想問吓港版Wii套裝會唔會有水貨呢？

阿定

香港行貨公價1799，有d細鋪會做到1700！

韓版理論上應該係韓文同只能玩韓版game，但有技術變成英文或日文機，但一UPDATE就會變磚，任天堂未出變磚UPDATE前，我已經提人唔好買韓機(因為MAIN CHIPS唔同日美機)，可惜忠言逆耳，換來一輪臭罵，惡意中傷，所以今時今日變磚的網友，如果當日無睇到我好言相勸，算係唔好彩，如果睇左都買，我無話可說，但果D當初罵娘的，我只會說 "底能死"！

黃金信和好景188果d，信唔信得過我唔方便比意見，但我深信上網問完人，自己心裡有個底，無人呃到你，我自己買機，試過去係人都話佢係黑店的名鋪買美版Wii，因為佢標價最平，目標係引你落搭，我買時，佢賤到我check機時發覺抽起左隻跟機Game，火牛又話110v香港唔賣得，抽起左，要我加錢換220v老番牛，亦抽起左原裝手掣，換左老番手掣比我，最後隻Game我算數，反正計番自己補買番隻Game的價錢，佢果價都真係平，無火牛我都算，自己出去買都唔係貴，反正老番牛唔係貴，補錢果價仲貴過我係其它鋪頭就咁買，對手掣因為比我捉到，佢局住換番對正版掣比我，最後我計過數，我都係平過出面其它地方買，呵

美日韓有咩分別，置頂有講，呢度唔重複啦，唯一更新係新版行貨Wii cut埋日本 shopping channel，即係打 Online Monster Hunter 都唔得 XDD

常見呃人手法
換老番牛
換老番手掣
番新機
韓機扮美日機 (原則上你叫佢升做4.2就現型，因為韓機一上4.2即磚)
軟改加錢，但改得唔完美，迫你每隔一兩個月番去比錢又改過，呢招極常見
硬改加錢，但比d無附加功能的cheap晶片，最後要補錢追加軟改功能，呢招好少用，因為硬改無咩肉食，好少會屈你

老番手掣防不勝防，一般正版手製一對320-350，Motion Plus 120-140

最後一句，新出的Wii係無論軟改硬改都玩唔到老番碟，只能用USB Load，如果鋪頭要加錢你買load到碟的機，佢無呃你，不過小心係番新機！

P.S.: 原則上我反對玩老番，但老任嚴打誇區遊戲，日(行)機玩唔到美版Game，所以改機有時係不得而的解決方案

jt24

真係好多謝定CHing嘅詳細賜教！我哋買機都會醒目D。