|
|
本帖最後由 jc2ssych 於 2018-6-15 09:00 編輯
4K 跟 bluray 比便無謂了。要比就不如比新舊兩版的 bluray (2008 vs 2018)。
上周家中大掃除, 執返隻舊版出來睇, 原來買咁多年都未開過 lol, 發現原來係行 TrueHD5.1。三幕大場面：輕機槍大戰、直升機爆玻璃 和 地鐵站月台拳腳大戰。舊版包圍是連貫的, 但所有力量都點到即止, Morpheus 對白都係無神無氣。試吓扭大聲, 最後都係無乜聲。兩個小時畫面都係過份青綠, 人面膚色 white balance 錯得幾緊要。
心思思見有 4k 連 bluray, remastered 過兼行 atmos, 忍唔住入來玩吓。開機睇5秒已經知猛料。聲厚了很多, 拿拿臨跳去「Guns. Lots of guns」, 長短火輕重快慢終於分到了。更驚嘆奇洛拍完 The Matrix 到 John Wick, 二十年間身手無退步過, 是很令人尊敬的一位演員 !
不過混戰9射場面相對地其實不算難造, 更加期待直升機爆玻璃窗的效果。幾年前初落火坑買喇叭, 售貨員叔叔說：「要大聲容乜易？500蚊對喇叭都做得到。玻璃一吓爆完, 到散晒, 再到最後幾吓零碎先知到分別嘛！」新版 Trinity 最後一吓撞玻璃, 係可以做到埋身的感覺, 會感覺到用力撞埋去係痛, 雖然畫面無3D, 但 swing 埋黎果一下連埋條聲係會令人避一避。而舊版係似撞爛咗塊發泡膠。而最後 Agent Smith 在地鐵站月台, 一鎚打爆條水泥柱新版係 feel 到一股力量, 有種類似 John Wick 1 奇洛鐵鎚打爆地板既力量。同樣, 舊版似係打爆咗條發泡膠柱。
美中不足, bluray 爆光幾嚴重。雖然減少咗好多不必要的青綠色, 而 Neo 的面色和膚色 texture 也很細緻, 但一上到地面/天台, 自然光打落去的場面便爆晒, 電視較邊個 mode 都補唔返。很可惜!
|
評分
-
查看全部評分
|
[複製鏈接]
樓主
發表於 2018-6-15 08:50
