有沒有出現任何問題或缺陷, 呢 d 工序有嚴慬指引及對應的儀器, 甚至自動化測試設備, 確保產品 "出廠時" 沒有問題.

如果面板零部件來料本身有死線, 無論日本/大陸/東南亞組裝廠一定可以發現 (全部儀器故障及 QC 工人眼盲左?). 即係話 ching 部電視問題係 "出廠後" 先出現的, 基本上來講已經唔關工廠 QC 過程事.

Ching 兩部機都係咁, 好大機會係 LCD 模組來料有問題, 屬於零部件層面的問題 (零部件本身物料或零部件生產工序出錯), 咁的話後期 QC 檢測如何嚴格都無可能 100% 把關, 將問題機在生產線中完全 100% screen out, 有潛在問題的機很多時需要經過一定的操作時間/環境溫度變化及老化/運輸震動等等條件後才將零部件的問題浮現 (到用家手後), 呢類風險, 一間組裝工廠又怎麼除去呢? 難度係日本組裝有神級儀器, 或者日本女工慧眼可以預測到產品到用家手上使用 1日/10日/1個月後會出現故障?

就好似我以前用的 Sony TV, 部機係日本稻澤市組裝又點? 入面的核心 LCD 模組係泡菜貨, 如果件泡菜零件有潛在品質風險(例如使用一定時數後容易出現問題), 日本稻澤市間組裝工廠難道可以百份百排除掉嗎? 無可能

講咁耐都係想 ching 明白, 組裝地對產品品質來講越來越唔重要, 特別大型一線公司的產品, 一件產品有整套齊備生產文件及工具, 很容易可以轉移去別間現代化工廠生產, 甚至交給 EMS 廠代工.

電視組裝工廠更只是 low tech 工廠 (最 high tech 是三叔 LCD 面板工廠, 其次是 LCD 模組組裝工廠). 你睇下我一個人用支螺絲批就可以將成部電視解體及還原, 有幾複雜?

KennyTam@FB

呢個牌的旗艦機我都買過， 試過之後一句到尾…… 無下次！！！
機械質素不知所謂， 客戶服務部也不相伯仲， 可謂互相輝映， 相映成趣， 成雙成對， 天生一對……