MrSpearkers 耳機試玩平台：Aeon Flow 封閉式平板 (第一季)

bye2

alleelarry 發表於 2017-11-29 11:00
謝謝 bye2師兄既分享！

其實很不好意思的，試玩之後令我去買並不是 Aeon 而是要hugo2

John Franks 說得對，有 Hugo2 這樣的東西根本沒必要搞什麼平衡。

alleelarry

bye2 發表於 2017-11-28 18:56
相輔相成的，有好的音源也要好的耳機的

的確缺一不可

alleelarry

bye2 發表於 2017-11-29 11:13
其實很不好意思的，試玩之後令我去買並不是 Aeon 而是要hugo2

John Franks 說得對，有 Hugo2  ...

沒有就不好意思的必要啊！

平台既成立本來就不是要唱好耳機，純粹是給大家暢所欲言，好就是好，沒有必要說成壞，相反也如此！

從 bye2 師兄既分享，令我更加體會到 BL 係好，但又不是必然定律，正如「聽歌不應聽格式」一樣既道理

hkmate

I want to try pls

thank you

Report after try

留名, 跟隊試耳機:   hkmate

JimmyNgai

收到阿祺師兄通知可以拎耳機，今朝就急不及待襯返工之前去拎返公司慢慢嘆
首先要多謝Post76同代理SoundWave俾呢個機會我地借耳機返歸慢慢試，多謝Larry師兄帶頭同阿祺師兄的安排，今朝交收好順利
玩耳機都有一個pain point就係喺街舖頭試往往好難試得真，一來環境多人又嘈（背景嘈吵講咩動態已經變得冇意義）二來又冇可能帶晒啲架生去人地舖頭……
今次有兩星期時間慢慢試一隻自己有興趣的耳機確實機會難逢，希望之後多啲呢類型活動

Aeon Flow係MrSpeakers最新作品。早喺Dan Clark（MrSpeakers）改裝Fostex T50RP時我已經有留意佢，見佢改到出神入化令我都買左隻T50RP黎改裝一番，而家隻T50RP mod都係我最常用耳機之一。今次試玩跟機配件唔多，除了耳機外有一條3.5mm單端耳機線（冇平衡線對我冇影響因為我冇平衡端器材 ）、一對調音用耳棉同一個好實淨的耳機便攜盒：


我好欣賞這個耳機便攜盒，因為真係好實用，內裡有空間可以收納線材同調音棉，比起某些太著重產品包裝的產品所提供的又大又重又豪華成本又高（最後係成了垃圾）的耳機盒，MrSpeakers這個便攜盒明顯好太多。耳機拎上手出奇地輕巧，外殼塗裝好碳纖面板又靚，耳機線都實淨，整體造工好好。耳機頭帶係用記憶金屬造，夾頭力度剛剛好，皮製頂帶在頭頂都冇乜壓力（可能因為耳機本身夠輕）。呢條記憶金屬頭帶似乎係MrSpeakers其中一樣值得自豪的地方，因為見Dan佢自己都有好多次係咁樣屈條頭帶以顯示出其彈性：


Dan佢係屈得仲誇張好多，呢隻耳機係借返黎我就唔試啦

用Headphone Power Calculator計一計Aeon Flow Closed的推力要求：


我自己會用110 dB SPL做參考標準，睇睇自己的器材在推力方面可否應付得來。Aeon Flow唔算難應付，少於1 Vrms的電壓要求應該現時市場上大部份器材都冇問題，電流方面要求高一點點要62 mA，對一些手提器材會是考驗，但對一般枱機黎講應該冇問題。

