大家認為買家Bid到呢個價, 係咪真係會成交定棄標 ?

Msuper

我有個好奇，如果新版唔錯，出一種新 CD 格式咪足夠，點解要出多過 10種新 CD 格式既？因為無一種新格式贏過舊版，所以不斷研究希望終有一種新格式能夠突破舊版的質數 ? 舊版/再版質量已經唔係我討論的範圍，總有兩班人各持己見。
但情義結呢點，好多人會有，不然唔會有人去儲舊郵票/鈔票/古錢/古董，點解要用炒價/貴價去買一樣舊野，情懷/情義結已經包含晒。
有時有錢人反而愈慳使，一般市民可能為了買心頭愛唔介意花大額金錢去擁有，每個人心中都有條底線，物品 VS $$$，你自己會有答案。幾百萬單位/幾仟萬豪宅/住公屋月租交2仟蚊……都係住所姐，當中分別只有當事人自己最清楚。每個人有他自己追求物品的獨有理念，去買舊版碟的人唔一定係有錢人，但一定係對物品有情義結及有某種要求的人！

窮小子

Msuper 發表於 2017-9-14 17:08
我有個好奇，如果新版唔錯，出一種新 CD 格式咪足夠，點解要出多過 10種新 CD 格式既？因為無一種新格式贏 ...

        仲有 , 如果覺得 舊版 5好聲 ( 用當年新鮮母帶 ) 計

        新版又點會比 舊版 好聲呢 ( 母帶又事隔多年 )

        又或者新版已經轉用 數碼 copy 十 味精  & 再加大音壓......

       令大家錯覺上好聽D,  隻碟勁D......

註 : 個人意見 , 不喜勿插呀





     

kl122002

Msuper 發表於 2017-9-14 17:08
我有個好奇，如果新版唔錯，出一種新 CD 格式咪足夠，點解要出多過 10種新 CD 格式既？因為無一種新格式贏 ...

點解要出多過 10種新 CD 格式既？

因為甘樣做可以賺盡大家的錢. (會不會太直接?)
又另一個事實我發覺可能是真的, 就是大家現用的器材和接受情況. 有時候A版 去A 組合不錯, 但去B組合就是欠了少少 ; 又有人覺A組合去播C 版本的音色才合自已的雙耳....
大概如此, 可以是理由, 也可以是籍口.

至於金錢觀, 價值觀, 情意結已是超出了理性的範圍了
經濟學中有一本名作 , Extraordinary Popular Delusions and the Madness of Crowds / Charles Mackay  .
空閒時不妨一閱.

Msuper

kl122002 發表於 2017-9-14 20:25
因為甘樣做可以賺盡大家的錢. (會不會太直接?)
又另一個事實我發覺可能是真的, 就是大家現用的器材和接 ...

Kl兄，容我問你一個假設性問題，如果同一款曲目的碟，一只係 1988年 Sanyo/Sony 的壓碟，另一只係 2017年香港廠再版的壓碟，價錢兩者也是 $150, 你買邊只呀？
再講新格式 CD 出極都有，但亦有買家同一款碟買了幾種不同格式，點解？錢多？定因為第一款新格式唔得，繼續試，希望試到最後一款的新格式是可以接受的？

mankit9998

Msuper 發表於 2017-9-14 17:08
我有個好奇，如果新版唔錯，出一種新 CD 格式咪足夠，點解要出多過 10種新 CD 格式既？因為無一種新格式贏 ...

無論如何研究任何新制式都只是味道不同而已!
最接近母帶嘅cd版本始終都係頭版cd九十年代或以前最為明顯

kl122002

Msuper 發表於 2017-9-15 08:54
Kl兄，容我問你一個假設性問題，如果同一款曲目的碟，一只係 1988年 Sanyo/Sony 的壓碟，另一只係 2017年 ...

假定condition 都是一樣是 Mint,
我依然選新版.
三洋聲對我而言不是未聽過, 也不見得如何出眾,

(可能少少得罪, 請見諒, )借古典的世界裡的錄音一說,
美/英/法三版都比日本好聲. 而日版中唯一令我覺可以的是東芝, 可以選, 我寧要前3者的歐美版, 不然是日本的東芝, 其他免問.  

