再檢閱一下DIY 喇叭線（包括紫銅線）

Alman

搞完一輪BGT， 搞埋GG前級之後， 到喇叭線啦 。 皆因外出落雪不停，困在屋裡， 正是大好時機。

平時用開自製Neotech 混合線做喇叭線， 配以WBT 同 古河叉， 用 Duelund 油絲線為jumper； 在以前的比試中， Neotech始終保住王位。  現在換咗GG前級， 以BGT調音， 可能其餘喇叭線會有所得益而突圍。。。琴日開始把所有喇叭線配好接頭， 今日開始逐一試音。

首先出場的是 HarmonicTech銀電線改裝編織而成的喇叭線， 年前改裝好開聲，令人耳目一新。後來同 Neotech 拍住上bi－wired，由佢走高。 到用Duelund 油絲做jumper 時佢先退役。

今次佢又會點？  Wow， 通透加音場闊咗， 但高音刺耳。  聽了一隻CD已經收工。  第日做番電線好了。

跟住試煎皮拆骨後的AQ Extreme Clear "極之花蛇 ".  AQ 年事已高， 覺得佢無乜力同矇先至拆其骨。  將原來的單枝銅以十字方式織成。 變身後的花蛇都係Neotech 手下敗將： 低音略柔， 始終欠點通透。 今次， 哈哈， 有番大將風範。 開頭播時好似無乜力， 但愈播愈有改進， 同Neotech 有得fight。 特別試佢分析力， 就係播炎黃第一鼓的舟山鑼鼓， 開首的一段有兩下掃風聲器， 好考功夫。 佢同Neotech 一樣咁出到。

稍後會試埋銅箔，紫銅， long grain copper 喇叭線。

manblood

風景好靚！

KKU

期待紫銅的比較

Alman

繼續。。。。

今次到Long Grain Copper 喇叭線。 此線購自工具店減價時。 初試效果幾好， 於是買多d以八條織成 一聲道喇叭線。以前同Neotech 比， 始終比較粗聲D。 依家LGC 再挑戰： 同銀線一樣， 收工 。 其實佢分析力唔差， 拍得住Neotech， 但係有種納悶的感覺(pvc膠身之故?)，抓不著癢處咁， 兼高音無去得咁盡。

本來想用紫銅喇叭線上陣， 但插喇叭的bananna 插因線身硬而插唔實（自動彈出來）， 要遲D改為叉先再試（不好意思, KKU 兄）。於是搵Copper foil 出來.  網上外國討論區對銅箔喇叭線甚有正面評價. 事實上佢d 聲同用wiresD線有分別. 銅箔線的分析好過Neotech 些少, 聽多咗DD演奏添, 低頻深沉D, 但問題係整個size細咗一碼, 音場深咗但細咗, 欠些Neotech 的火花. 唔慣.
銅箔線係用四條12awg 銅箔疊埋, 兩正兩負. 電容一定好高, 或會導致以上情況. 有机會執下佢.

睇落, Neotech 的王位可以保得住.  試埋紫銅線就大勢已定. 這對紫銅線已包有銅箔駁電池, 係電池喇叭線.  聽日會試用同唔用電的效果 .

KKU

Alman

Neotech Vs 紫銅， 結果是。。。。。。。

Neotech 輸了個馬鼻

駁好紫銅（未接電池）開聲已先聲奪人， 比Neotech 更revealing 同open。  播聖桑的骷顱之舞這track，錄音的"絲" 聲明顯過Neotech。舟山鑼鼓的兩下掃風聲 ， 一樣清晰過老Tech。 整體感覺是空間感強過它。老實說， 兩者的價錢差咁遠， 比紫銅追平已經無顏見江東父老。。。。。 所以王位拱手相讓予紫銅也無話可說！

講返這對紫銅喇叭線， 接amp個邊用 Multi contact 插， 喇叭那面改為Cardas 鍍銠叉。 紫銅由好多條單枝同幾條幼身組成， 非常粗硬。 上次把它包以銅箔， 實行電池線。今日把它試駁6
V BGT， 180V BGT 同 淨電池， 分別唔係太大（可能未煲夠）但會感到低頻及音場的些少變化， 這有待求證。 今次紫銅喇叭線同電源線一樣， 一聽便有衝動整多D／用多D紫銅線。 小弟仲有條粗身紫銅電線同多股紫銅信號線係度， 要召集佢地嚟增強組合啦

KKU

Alman兄，好開心看到紫銅的比較，這條紫銅是你發表於 2015-4-21
紫銅喇叭線 ： bi－wire －－》 雙銅出海 一文那條線嗎？

請教Alman兄，如你現在再做一條 紫銅線，你會每極用多少支紫銅呢？每支的AWG的比例怎分配？

又两極包以teflon tape再扭在一起後，需不需要包熱縮管然後套網？
因我都想學做紫銅喇叭線。

                       感謝
  

Alman

KKU 發表於 2018-1-2 04:29
Alman兄，好開心看到紫銅的比較，這條紫銅是你發表於 2015-4-21
紫銅喇叭線 ： bi－wire －－》 雙銅出海  ...

正是這一對。

根據經驗，喇叭線愈粗愈好。 或者用唔同嘅awg單枝線 （18，20，24，30 等）合成共9 －10 awg。 這對紫銅都係就地取材已成， 無一定準則如何分配支數。加了 熱縮膠線身會更硬。 用網則會靚仔好多。如用白色的水喉teflon tape ， 小心會short， 最好用for gas／oil 的。  或者直頭入teflon 管， 不需再用熱縮膠。

完成之時， 記緊分享分享

Alman

今日冇乜點聽歌。剛才再聽紫銅， 要連續聽同一首兩次， 皆因要確定是否自己聽錯： 定位唔同咗同埋出多咗內容。。。真係咁勁！

比紫銅搞到心痕痕的， 查看紫銅存貨， 只得一包20 awg 同兩包18awg， 30 awg 得番半包。唔。。。。 計劃以30 awg 為正極， 20 awg 為負， 繞著棉芯， 再包以teflon tape後套入網， 網接電池， 來個紫銅RCA電池線。。。。

KKU

非常感謝Alman兄嘅指點，計劃好後，到淘宝入貨。