聖誕禮物 post!(Spark A-70T)(P.2 多相,P.10 2ch report,P.11 AV report)

Metropolis · 發表於 2009-12-26 02:48

本帖最後由 Metropolis 於 2009-12-26 02:52 編輯

哩兩日放假試左好多野. 出返個報告先!

星期二晚 (22/12), 大家做冬既時侯, 我終於收到一條神秘既大蛇...
因為先前唔夠線用~ 所以一直未試 AV Pre-out. 好緊張!
搞一大輪, 插線聽左陣歌仔~ 然後就試 AV!
在場有我同我老細, 仲有一位神秘師傅在場~
試 wanted, 試左一段.....好失望....完全唔係果回事

...
正當我同老細密密針時... 師傅就話 "你地覺唔覺好有問題"
最後發現... 部旦機未 switch 去 Pre-in 喎

一噤... "頂!" 既聲音四起...

再試, wanted supermarket 一段開試...
金屬聲...um...一般...唔夠出... 中置後置搶過前置.
中低頻唔夠實, 子彈都唔太實.

再試 panda, 都係麻麻地...
下刪 300 字

如事者當晚就玩完....

蛇....

旦機入架...

=======================================================

跟住下一晚當然繼續不斷煲.... 不斷煲.... 一支公o係屋企聽下歌仔又試下戲....
心郁郁拎返隻 wanted 出黎, 再試 supermarket 一段.
"嘩!!!!!!!!"

我 O 左咀.... 點解........d 聲唔同晒!?
金屬聲好 sharp, 子彈入心入肺!
繼續到飛車, dynamic 大左好多!
黎到哩度, 我決定唔試住喇! 成套戲睇下~ (我未睇過)

感覺非常良好! 用左旦機推前置後... 成個音場密度增高左好多. 連中置後置都提升不少!
dynamic 大左好多! 睇戲可以比平時開細聲d, 大音壓既場面依然會好勁! 而且唔會得個嘈字~
而家睇戲個氣氛更強... 而大既 dynamic 令到d 戲得人驚左好多

... 第七幕射個死人果段我堅係彈起左

而且我就真係聽唔倒有任何唔夾聲情況出現....

睇晒套戲之後, set 返少少大細聲同做少少 fine tune, 老細就返黎....
試俾老細睇, 佢都話同之前果晚爭好遠! 兩個世界! 佢都好滿意~
回想起未拉電未買旦機.... 而家既提升真係唔識用 % 形容... 話 50% 都講少左... 100% 又好似吹水... 總之就兩個世界啦!

連我老細都要講 76 名句... "你之前套機係咪假架???"

跟住假期哩兩日... 我同老細已經睇左五套戲! 真係意慾大大提高! 投入度大增呀!
我諗我都可以休息好一陣子...
而家套野已經 more than expected!

好....口水就講完, 祝大家聖誕快樂, 新年進步!

最後送張最新 setup 相俾大家, 多謝收看!