的確許我都覺好奇, 因乜事要同一張唱片買甘多個copy
係因為等升值去放? 手勢差成日搞花張CD? 還是怕張CD自己老化?(<---甘樣的話買幾多張都無用, 事關都是差唔多時間生產)
又者, 留意下每次出錄音的人. 次次不同人就次次出入少少, 只可以話對聲學無統一概念.
唔只買得覺煩, 睇的覺悶, 開鋪的都覺煩(倉存問題)

Msuper

kl122002 發表於 2017-9-15 13:35
假定condition 都是一樣是 Mint,
我依然選新版.
三洋聲對我而言不是未聽過, 也不見得如何出眾,

哈哈, kl 兄你出矛招, 我比你揀兩只碟得日本版同本地香港版，何來美/英/法版呢 ? 因為呢個帖一直講梗廣東歌 CD，禁 80年代廣東歌 CD頭版主要係日本/韓國/西德壓碟 (澳洲/法國/美國都間中有少數既，英版我未見識過)，所以我就用日版同香港壓版作比較。重點我只是在比較廣東歌的頭版與再版，不是在講外語碟；兩種情況好唔同的；外語碟的頭版與再版相信無廣東歌禁大差別！
另一個事實，80年代廣東歌 CD用母帶做，近期再版的相信已經9成係用了數碼檔做(仲有半成用黑膠直錄 CD 因為你聽到播CD時有炒豆聲)，兩者出來音質完全一樣嗎 ? 你會相信一個母帶經過幾十年歲月洗劫絲毫不損嗎 ?
你又無鬧我何來得罪呢 ? 大家意見不同討論下好平常姐。

mankit9998 發表於 2017-9-15 13:05
無論如何研究任何新制式都只是味道不同而已!
最接近母帶嘅cd版本始終都係頭版cd九十年代或以前最為明顯 ...

其實我覺得好多人唔係比較頭版同再版邊種靚聲 ? 他們係講梗天價去買只頭抽版值唔值？係兩個問題來的！  

kl122002

Msuper 發表於 2017-9-15 15:17
哈哈, kl 兄你出矛招, 我比你揀兩只碟得日本版同本地香港版，何來美/英/法版呢 ? 因為呢個帖一直講梗廣東 ...

我有見過西德版的, 好貴, 也有見過韓版, 平左大截, 然而兩版的廣東歌真是麻麻地. 所以才不提.  
西德版的聲, 美言是音域廣, 動態闊 ; 不美則可說電平過低, 有時甚至我覺少少矇/粗 (不論古典/廣東曲都是), 時好時壞.  
說漏了Denon 版. 聽起來是 夠Hifi感的.

外語碟的頭版與再版相信無廣東歌禁大差別！

笑話了, 在外國的forum 一樣丙到PK, 不論古論古典還是流行曲.
又借古典一講, 以前EMI 出的再版出到D聲扁平坦直, 嘔血也 , 近年WC 重新搞下才叫做有回一點起色.  


其實在80中葉起至90年代錄的歌, 那個年代已步入digital recording 的年代, 即可以DDD.
至於然香港是不是同步, 還是依然AAD, ADD 我就不得而知.
不記得是由那一個post 中有人提過(好似是之前有一次的鴨比討論post ) 指出後期已是數碼化的製作,
如是這樣同樣已成為數位化的錄音的話, 我覺新/舊版的差別應只存在著混音者對聲音的認識是如何.
(我都有一個疑問, 就是這些不斷出版的錄音, 是不是這些混音師的考試?)

用黑膠直錄 CD ....即???-->XXA --> XXD,  是搞笑的出品,  
古典有好多. 聽技巧是沒問題, 不過有時候一些音質真是陰質

mankit9998

音響世界裡一分錢就一分貨
每個發燒友都有一對金耳朵
只係每個發燒友 level 唔同
每條燒友都想自己組合靚聲
曾經有個燒友問我一套組合
除空間外喇叭或音源較重要
我喺冇猶豫下就選擇咗音源
佢好有道理咁話應該係唱片
由嗰陣時我就好明白個道理
隻碟唔掂你套機好掂都無用
試過套裝機聽廣東歌西德版
一樣靚聲到無倫講你都唔信
所以我話隻碟靚聲係最重要
你套器材只不過幫將佢放大
器材越好重播效果就會越好
雖然係咁我都唔覺得咁值錢

mankit9998

Msuper 發表於 2017-9-15 15:17
哈哈, kl 兄你出矛招, 我比你揀兩只碟得日本版同本地香港版，何來美/英/法版呢 ? 因為呢個帖一直講梗廣東 ...

呢個價錢絕對唔值