MrSpearkers 耳機試玩平台：Aeon Flow 封閉式平板 (第一季)

alleelarry

JimmyNgai 發表於 2017-12-1 12:09
喺公司玩可以順便試下荼毒啲同事
我都長期借左我部Audioengine D1 DAC/amp同Philips Fidelio L ...

係公司就無得一咁去毒人，只係試過送對自己少聽既耳機比個FRIEND，結果佢隔一排就話要買野醫病

alleelarry

JimmyNgai 發表於 2017-12-1 12:17
的確分離式設計可以迎合更多人的喜好，如果有人喜歡高頻比較刺激的好著重空氣感咁唔加調音棉係好啲。
師 ...

JimmyNgai 師兄夠哂老友，平台的確要靠大家黎推動，齊玩齊試先王好玩

JimmyNgai

今次試下配搭另一部大推力中性DAC/amp Grace Design m9XX（小弟之前的開箱文）：


論聲底m9XX同Element好似，畢竟兩部都係標榜客觀測試表現良好，聲音中性。聽起上黎就仿佛m9XX高音比較柔、中頻厚一點點、空氣感差一點點，各有各的好。
m9XX同未加調音棉的Aeon Flow配搭起上黎比Element好，高頻冇咁刺耳，亦補足了一點點中頻厚度。加上調音棉後聲音是更討好更耐聽，不過就有點過厚的感覺，有點兩頭唔到岸
整體黎講似乎仍然係Element配搭加了調音棉的Aeon Flow比較岩聽

待續…

alleelarry

JimmyNgai 發表於 2017-12-6 20:58
今次試下配搭另一部大推力中性DAC/amp Grace Design m9XX（小弟之前的開箱文）：

火花呢定野真係要有心慢慢去夾下，先知道有定無，帥兄，加油！

JimmyNgai

Aeon Flow Closed論重量、聲學設計和推力要求要帶出街聽都係不錯的。今日就試下用DAP聽聽效果如何：


小弟用的是iBasso DX90，灌了Rockbox，亦自行摩改了（另見摩改iBasso DX90），所以表現並不能代表一般DX90。

論推力DX90是能應付的，不過耗電就有點快，始終Aeon Flow都是比較食電流的類型。聲音表現就很不錯！中間人聲集中形象好（有一點前），聲暖耐聽三頻平衡（加了調音棉） 最後呢點很重要，因為冇乜頻率特別突出，聲音開大少少都冇咁易聽覺疲勞，好適合睡前聽下歌舒緩下，又唔會怕嘈親屋企人

不過呢個組合都係有缺點的，就係低頻控制得唔係咁好，低頻比較散，同埋高頻都冇配Element時咁亮麗。

待續…

alleelarry

JimmyNgai 發表於 2017-12-7 19:39
Aeon Flow Closed論重量、聲學設計和推力要求要帶出街聽都係不錯的。今日就試下用DAP聽聽效果如何：

睇番師兄個 LIST，看來還有一堆野還未試，期待

JimmyNgai

alleelarry 發表於 2017-12-9 18:57
睇番師兄個 LIST，看來還有一堆野還未試，期待

後日就要交還耳機啦，應該冇時間試太多

alleelarry

JimmyNgai 發表於 2017-12-12 13:42
後日就要交還耳機啦，應該冇時間試太多

係公司盡情去試吧！其實 JimmyNgai 兄聽咩種類既歌多呢！？

JimmyNgai

JimmyNgai 發表於 2017-12-1 12:17
的確分離式設計可以迎合更多人的喜好，如果有人喜歡高頻比較刺激的好著重空氣感咁唔加調音棉係好啲。
師 ...

既然調音棉對聲音影響咁大，今日就試下DIY調音棉！

手頭上有幾款唔同厚度、密度同彈性的調音棉，今次就試下厚度同彈性比較大、密度較低的兩款。
首先將Aeon Flow跟機的調音棉copy一個紙樣出黎，再喺自己的調音棉上跟紙樣剪出相同大小同形狀：


最左手邊係原裝調音棉，中間係DIY(厚)，右手邊係DIY(薄)。

DIY(厚)呢隻棉，其實論厚度、密度同彈性同Aeon Flow原裝棉好似！我有理由相信其實係同一隻棉黎
開聲聽DIY(厚)同原裝棉其實真係一樣，咁我唔再詳細講啦。DIY(薄)棉就比較有意思，佢厚度係原裝棉的一半，密度相當，所以聽感都在原裝有加棉同冇加棉中間。
咁係有相當大的好處，因為加原裝棉後無疑聲音更厚實高頻唔再刺耳更耐聽，但就損失了不少空氣感。DIY(薄)棉就做到一個效果係柔化了一點高頻、令中頻人聲厚一點點，同時又保留了相當多的空氣感，我想有不少人會喜歡這樣的組合

DIY(薄)棉配搭一些中性偏暖的器材應該都係唔錯的。

待續…

JimmyNgai

alleelarry 發表於 2017-12-12 13:51
係公司盡情去試吧！其實 JimmyNgai 兄聽咩種類既歌多呢！？

最多都係聽HiFi女聲，陳潔麗同陳果係百聽不膩
其次都會聽下一啲純音樂，總之係比較舒服舒情feel的。