再檢閱一下DIY 喇叭線（包括紫銅線）

leojai

等report.

Alman

leojai 發表於 2018-1-8 15:20
等report.

leo 兄：

花了昨日時間用唔同引線摺法測試紫銅線， 最後接上 190v BGT 去煲， 好快出報告也

KKU

Alman

令人無話可說的紫銅線。。。。

生勾勾的紫銅線取代 Duelund 油絲電池線開線： 高音有D拆及暗， 音色乾，但係聽多咗嘢 （或者有D演奏唔同咗）！搞到幾首歌要重覆播放去確定， 真係咁勁？又把 引線接BGT， 電池盒等去試下有無分別。  總言之， 把引線接190 VBGT盒的聲最合意（此BGT正是接紫銅喇叭線）， 並發覺好快紫銅D聲已經順番。 期間駁返Duelund 去比較， Duelund 會音色細緻DD， 但分析力等一D都贏唔到紫銅。琴晚開始一直駁190V BGT， 到今晚 再試紫銅，用平時試音CD， 神聖牛： 點解咁鬼平嘅線會出到好似Duelund 的效果？ 佢比Duelund 更佳的地方係敲擊樂器尾音更現及有肉，演奏更活。

仲未係戲肉， 因為未煲夠。 以前整過紫銅RCA線， 去唔到這個表現， 唔通同今次集大成有關？為進一步求證， 準備用對Neotech UPOCC silver 配古河RCA頭 同紫銅AB一下。

KKU

看各位師兄做線好像很易，但當我做時就雞手鴨腳。

請問準備用teflon tape將紫銅包成一束前，須要把紫銅扭在一起嗎？
還是只須並在一起就OK呢？完成两極後才扭在一起？

最後入蕉插或义時，係咪要將紫銅扭埋才插入？

                                                   

Alman

扭在一起的好處是減少vibration。但 正極負極各扭一束，兩者再扭埋時線身變粗 ， 同埋容易有空隙。

如無記錯， 小弟以前係把一極以tape扎實（要好實）， 然後將兩極扭埋再用teflon tape扎好。

最後入蕉插或义時，係咪要將紫銅扭埋才插入？－－－－－－》 可以不扭。

Alman

紫銅 Vs 老tech UPOCC silver 訊號線

兩線輪流播相同曲目， 即時比較。 老tech小勝紫銅： 在於高音開放DD （只是DD ）， 音場較前因此好似聽多咗內涵 （要好留心先聽到）。 年前整好老tech都嚟過一次各線的切磋， 印象中老tech唔係好似今次咁好表現。 可能今次tune 咗套機（如用了GG前級）， 加埋接咗紫銅喇叭線電線有利對佢的發揮。 無論如何， 兩者價錢相差咁遠 （老tech UPOCC silver 幾廿蚊美金一呎Vs 紫銅兩蚊美金廿幾呎， 無得比）， 紫銅雖敗猶榮了 。 小弟會繼續煲佢等佢成仙先得 。 或者今次紫銅的例子可以印證geometry 等等的效果。

話時話， 今次比紫銅搞到心搖搖如玄徵， 諗住用所剩的20 同 18 awg， 打造條線（集大成嘅）比cd player 。。。。。

KKU

將數條紫銅扭埋做成一束，難度好高！我都係唔扭算啦

johnnykut

今日終於要為整線做功課，本來想搵返alman兄以前整線既post進修下
可惜之前好多帖既相已經睇唔到，，喇叭線愈粗愈好，但原來rca線唔駛用太多線芯
請教Alman兄，rca線正負極粗幼唔同既原因係點解呢？？

另外，Alamn兄你用緊隻mineral oil香港應該搵唔到？
會唔會有差唔多既代替品介紹下呢？？？

差d唔記得，，rca引線就咁焊接去屏蔽網就得？？

Alman

johnnykut 發表於 2018-1-14 00:59
今日終於要為整線做功課，本來想搵返alman兄以前整線既post進修下
可惜之前好多帖既相已經睇唔到，，喇叭線 ...

rca線正負極粗幼唔同既原因係點解呢？

有理論提出較粗的線（大awg）做迴路有助低頻的效果。所以有 diy織線教人用一正兩負。 以前看過網上產品用兩負（18awg）繞著一正（24awg）。 小弟覺得以前大都太守規矩， 依家diy好處就是自己多樣嘗試。

另外，Alamn兄你用緊隻mineral oil香港應該搵唔到？

估計應可在藥房買到。 小弟亦是購自本地藥房 （for relief of constipation，a kind of oil by-products)
代替品可用車衣機的潤滑油? 網上教人整油浸線大都是這類油。

rca引線就咁焊接去屏蔽網就得？
Yes. 但不用再焊接RCA頭。