人造木耳大測試之Esoteric N-05個人聽覺報告

edlsang

我剛試了 樓主之前介紹二嫂N05 同 Cary 分別，我覺二嫂玩交響樂力度好夠，聲音夠快及爽。
但如人声 Cary 較有味道及音樂感重。(但交響樂就吾夠二嫂來……)

DBBoy

ykluk 發表於 2017-9-5 10:53
CHING有無試過K05直出, 同埋K05->N05再出既分別? 小弟都好想知K05本身既解碼部分同N05既解碼部分係點比較 ...

上次提到K05冇N05咁好声，之前我N05係用sound from heaven, K05用wireworld，F03A用belden，就觉得N05好声过K05。但最近有郁动过d电源线，我张Wireworld转咗俾N05，SFH转俾K05，马上K05变咗厚声悦耳，仲冇少到分析力，所以只可以讲Ww唔适合二嫂系统，我朋友听过都话K05好声过N05,睇嚟要換电源线至解决到问题。
所以我都要收番之前我嘅观点。

ykluk

DBBoy 發表於 2017-11-7 19:21
上次提到K05冇N05咁好声，之前我N05係用sound from heaven, K05用wireworld，F03A用belden，就觉得N05好 ...

CHING呢個經驗真係唔錯, 小弟自己都覺得, 無咩話可以講邊部機"一定"好過另一部機, 反而唔同環境唔同配撘唔同聽感唔同喜好, 可能都會有唔同結果~

小弟呢個人造木耳聽覺報告都係一樣, 個所謂感想都只係以小弟垃圾環境垃圾器材加小弟木耳而寫, 並唔係"一定"係咁, 所以如果多啲用家再分享吓會豐富好多~!!

albertlaw

我在想：「買大量代理東西，會否買入這些曾借出的機種？」

ykluk

albertlaw 發表於 2017-11-8 14:39
我在想：「買大量代理東西，會否買入這些曾借出的機種？」

唔係好明CHING意思, 你係問代理會唔會拎demo機嚟賣? {:9_419:}

HD_2

ykluk 發表於 2017-11-8 14:56
唔係好明CHING意思, 你係問代理會唔會拎demo機嚟賣?

佢係拍買到demo機

ykluk

HD_2 發表於 2017-11-8 17:09
佢係拍買到demo機

哦~

一般大部分代理都會預留啲機做demo(視乎代理, 有啲得1部, 有啲可以好幾部), 如果有放喺影音鋪頭賣既就會擺部demo機去比人試, 都可能會留1-2部就比啲記者或者寫手試(即係小瑟或者國仁嗰啲), 而老wil都會係以76 media身份去借機比小弟去試~{:9_423:}

其實以小弟認知, 當部demo機用咗一排, 又或者轉代理, 代理通常都會以"超笋價"去放風比啲熟客或者影音鋪去賣, 或者當二手貨賣, 或者回返比廠, 又或者唔賣, 都好少話代理會用demo機當新機賣, 需知道呢單嘢風險甚大, 搵代理買機既通常都係識途老馬, 如果爆咗出嚟, 真係以後都無得賣~

反而小弟有聽過, 有啲無良影音鋪會有可能將demo機當新機賣, 我估可能佢哋唔係代理, 而上去影音鋪既可能都係街客或者新手, 先有可能比人搵笨... 但我估都真係好少呢個情況, 要知道家下香港地係大資訊時代, 有啲唔妥唔啱都會擺上網唱通街~ 所以小弟諗都可以放心既~!!

DBBoy

ykluk 發表於 2017-11-8 10:25
CHING呢個經驗真係唔錯, 小弟自己都覺得, 無咩話可以講邊部機"一定"好過另一部機, 反而唔同環境唔同配撘 ...

同意，音响嘅嘢只有啱唔啱听，段估d厂唔会做部机好乸衰声等人买吖

ykluk

DBBoy 發表於 2017-11-8 22:21
同意，音响嘅嘢只有啱唔啱听，段估d厂唔会做部机好乸衰声等人买吖  ...

所以小弟覺得, 有啲CHING覺得部機唔得或者唔好聲, 係要考慮埋咩器材咩環境咩設定咩筆直, 無咩話最好既聲音, 只係喺所有有限制既情況下得到自己鍾意既效果啫~{:9_421:}

呢個都係小弟做人造木耳聽覺報告既目的之一, 除咗用同一器材環境之下去試聲, 仲可以為自己謀策略~!!

benwongkk

百貨應百客,各聲入各耳...都冇絕對好聲同唔好聲,至緊要聽得舒服就掂