好啦準備開聲試！


在公司平時都係用JDS Labs The Element配AKG K702聽歌，咁就用Element試下配搭Aeon Flow聽聽效果如何。一開聲感覺三頻係偏向突出中高頻，高頻有點硬及刺耳，並唔係偏耐聽的類型比較偏分析型。聲音係開揚有空氣感不過似乎係因為中低頻比較收歛的結果（呢兩樣好難兩全其美 ）。Closed版本比Open版本靈敏度低一點點，估計係入面加了一些吸音材料減少腔體反射回音，不過仍然聽得出中低頻有點濁，似乎係因為腔體回音或者damping唔夠所致 初步聽感冇預期中咁好……

後續……

JimmyNgai

上回講到Aeon Flow Closed初步聽感係中高頻比較突出、高音偏硬同埋有疑似damping唔夠的問題令到聲音有點濁。呢啲種種問題令到諗起佢跟機的調音棉，因為係加喺耳機同耳朵中間的調音棉正正係有能力解決以上呢啲問題，即刻安裝入去試下︰


安裝好容易完全唔使拆機或拆耳棉，但唔知會唔會好易掉出黎呢

調音棉聲稱係可以增加低頻，實質上係減少高頻從而令到低頻量感增加。加棉後仲有一個作用係令到耳機＂抖氣＂冇咁易，即係增加damping，對於under damping的耳機有正面作用（但加太多就會over damping令聲音侷促）。加棉後一開聲，嘩！高頻收歛了不少，中低頻變得厚實了，而且聲音變得乾淨了冇之前咁濁，聲音微暖變得更耐聽及平衡，個人好喜歡呢種聲底 雖然因為高/低頻比例變低了令到空氣感都減少了，但我覺得加調音棉後整體聽感係提升了不了。

唔知係咪MrSpeakers想用封閉式耳機但做到相當空氣感黎做賣點所以預設係冇加到調音棉，而將調音棉做成一個option。但我強烈建議佢將有調音棉的版本做成預設版本，我都會建議黎緊會試的師兄一定要試下加調音棉！

alleelarry

JimmyNgai 發表於 2017-11-30 14:35
收到阿祺師兄通知可以拎耳機，今朝就急不及待襯返工之前去拎返公司慢慢嘆
首先要多謝Post76同代 ...

JimmyNgai 師兄，果然夠專業，又可以在公司試玩，講真無咩人可以做得到，自己平日帶只入耳黎專注工作，別人都睇成是一種罪！

alleelarry

JimmyNgai 發表於 2017-11-30 16:11
上回講到Aeon Flow Closed初步聽感係中高頻比較突出、高音偏硬同埋有疑似damping唔夠的問題令到聲音有點濁 ...

當日見到呢對「調音棉」無咩特別，跟平日包裝用的差唔多，點知原來有聽得出既分別，所以分享時都特別提一提！分離式設計係好聰明，就可以迎合不同種類的音樂！但如果自己DIY，又會有咩效果呢！？本來都想試試，但怕玩得太耐，大家又要多等一會兒就唔好啦！

JimmyNgai

alleelarry 發表於 2017-11-30 22:26
JimmyNgai 師兄，果然夠專業，又可以在公司試玩，講真無咩人可以做得到，自己平日帶只入耳黎專注工作，別 ...

喺公司玩可以順便試下荼毒啲同事
我都長期借左我部Audioengine D1 DAC/amp同Philips Fidelio L2比一位同事喺公司"洗滴心靈"用，不過似乎仲未毒到佢落坑，可能器材唔夠毒

JimmyNgai

alleelarry 發表於 2017-11-30 22:36
當日見到呢對「調音棉」無咩特別，跟平日包裝用的差唔多，點知原來有聽得出既分別，所以分享時都特別提一 ...

的確分離式設計可以迎合更多人的喜好，如果有人喜歡高頻比較刺激的好著重空氣感咁唔加調音棉係好啲。
師兄DIY的idea好好呀，我之前改裝T50RP時都買了好幾款唔同厚度同密度的調音棉，遲啲有時間的話都可以試下用落Aeon Flow聽聽效果如果，如果效果理想或者我交還耳機時連埋啲調音棉一齊等其他師兄都可以試下