終於邀請到Pac兄家訪小弟

sharkpigyu

今日突如其來嘅假期 突如其來call下pac兄可否來臨舍下指點一下小弟本身無想過pac兄可以來到 因為實在太突然啦 早上call Pac兄 估不到pac兄一口答應下午到 實在太興奮啦 無想過pac兄可以答應! 好啦 Pac兄一到 就叫我試下開隻Dolby Atmos Demo Disc裏面Star Wars 個段比佢聽下 點知Pac兄一聽就知我隻超低音相位錯左 跟住pac兄就叫我將隻DD12+駁電腦比佢做setting 反覆試了幾次終於將相位由0調到180 原來個相位一直都錯 跟住Pac兄再利用他的身體和黃金耳朵來感應低音點樣微調好 起初pac兄係甘話係咪唔同左呢 講真除左由0調到180我係感覺到改變左之外 其實他每一下微調小弟真係感覺唔到 因為我隻廢耳真係實在太廢啦 完全不能和pac兄相比 跟住他再利用呃呎令到十仔打向皇帝位！經過10幾次十仔微調後 Pac兄叫我坐係皇帝位感覺下 好開心好興奮十仔終於打向我心口 仲要係包住整個皇帝位 好啦 Pac兄初步搞完十仔啦 跟住當然我啲喇叭都有問題啦 Pac兄話我天花喇叭聲音唔夠出 一來我天花喇叭太雞啦 二來setting又有少少出錯 跟住pac兄又幫我微調一下 又經過Star Wars 嘅反覆測試 Pac兄就話大致上ok啦！之後就叫我聽返我之前成日睇嘅戲來感覺有什麼不同 好啦 我就攞我隻King Kong出來試下 跟住我就飛去King Kong大戰飛機個段 Wa wa wa 我只可以講 完全同我之前睇係兩回事 低頻有層次 低頻唔會再周屋走 完完全全包住皇帝位 以前我嘅玻璃櫃會有諧振 而家完全冇晒 太神奇啦！ 個刻真的好感激pac兄!

好啦 搞完多聲道啦 Pac兄就叫我試下兩聲道比佢聽下 甘我就攞出我嘅春江花月夜嘅CD比Pac兄聽下 Pac兄細心聽完啦 他起初無出聲 跟住就走去睇下我部cd player同int amp 我心唸大檸樂啦 唔係差成甘呀嘛 之後Pac兄話中高音ok 係個低音有點亂 之後pac兄就比左建議我可以點做! 謝謝pac兄

好啦 快樂嘅時光過得特別快 跟住就同pac兄落去食下午茶 再傾下影音經 甘就完結左今日嘅家訪啦！在此 我要不厭其煩再次多謝pac兄抽時間指點小弟 講真 其實我個心有少少唔好意思 因為pac兄一路幫我setting 佢個電話其實一路冇停過 其實我知道佢好忙 真係唔好意思阻到你寶貴工作嘅時間！
今日真係學到好多野 希望可以將你教我嘅嘢融會貫通!
Thanks Nelson!

kachun74

你就好啦  有高人指點

wman

Pac 兄ㄧ向都很熱心助人的

pac

師兄器材了得，
小弟袛是錦上添花{:9_434:}

sharkpigyu

pac 發表於 2017-10-10 20:01
師兄器材了得，
小弟袛是錦上添花

了乜鬼得呀 器材係我手有點浪費 直至今日佢地終於有點價值

Ken134547

器材了得，加上大師嘅setting，一定係另一個境界

leekoonhung

Pac 大師功力非常深厚，大家有排學野

fm31331

PAC師兄真係好好人！

maxyeung

最想睇到PAC兄四出'發功"後既報告，同埋前輩們D"深藏不露"器材可以"重見天日" ，真係好!

jason1969

有Pac高人指點快d上DD15+,打心口咁打